تلع لعناق
๑ . . عضو . . ๑
- التسجيل
- 30 أكتوبر 2005
- رقم العضوية
- 4236
- المشاركات
- 70
- مستوى التفاعل
- 0
- الجنس
- الإقامة
- اماراتّ العزً ..
السلام عليكم ورحمة الله وبركاته ...
أول مشاركه لي فهالمنتدى :mf_rudolp ..
أحاسيس ومشاعر .. وطفوله وبراءه .. معاكم قصتيه "الروح الغراميه "..
الجزء الاول
عاصفه قويه هبت على فريج جلفار .. والمطر يطيح بقوه ويضرب على الارض بكل قوته.. أمواج البحر تتلاطم ببعضها بقوه وتصدر أصوات تروع القلوب ..بعضهم يحاولون انقاذ القوارب اللى بعدها ماشلتها الامواج .. والشبيبه يترابعون بكل صوب لفزعه الشياب .. والرياح تحرك اغصان الشير وتحاول تقتلعها بقوه .. ومزارع آل علي اللى الكل يدعي ربه انها ماتتضرر لانها الرزق اللى يعتمدون عليه بدت تقتلع الشير اللى خارقت قواها بسبب مرور السنين عليها.. حتى بيوت الفريج المصنوعه من الطين واللب واسقفها الضعيفه بدى يتسرب منها ماي المطر.. وكل حد يترابع في الفريج ويحتمي ببيته ..يهال اللى كانو يلعبون ع رمل البحر الابيض ..والبنات يايات من عند المطوع ..والحرمه اللى تقضي حاجتها عند خويتها ..كلهن ردن لبيوتهن مفزوعات ..كان الظهر .. واللى يشوف سما جلفار بلونها الرمادي على سواد حالك يقول اللحين فليل مب الظهر .. بهالوقت ميثه اللى عمرها ماتعدى العشر .. كانت فبيت ييرانهم اللى ملاصق بيتهم.. كانت تلعب ويه اربيعتها مزنه وناسيه وراها امها ويدتها وهلها اللى يحاتونها ..وكانن يالسات عند الدريشه اللى استوا لونها بني غامج بسبه الماي اللى تسرب بين حوافها..
ميثه تاشر عالبحر:شوفي البحر يخوف .. تسمعين صراخه ؟
مزنه تحط أصابعها الصغار ع ذونها وتغمض عيونها:ماريد ..أخاف من صوته ..
ميثه تضحك وتخوز ايد مزنه عن ذونها:لالالالا لازم تسمعين .. بخليج تسمعين صوته .. وباجر يوم بترقدين بتحلمين فيه ..
مزنه تصارخ:لالاااااا امايه ..امايه .. مااريد احلم فيه مااريد ..أخاف اخاف ميثووه .. الله يغربلج بخبر عليج بويه ..
ميثه تسكر الدريشه وبضحكتها الطفوليه:ههههههههههههه خوافه وايد ..أنا مااخاف من هالاشيا ..بس اخاف من الله ..
مزنه تتطالعها بانبهار:ميثه قولي الصدق ..انتي ماتخافين من صوت البحر ..قولي الصدق وماتجذبين عليه؟
ميثه تلبس شيلتها اللي محطوطه عالجتف:هيه مااخاف .. تصدقين اقدر اطلع اليبل اللحين بروحي .. حتى تخبري سلامه .. في مره فليل ظهرت برى روحي صوب مزرعه آل علي .. روحي والله فليل بعد كان ..
مزنه تحط ايدها ع صدر ميثه مكان دقات القلب: ميثه انتي قويه ..
ميثه تفتر في الحجره:والله ماشي يخوف ..
وبهاللحظه اهتزت الارض بصوت الرعوود والمطر صبيب اللى بدى يتزايد وزخاته تضرب بالدرايش الخشبيه بقوه ...هنيه ميثه ربعت ولمت مزنه بحظنها بقوه وهيه تتنافض ..
ميثه:أخاف من الرعد .. وين بويه !!
مزنه:يالله نظهر صوب امايه ..نحن نخاف ارواحنا ..
وهن ظاهرات جافت ميثه اختها سلامه ع السطح وهيه ترمس ام مزنه ..
ام مزنه:ان شاء الله فديتج اللحين بطرشها صوبكم ..( وتفتر ام مزنه صوب ما الباب الخشبي الضعيف انفتح وتتطالعهم ).. هالميث لهيتي ويه مزنوه ونسيتي هلج ..حليلهم يحاتونج ..!!
سلامه بصوت عالي :الميث ردي البيت اللحين ..ابسرعه ..ابويه يتنازع ..
ميثه عيونها تلمع:وحمد يدري اني برى البيت ..
بس سلامه ماسمعتها نزلت ابسرعه بسبه الهوا والبرد والمطر ..اللى زادت زخاته ...
ام مزنه:اتريي فديتج بوصلج .. وتروح اتييب عباتها الا انه بومزنه وواخوها سعيد داخلين من الباب وكانو شالين قواقير .. وحمد كان واقف ع طرف ويرمس وياهم ..
ميثه تلمع عيونها وتتطلع ام مزنه:خالتيه .. حمد اللحين بيهزبني وبيضربني..وترد تتطالعه بنظرات خوف ..
ام مزنه:اشو يضربج ! لاهب ضاربنج ..!!وحطت ايدها ع جتف الميث جنها تقولها لاتخافين ..
مزنه:ميثووه اخوج اخوج ..
ميثه تتطالع اربيعتها:توا الناس ..
بومزنه يطالع حرمته:السلام عليكم .. هالميث اخوج برى يترياج ..
ميثه تلف شيلتها عراسها وتروح صوبه ..
وسعيد يدخل القواقير ويطالع ميثه وهيه طالعه من بيتهم ..
حمد:ماشاء الله عليج .. مقيله عندهم ..جان بتي عندهم بعد .. ومسكها من جتفها ودزها جدامه ...
ميثه:بخبر عليك بويه ..
حمد:لو تدرين ان ابوج محمق في البيت روحه بيكسرج تكسير ..
ميثه:اووه هد ايدك ..يعورنيه .. ووالله اخبر عليك ..
حمد ميود ايدها بقوه ويسحبها وراه:جب يالله ..امشي عدل ..
ودخلها حمد الحجره اللى متعودين يتيمعون فيها .. ودفرها بقوه .. وطاحت عند ريول يدتها وميثه من الزيغه راحت صوب يدتها وحظنتها ..
حمد:جوفوا بنتكم ..فضحتنا.. 24ساعه فبيت راشد ..جنه ماعندها بيت ..فقيره .. روحي اخير لج اسكني هناك ..(وياشر بايده) صوب المزارع روحج ..تراج 24 ساعه برى البيت .. ماعندج هل ..
يدوه ظبيه:جب اقطعها امره الرمسه .. ياللي ماتخيل ولا تستحي ..
وميثه بعدها محطيه راسها بحظن يدوتها..وماقالت شي ..
ام حمد:حمد بويه استهدي بالله ..شولها هالرمسه ..
بهاللحظه دخل بوحمد الحجره ..وهو يطالع حمد ولده اللى منزل راسه ويهه احمر .. وحرمته اللى تهدي به ..وامه ظبيه اللى تطالعه بنظرات جنها تلومه تقوله ماشاء الله ع تربيه ولدك ..
بوحمد يرطب الجو:ها حمد شو مستوي ..صوتك واصل لين اخر الفريج .. مكان دكانا ..تعرفه اللى نبيع فيه سمج ..
سلامه ضحكت بصوت خفيف بسبه الجو المكهرب في الحجره..وطالعت بوها اللى صد لها وضحك ..
حمد بعده منزل راسه:السموحه منج يدوه وامايه ..وافتر صوب الباب ..السموحه منك بويه .. وظهر ..
سلامه ترمس ميثه:بس هذا اللى ناخذه منج ضرابه وهزاب ..
ميثه تصد لها:مايخصج ..وسارت صوب بوها ..
ميثه:بويه ..حمد محتشر ومعصب وشال البقعه شل ..تدري ليش ؟؟؟ لاني كنت فبيت راشد ..وقالت له السالفه كلها ..
ام حمد:وانتي يوم تشوفين الدنيا الصقيع جيه ماتردين البيت ..صدقه حمد ..24ساعه هياته ..والله ماجذب ولديه ..
سلامه:ماعليكم منها يوم بتغدي حرمه ..قبضه الباب ماتيوده ..
بوحمد لاوي عليها:العصر تلعبين ويه مزنه ومن عقب المغرب تردين البيت ..ولا ماشي بعلقج فوق النخل ..وياشر بايده ..
ميثه بضحكتها الساحره:هههههههههههههههههههههههه لا ادري اني مااهون عليك ..
بوحمد يلوي عليها بقوه:غناتيه ..
يدوه ظبيه: هاه ولديه .. بشر عسى ماتضررتوا..
بوحمد:آأأه ..البحر شل نص المراكب .. وبعضهن كسرهن ..زين منا تلاحقنا على جم واحد مال قوم بن يتاح ..
ميثه:بويه ومراكبنا ..؟
بوحمد:لا مراجبنا ..حمد ولديه من قبل مدخلنهم .. الحمد لله ماتضرر من عندي شي ..ياغير بو سلطان حليله مزرعته الصغيره حول بيته شلها السيل كله ..
يدوه ظبيه:لا حول ولا قوه الا بالله ..ومزارع آل علي ..ياخوفي استوا بها شي ..
بوحمد:لا الحمد لله مااستوابها شي ..الا يمكن شي بسيط ..
سلامه:بويه اليازيه اربيعتي خبرتني انه بوها يبات في المزرعه يوم المطر يصب ..هههههههه
والكل يضحك ..
ميثه تتراكض صوب الدريشه:بويه شكله المطر خف ..اقدر اظهر برى صوب اليبل ..أكيد غدى لونه بني غامج..
يدوه ظبيه تصد لها:بكسر رويلاتج..
سلامه:واابويه ماتووب هالياهل ..
واشوي ويسمعون صوت شمه اللى بعدها ماتعدت خمس شهور .. راقده في المنز .. والكل يفتر صوبها .. وبوحمد ماخلص من التراحيب والسلام الا يوم شلها .. وميثه تتطالعه بنص عين ..
ميثه تلف صوب بوها:من الغاويه بويه ؟أنا ولا شموه الضعيفه..
وبوحمد يلاعب شمه وهب سامع ميثه ..
ميثه جنها تترجاه:بويه من الغاويه فينا؟
سلامه:يالله عليج ..جنج تقارنين عمرج بالشيخه شمه ..!!أكيد هيه احلى عنج بمليوون الف مره مايحتاي مقارنه ..
ميثه تتفحص شمه:بس هيه عيونها صغار وأنا كبار ..بويه يسميني الدعج الناعساتي ..جوفي حتى ماتروم تبطلهن من كثر ماهيه صغار..
سلامه تضحك بويه شمه ..وماردت لميثه ..
ميثه:بويه من الاحلى انا ولا شمه ..
بعد مارد عليها ابوها ..
فجاه حست ان الكل مشغول عنها .. افترت صوب امها ولقتها ترمس يدوتها عن سوالف شمه ويضحكون .. وبوها وسلامه يلاعبون شمه الطفسه .. خذت مني بويه واميه .. من بعد ماكنت انا أخر العنقود يت شمه .. واشوي وسارت ابعيد عنهم وع الزاويه يلست تصيح بصوت واطي لين ما ارتفع حسها وبدت تصيح بصوت عالي .. الكل استغرب ..اشفيها ..خص بوها ..يمووت في عياله ومايريد يشوف دمعه وحده بعيونهم ..
بوحمد:بلاج ؟؟
سارت لها امها ولوت عليها:ميثه غناتيه بلاج اميه؟
يدوه ظبيه:هاتوها ..هاتوها عندي ..تعالي امايه ميثه ..
وميثه ماشي تصارخ وترافس ..انتوا ماتحبوني كله تحبون شمه وبس ..
سلامه:فديتج ميثاني .. اذا نحن مانحبج من يحبج ..؟
ميثه حاظنه عمرها بركبها:خوزو عني .. ماريد حد يرمسنيه..
واشوي ودخل حمد ..وهو فرحان ومستانس ..
حمد:بويه اميه يدوه..السيل وقف ..يالله اظهروا ..
سلامه امفتره صوبه:والله ..الحمد لله ..بسير بطالع الجمبل مالي اكيد اتخرس ماي ..
يدوه ظبيه تقوم ببطئ وحمد يساعدها:الشمس ظهرت ولا بعدها..
حمد ياشر عالحوي من برى:الغاليه شوفيه هذي اشعتها..بدت تظهر..
الكل راح يشوف حاجته حتى ام حمد يلست ترضع شمه حليب .. اما بوحمد يلس يراضي ميثه ..اللى ماطاعت تشل راسها من ركبها الا يوم حبها بوها ع راسها وايدها وجتفها..
بوحمد:اذا بوج ما يحبج من يحبج ...(تريا الاجابه) هاه الميث خبرينيه؟
ميثه تمسح دموعها بظهر كفها وتبتسم ابتسامه عريضه:عيل ليش مارديت عليه يوم قلت لك من احلى فينا انا ولا شمه؟
بوحمد:فديت روحج ..أكيد انتي الغاويه ..
ميثه ضحكت بصوت عالي ..:فديتك بويه ..ولوت ع رقبته ..
وسلامه تتطالع وتتاكد من كل شي ..عطور عبدالله اللى يبهن لها من الهند .. صوغات بوها وعمها ..المندوس مالها واغراضها .. اصدافها وقواقعها اللى يمعتهن وهي ياهله ويه بنات الفريج ..
سلامه تسير صوب امها ويدتها:يدوه .. امايه جوفو الثوب تخرس ماي .. وكله ع اطرف الحجره ماي ..
يدوه ظبيه:جيه مادخلتيه في المندوس ..سيري انشريه ع السطح ..بيجف ..
ام حمد:عيل روحي انشريهن وتعالي فازعيني السيل دخل الليوان .. انقفضي ..
وميثه واقفه عند الباب وتطالع الكل مشغول حمد يرمس بويه وامايه ويدوه وسلامه مشغولين .. لبست شيلتها وركضت برى البيت ..
وع السطح سلامه تحط ثوبها مكان الشمس .. وفجاه تحس بحد يلمس طرف شيلتها .. وهيه تفتر الا تشوف عبدالله ..وتفتر عنه مره ثانيه ابسرعه ..ودقات قلبها تزيد وتزيد ..
عبدالله يسحب شيلتها صوبه..وسلامه تمسكها من صوبها بقوه ..
سلامه:عن الخبال !!
عبدالله:بتخبل ..كيفي دام اني يالس هنيه اترياج من نص ساعه ..وانتي ولا مفتكره فيني .. ولا جني ولد عمج و خطيبج !!
سلامه بعدها عاطتنه ظهرها وماسكه شيلتها بقوه:قلتها خطيبج ..يعني بعدك ماستويت .. ريـــ ... وصخت ..
عبدالله:هاه قوليها حتى من هالجلمه حارمتني .. ولا جني بشر ..يحس ويشعر تراني بشر لي احاسيس ومشاعر شراتج ..يمكن بعد اكثر عنج ..
سلامه:بس هذا.. كلما ريتك اسمع شرا هالرمسه ..
عبدالله منقهر وير شيلتها صوبه حتى انها افترت ونص شيلتها طاحت وبكلتها ظهرت ع ويها وويوهم في بعض واللى بعدهم عن بعض مسافه خشم سليل عبدالله ..
سلامه تفتر عن ويهه:أكرهك ..خوز عني ..
عبدالله منصعق ..شو سويت .. هد شيلتها وسلامه نزلت ابسرعه ونص شيلتها تسحب وراها ..يالله شو سويت انا .. انا احبها ماابيها ترفضني بسبه خبالي ..يالله ترحمني برحمتك ..يالله ..
وسلامه من نزلت سارت حجرتها تصيح ..مب عشان شي بس عبدالله وخباله وحركاته اللى ماتخلص ..
وميثه كانت ويه مزنه وبنات فريجهم الى من سنها .. يلعبن ع البحر.. وعالرمل الابيض .. كان واحد من الماره هناك محذرنهم من البحر ..لا يتعمقون فيه وايد ..
بو احمد: عيالي تعالن لاتلعبن ..عن البحر يشلكن..! تعالن!!
مزنه:بو احمد ..لا تخاف نحن الا هنيه عند الرمله ..
ومن بعيد وع الشيره اللوز بالتحديد .. سعيد وخليفه بعدهم فتيه على طور النمو عمرهم ثلتعش سنه .. يالسين تحت شيره اللوز .. سعيد كان يراقب وحده بس ...وحده محد غيرها .. ميثه .."غنات عمره "
خليفه يفر عليه رمل:اييه منوه تتطالع اهناك ..ماتستحي تراقب البنيات ..عفان الله جنك من وعيت عالدنيا وريت شله هالبنيات وانته ماتشل عيونك عنهم..
سعيد يضحك:ههههههههههههههه ياخي وانته شلك ..انا احب وحده منهن..ويبتسم بحيا..
خليفه:من ..بنت آل علي ؟
سعيد يسوي روحه يكح: ايخسي ..أنا ..لا بويه ..( ويلس يطالعها من بعيد وهيه تربع ورى اخته مزنه ..ووراهم البنيات) .. انا حبيبتي مالها مثيل ولا شبيه ..تشوف هالبحر (وياشر عليه )يذكرني ابها يوم اسمع موجه ..
خليفه:واشو اللى يخليك تتذكرها يوم تشوف البحر..
سعيد يعدل يلسته عالرمل:ياخي غير .. ضحكتها جي ابها نبره حلوه ترن بذوني وانا اسمع موج البحر ..
خليفه:ياسلام ..انزين كمل ..
سعيد: والله احبها ..يارب ربي يكتبلي اياها من نصيبي ..خلووف ادعيلي !!
خليفه يحاول ايمع رمل بايده دون ماينتبه سعيد: وايد تحبها يعني ..؟
سعيد يطالعهم: بخبر ابويه يخطبها لي قبل لاطير عني ..
بهاللحظه فز خليفه من يلسته .. وسعيد رفع راسه صوبه مستغرب من طريقه وقوفه ..
سعيد:بلاك؟
خليفه بخبث:ماشي ..تبي الشور؟
سعيد بعده مستغرب من اربيعه ويتفحص ويهه جنه ناوي ع شي: ارمس ..!!!
خليفه:تبا تعرس ابها صح ..
سعيد هني نسى خليفه ورد لعالمه:آآااه ..اليوم قبل باجر ..(وحط ايده الثنتين ورى راسه واتكا على جذع الشيره ..)
خليفه بخبث وضحكه تطايرت في السما:فقدتك تبا تعرس ...ورش عليه الرمل فويهه..
وسعيد من الصدمه تم يكح ويتفل الرمل اللى دخل حلجه..تم ينظف ويهه ولحقه ..
سعيد يربع وراه:تعال ..تعاااااااااااااااال اقولك ..والله ان ماييت لا اسوي شي تحرم اتسوي حركاتك هذي ..
خليفه:اذا تحبها صدق .. زخني ..
وخفف سعيد من ربعانه يوم شاف عمره بين البنات .. ولمح ميثه تشل الماي بايدها وتوديه صوب القلعه اللى مسوينها ..
مزنه:سعيد تعال شوف شو سوينا..!!والله بيعيبك ..بس لاتحاول مابعطيك اياه..
ميثه تصرخ:ليش خبرتيه ..هاه سر امبينا ..
وسعيد يضحك عليهم ..
ميثه محطيه ايدها ع خصرها:هاه عيبك ليكون بعد تبا تاخذه؟
سعيد:رووعه منو مسوي هالقلعه؟
ميثه تفتر بخوف:لا تيود شي بتكسره..
لطيفه:ميثه بنسوي سفينه عوده شرات سفينه يدي..هنيه بنسويها..
مزنه:لا ورا القلعه احسن عشان مايي البحر ويكسرهم باجر ..شرات ذيج المره ..كسرهم كلهم ..
وباجي البنات التفن صوب لطيفه ومزنه يشاورن بعض .. اما ميثه يلست تتطالع سعيد .. غمضها يوم ماخلته ايود القلعه ..
خليفه يصاصر سعيد:اشرايك انكسره حقهم ..
سعيد:حرام عليك ..من يومين يسوون فيه ..
ميثه:سعيد يود هذي القلعه ..عادي مابتنكسر .. وتبتسم ..
سعيد:مااريد ..عقب ان تكسرو بتقولين هذا سعيد ولد راشد اللى كسرهم..
ميثه تترجاه بصوتها:لا هب قايله ..يودهم عادي انته ..بس اربيعك خليفه مابخليه ايودهم ..
خليفه يطالعها بنظرات:من زين اللى سوتنه كله خرابه باجر بتحصلون البحر شالنه كله ..
لطيفه:وانته شلك روح العب ابعيد هب ويانا..
سعيد يطالعها:ههههههههه دواك..
خليفه يحطي ايده ع جتف سعيد:جب انتي ام العقص اليابس ..طلع لج السان بعد ..
ولطيفه اشوي وبتصيح:بخبر عليك اميه ...
خليفه:يالله يالله مناك ..صياحه وحده ..
لطيفه حابسه دموعها:انته شعرك يابس ليفه ..
سعيد:ههههههههههههههههههههههههههههههه
خليفه:اسكتو اسكتو لطيفه بتصيح بتصيح ..
لطيفه مستحمله:جب
خليفه:اسكتو بتصيح اللحين ..
لطيفه ترش عليه رمل:بخبر عليك اميه ..
خليفه يفتر عنها:بس خلاص لاتصحين ..
وهنيه مارامت لطيفه تستحمل زوود وراحت تصيح بصوت عالي ..لحقنها البنات ..
خليفه وسعيد:ههههههههههههههههههههههههههههههه
ميثه:ووووف بس خلاص سيروا..
مزنه تطالع خليفه باحتقار..وخليفه يسويلها حركات بعيونه..
ميثه:قوموا من هنيه خربتوا علينا ..
خليفه:اطالع اختك ..يبالها كف يسنعها..
سعيد:خلووف زودتها عاد..
خليفه:اطالع شقايل تطالعني..
سعيد يسحب خليفه:برايهم برايهم لعوزنا بهم ..
وعند المغرب ردن ميثه ومزنه البيت .. وع طول الدرب وهن يرمسن بسوالف بريئه وايد تخص عالمهم روحهم ..وهن ماشيات في السكيك ..زقرهن عبدالله ولد عم ميثه ..
عبدالله يربع صوبهن:ميثه .. هذي الورده عطيها لسلامه .. لاتتعبثين ابها بتموت عقب ..
ميثه: ان شافني حمد بيذبحنيه..!
عبدالله:اووووه اشو حمد هذا بعد .. ابويه انا ريلها كلها سنتين ثلاث وبستوي ريلها ..
ميثه تتخطاه:انزين يالله فارج ..
عبدالله:ان شاء الله بفارج ..بس عقب بتخبرينيه شو صار وشو قالت عني .. وحطي الشيله عراسج ..وربع صوب المسيد ..
مزنه:ميثووه سلامه بتعرس خلاص ..شرات خواتج عفره ومريم ..
ميثه ترد شعرها ع ورى:ماادري خبال اكباريه ..
ومن وصلن بيوتهن دخلن ع طول وسعيد كان توا بيظهر من الباب ..وشاف ميثه وهيه داخله البيت ..
يدوه ظبيه:خلصتي هياته..؟
ميثه تفصخ شيلتها وتعقها بالليوان..وتيلس ع الارض وطبعا نست الورده:يدوه شو ماسمعتج..؟
يدوه :اقولج خلصتي ربعان في الفريج؟
ميثه تضحك بصوت عالي:هههههههههههههههههههه ماربعت بس سويت بيت كبير احذاه البحر .. يدوه ادعيلنا مايكسره البحر ..
ام حمد:ميثه نشي تيددي ماتسمعين الاذان ياذن ..يالله نشي فديتج..
نشت وراها ميثه..وبكل جديه:امايه ماخبرتج اليوم انا ومزنوه شو سوينا ..؟
سلامه:لا اله الا الله ..يعني شو مابخشع بصلاتي انا ..روحي يالله صلي ..
ميثه:انزين بخبرج شو سوينا انا والبنات ..
وتدخل يدوه تبتسم:الميث ماتخلص سوالفها ..بتم لين ويه الفير بترمس ..(وصدت صوب سلامه)وين السيده بصلي ابها ..
وقامت سلامه ويابت وفرشت لها السيده ..
ميثه:انا بسير بتيدد وعقب بخبركن ..
وهناك بمزرعه آل علي رياييل الفريج كلهم يعدلون في المزرعه اللى خربها المطر اليوم الظهر ..من العصر وهم يعدلون فيها ..
ميثه يالسه احذاه منز شمه وتلاعبها:سلامه ابويه وحمد من صلاه المغرب وهم ماردو البيت؟وين راحو؟
سلامه تعدل التكيات واليلسه:يعني ماتعرفين انهم يفازعون قوم آل علي بالمزرعه ..اللى اختربت من المطر ..هيه صح ذكرتيني اخواتي عفره ومريم ين عقب ماشردتي من البيت ..ويسلمون عليج..
ميثه:حراام ..ليش مازقرتينيه ..تدرين اني متولهه عليهن مووت ..
سلامه:لا والله ان شاء الله تبيني اظهر بالفريج وازقرج ..عيوني انا هب ياهله شراتج تراكض مني ومناك ..وبعدين انا خبرتهن انج دووم تتخبرين عنهن ..
ميثه:يالله فديتهن من متى ماسرت لهن .. باجر بروح ..
سلامه:ايييه عن الفضايح .. بيت راشد قلنا ماعليه ..لكن تترابعين لهن ببيوتهن عيب عليج ..عرب يايين طالعين ميالسهم ..
ميثه:كيفي بخبر ابويه وبروح ..
سلامه توها بتظهر من الحجره:عيل اتحملي اللى بييج من حمد
ميثه:كله منج شمه صاحت ..امايه ..امايه شمووه تصيح تريد حليب ..
وعقب صلاه العشى يلسو كلهم حول سفره العشى ..يتعشون ..
وباجرها الفير قامت ميثه ع صوت يدوتها توعي سلامه لصلاه ..
يدوه:حي ..وانتي منو موعينج ..ردي ارقدي ..
ميثه: بصلي شرات سلامه ..ولا هيه غير عني ..ونشت سريع ..
وتمت ميثه واعيه لين الصبح وشلت كراسها وقلمها ومرت على مزنه ومن عقب بنات الفريج..وهيه بالدرب لمحت عبدالله ماشي في السكه .. ووياه اخوه قايد ..
ميثه تفتر بخوف حول ربعها:ابا انخش ..يالله ابسرعه ابسرعه بيذبحنيه ..!!
لطيفه:منوه ؟منوه بيذبح؟
مزنه:شو مسويه بعد؟
عبدالله:ميثه تعالي اشوي..
ميثه تعدل شيلتها اللى ما غطت ربع شعرها هيه بصوب وشيلتها بصوب:هاه عبدالله ..!!
عبدالله:بلاج زايغه مني ..ماباكلج .. بغيتج بسالفه ويغمز لها ..
ومن الغمزه ارتبشت ميثه زوود:هاه ماعرف لاماعرف ..اتاخرت عن المطوع بيضربني بالعصا اليوم ..
قايد:اكيد ماحفظتي السوره ..كله برى البيت ..وين ماتبينه يضربج..
عبدالله:قايد اسكت عنها .. تعالي ميثاني ..وخذها من ايدها ..
وسعيد كان توا ظاهر من الباب ..ومن شاف عبدالله وميثه وبينهم قايد..تم يناظرهم دقايق وعقب روح ..
عبدالله منصعق:شووووه؟؟قالت ماتباها ..لحظه لحظه ..انتي متاكده انها قالت ماتباها ..
ميثه تتطالع مزنه:اوووه ماادري انا تاخرت المطوع بيكسر راسي ..وسارت ...
عبدالله محطي ايده الثنتين ع خصره:شكلي انا اللى بكسر راسج مب هو ..انا لازم اتاكد .. وسار ..
قايد:ع فكره ترا ميثه معروفه بالجذب ..ماعليك من رمستها كلها خريط ..جلام ميمع ..
مزنه:شو السالفه؟
ميثه تصاصر مزنه:الورده ماعطيتها لسلامه ...نسييت .. بيذبحنيه ..
وعند المطوع يلسن البنات بصوب والاولاد بصوب .. وسعيد وخليفه يتفقون اليوم شو بيسون في معسكرهم اللى مسويينه في اليبل ..
سعيد:انا بييب السح والخبز..
خليفه:وانا عليه الماي .. بس هاه اتحمل عن تشوفك مزنه ..
سعيد: لاتخاف انا مسوي احتياطاتي عدل ..
المطوع: سعيد وخليفه عن ماذا تتحدثا ونحن نتلو آيات الله ؟؟
خليفه مرتبك:هاه لا مطوع كنا نرمس......
ويقاطعه المطوع:تكلم باللغه الفصحى ..تحدث ياسعيد ؟
سعيد:مطوع انته تقول الذي يكذب سوف يدخل الى النار..
المطوع:نعم..هذا وعد الله ..
سعيد:كنا انا وخليفه نتحدث عن معسكرنا الذي بنيناه في الجبل ..
وهنيه الكل يضحك .. حتى ميثه ومزنه ويوم شافهم سعيد نزل راسه اكثر ..
المطوع:وهل تظن ان مثل هذا الحديث ينفعك عند قراءه القران الكريم ..
سعيد وخليفه منزلين راسهم ..ومن عقب ضربهم المطوع بايدهم ..ومزنه مستهمه ع خوها وميثه ولا عليها من حد ..
مزنه:سعيد وايد ضربك..
سعيد يفتر صوب اربيعه:خلووف الحق مزنووه اختي بتسويلي مناحه اللحين ..
خليفه يطالع ايده ويعصرها :حظك عندك اخت تفتكر بك ..اما انا حليلي ..
ميثه:أي معسكر اللى بتسوونه ..ممكن تاخذونا له ..ههههههههههههههههههه وضحكت ضحكتها العاليه ..غير كانت ضحكتها ..
سعيد من سمعها تم يطالعها ويبتسم بويها اما خليفه كل نظرات الكراهيه يطالع ابها ..
خليفه:ايخسي ناخذج ويانا .. يالله ردي البيت ولاتبين اخوج يسحبج من كشتج لين بيتكم ..شرات كل مره ..
سعيد:خلووف حرام عليك ..لاتحط راسك براس ياهل ..
خليفه:رووح انزين .. وسار
وتمت ميثه تطالع خليفه وهيه تفكر ..
سعيد:ميثه ماعليج منه هو معصب من المطوع ..
ميثه تفتر عنهم:يولي ..ماتهمني رمسته ..
وفي الدرب ميثه كانت تخطط تروح ورا خليفه وسعيد وتحاول تقنع مزنه بهالشي الا ان مزنه مب طايعه وتخاف ..
ميثه:صدقيني يمكن خاشين عنا الكنز هناك..
مزنه مستغربه:كنز .. معقوله اخويه سعيد عنده كنز ..وماخبرني!!!
ميثه:انا متاكده انه عندهم كنز .. ولا مابيسون معسكرهم في اليبل ..
مزنه:وبعدين نحن بنستوي شرات قوم آل علي عندهم فلوس وايد ..
ميثه:خلج من هذا يالله نلحقهم قبل لا يندسون .. وياخذون الكنر روحهم ..
ومن سارت ميثه البيت تسبحت وتغدت ومن عقب الغدى ..
حمد:ميثه وين سايره؟
ميثه مرتبكه:أأأأأ هيه ..بسير بيت عمي راشد ..مزنوه اليوم ماسارت المدرسه راسها يعورها ..
حمد يعرف انها تكذب ..بس :لاتبطين ..يالكذابه ..ودخل الحجره ..
ميثه تظهر ابسرعه:اميه عرف اني اكذب ..ابسرعه قبل لايغير رايه ..
ودخلت ميثه بيت مزنه وشافت بوسعيد يعدل في شيره صغيره .. وكان وياه سعيد ..
بو سعيد:اشحالج ابويه؟
ميثه مستحيه:ابخير وخطفت من عندهم .. وخذت مزنه وظهروا برى .. وطول الدرب وهن يمشن في الشمس .. ومزنه تعبت ويلست عالرمل ..
ميثه:مزنووه لازم نوصل اليبل قبلهم .. ولا مابنشوف الكنز ..
مزنه:مااريد الكنز ..اريد ماي ..بموت ..عطشانه ..
ميثه تصارخ:من وين اييب لج الماي ..يالله نشي ورانا درب ..
مزنه:ابا ماي ..
ميثه:مزنه لاترقدين في الشمس ..نشي ..
وهن يمشن شافن لمه شبيبه .. احذاه البحر ..
ميثه:حد منكم عنده ماي .. اربيعتي تبا ماي ..؟
وقام عبدالله من بين هالشباب .. وسار وراه عقاب ..
عبدالله:انتي شو اللى يايبنج هنيه ..ماتعرفين انه هالمنطقه خطر عليكم ..يالله ابسرعه ردي الفريج ..
ميثه:انزين مزنه تبا ماي ..(وتاشر عليها) شوفها ..تعبانه ..
ويركضون صوبها ..وعقاب يتم يبحلج بميثه صار له فتره ماشافها بدت تكبر وتحلو هالبنت .. يحس انها غير عن بنات الفريج ..فيها شي مميز ..
عبدالله:عقاب الحق البنيه بتموت ريجها نشف شوف شفايفها بيضت ..سر هات يغمه ماي نبلي ريجها ..
وربع عقاب صوب البحر وياب بايده ماي وحاول يشربونه لمزنه ..اللى بدت تتعب من المشي الطويل ..
عقاب:شو اللى خلاج اتين هنيه؟
ميثه:نبا ندور الكنز ..
عبدالله: اقولك هاي بنت عمي خبله ..انته لو تسمع سوالفها بتموت ضحك عليها ..
ميثه تتطالعه بنظرات ..وصرخت بويهه :سلامه اختي ماتبا وردتك ..
عبدالله احمر ويهه جدام عقاب ويرها من طرف ثوبها:جب ..انتي شو تقولين ... أي ورده ..!!يالله جدامي البيت ..وشل مزنه ..(وتم يطالع عقاب اذا لاحظ شي ولا لا.. بس عقاب كان سرحان غير عادته)
ميثه:والكنز!!!
عقاب:هههههههههههههههههههههههههه فديتج ماشي كنز هنيه ..
عبدالله:أي كنز !!!يالله جدامي لاخبر عليج ابوج ..يالله جدامي ناقص خبال يهال انا ..
ومن درو هل الفريج بسالفه ميثه ومزنه .. طاحو هل ميثه فيها ..
بو حمد:بتخبرج انتي ؟؟؟ شو مودنج هناك؟
ميثه تصيح وتناهي بصوت عالي ..وماترد عليهم ..
بوحمد:الحمدلله ولد عمج تلاحق عالبنت ولا جان راحت فيها ..حليلها بنت راشد..
وام حمد غامضتنها بنتها ..بس لازم تتادب ..
بوحمد: اربيعتج كانت بتروح ؟؟
وهنيه ميثه صاحت بصوت عالي .. وام حمد مارامت قامت ولوت عليها ..
يدوه ظبيه:برايها برايها لوماتت البنيه ابوج اللى بيبتلش فيها ..
حمد:يوم اقولكم احبسوها في البيت ماطعتوا الشور ..
سلامه:يا جماعه استهدوا بالله ..الحمدلله السالفه عدت على خير ..
بوحمد:الحمدلله ..ربج رفق بحالنا وحال الياهل اللى كانت بتضيع من ايدج ..
ام حمد: بسك بوحمد ماتشوفها شقايل تناهي ..
بوحمد يقوم:يالله ام حمد انابروح ميالس قوم آل علي ..ولا تخلينها تمسك قبضه الباب ..ولا دواها المره ثانيه اكثر عن الهزاب ..
حمد:بويه بخاويك ..
وميثه من يوم ظهر ابوها وهيه تصيح مب عشان الهزاب اللى حصلته من الكل .. لا .. تخاف على اربيعتها لايستوي ابها شي .. وهيه تكون السبب ..ومن بعد ماهدت اشوي سارت صوب يدوتها ..
ميثه:يدووه ..بسير بيت مزنوه بشوف حالها ..
يدوه:لا سلامتج .. يلسي مكانج البنيه ابخير بدون لاتشوفج ..
ميثه تمشي وراها:الله يخليج بس بسالها عن حالها وبيي ابسرعه ..
ام حمد تدخل الحجره وشاله شمه:ميثووه بسج عن الحنه الزايده ..روحها يدوتج راسها يعورها ..لاتزدينها برمستج ..
ميثه تتطالعهم ..ووقفت عند الباب .. ومن عقب سارت فوق السطح تركض ..وفي الممر شافتها سلامه ..
سلامه تتطالع خطواتها:وين سايره؟
ميثه:فوق السطح ..وركبت الدري المصنوع من الطين الابيض ..وعند السطح تمت تراقب بيتهم من تحت تتريا حد يظهر .. وشافت بو سعيد وزقرته ..
ميثه بفرح:عمي بوسعيد ..
بوسعيد يتلفت يمين يسار ..وميثه تضحك ضحكتها اللى الكل ينبهر ابها ..
ميثه:عميه انا هنيه ..وتاشر عليه ..وتضحك ضحكتها العاليه ببراءه ..
بوسعيد يرفع راسه ويحطي ايده الثنتين ع يبهته ويضحك ..: بنتي ماريتج ..بلاج ابويه ؟
ميثه:عمي ...اشحال مزنه ؟
بوسعيد:ابخير علج الخير ابويه ..جيه ماتقربين عندنا ..
ميثه بفرح:اقدر يعني عادي ..
بوسعيد مستغرب:بنتي هذا بيت هلج قبل ليكون بيتي ..حياج الله باي وقت ..
وعند هالرمسه يظهر سعيد ويشوفهم ويركب هو الثاني فوق السطح ..ليستفسر من ميثه اشويه شغلات ..وبوسعيد يظهر من البيت ..
سعيد:بلاها عيونج وارمات..ليش كنتي تصحين؟
ميثه تنزل راسها: مابلانيه شي ....أأأأ مزنه ابخير..
سعيد:هيه ابخير ..مافيها شي .. تعرفين حريم الفريج يحبون يزودون من عندهم ..
ميثه:يعني ابخير ..وهيه تحبني ونروم باجر نروح ندرس..سوا..
سعيد يضحك:هيه حتى اذا بغيتي بزقرها لج...
ميثه:لالالا خلها ترتاح ..
ثواني ..
سعيد يطالعها:الميث...
ميثه تتطالعه:اول مره تقولي الميث ..(وتبتسم ..)انا اكثر شي استانس يوم ابويه يزقرنيه الميث ولا الباجي عادي ..
سعيد يطالعها ويبتسم ..
ميثه:شو كنت تبا؟
سعيد:هيه ..ليش انتي ومزنه سايرين صوب اليبل؟ماتعرفون انه اليبل مب زين؟
ميثه تفكر:اممم مابقول سر بيني وبين مزنه ..
سعيد:يعني مابتخبرنيه..
ميثه:لا ..اوووه انا بروح يدتيه تزقرنيه ..
سعيد:لحظه ميثووه ..بخبرج ......
ونزلت ميثه سريع وعند الدري لقت يدوتها .. وسلامه ..لابسات عبيهن ..
ميثه:وين سايرات؟
يدوه:تمي ويه امج ..نحن بعد اشوي ردات وعن الشيطنه ..
ميثه تمشي وراهم:يدوه شليني وياج ..
سلامه:ميثه امايه روحها ..تمي وياها ..
ميثه:انزين ..وسارت ميثه تيلس ويه امها اللى يالسه ترضع شمه ..
ام حمد:ميثه فديتج روحي هاتيه ثياب شمه من الحبل .. وثياب ابوج واخوج حطيهن بصوب ..
وميثه وهيه تلم الثياب دخلت اختها عفره وريلها .. اللى هو ولد عمهم ..
حميد:هووود هوود ..
عفره:حميد روح انته الميلس؟
ام حمد:هدا هدا ..قربوا
ميثه:اقرب اقرب ..
حميد:قريب قريب عمتيه ..
وميثه تلحف شعرها بقطعه من الثياب اللى يمعتهم ...
حميد:ميثاني شفتج؟
ميثه:ادخل ابسرعه لاني مب ملحفه شعريه...
حميد:هههههههههههههههههههههههههههههه عادي ياهل ..
عفره:ميثوووه ..فديت روووحج ..
وربعت ميثه صوبها ..ودخلو صوب امهن ..وتقهوي حميد وعقب ظهر ..وتمت ميثه وعفره سوالف ..
وبعد اشوي ين سلامه ويدوه وعقبها يت مريم واكتملن بنات بوحمد ..
مريم:الميث ..شو مسويه فربيعتج مزنووه؟
سلامه:زين ماراحت فيها حليلها روحها ضعيفونه؟
ميثه:الحريم يبالغن ..وسعيد يقول مافيها شي عادي تروم تروح المدرسه ..الا الحريم عفان الله مايصدقن يسمعن شي ..ويرمسون فيه ..
عفره:شو ادورون كنز ع قولت بنت راشد ..
ميثه منصدمه:هااه ...كنز شدراج؟
سلامه:ههههههههههههههههههههههههههه أي كنز في جلفار كنز ..عيل نحن من اغنى المناطق ..وماعندنا خبر ..الا ميثوه ومزنوه ..!!
ميثه تتطالعهم:لحظه لحظه أي كنز؟
عفره:اشدرانيه عمتيه تقولي اونج انتي مخبرتنها في كنز في اليبل ..الحريم كلهن يرمسن بهالسالفه ..
الكل يضحك
ميثه:ماعليه مزنووه خبرتيهم .. انا اراويج ..
ومرت الشهور ..
العصر ميثه يالسه تلعب في الرمل البحر ..ومزنه وياها يشخطون ويرسمون ..وسعيد وخليفه كانو مارين من هناك ..
وميثه محطيه الشيله ع جتفها ..ومن شافها سعيد ..
سعيد:ميثه حطي الشيله ع راسج..
ميثه:انته شو لك؟
خليفه:شو تباها برايها ..يالله عمي علي يتريانا ..نحن هب متفيجين لطوله السانها..
سعيد:اقولج حطي الشيله عراسج ..ترانيه بخبر عليج اخوج؟
ميثه تتطالعه:حتى انته تهدد..تحسبتك غير عنهم..طلعتوا نفس الشي ..(وتحط الشيله ع راسها)
سعيد يطالع اخته:مزنووه قبل المغرب ردي البيت؟
مزنه:ان شاء الله ..
ميثه تتقرب صوبه:مب كيفك .. يالس تتامر جنك عوود ..
سعيد يضحك ..وبصوت واطي:يالله خليفه نروح ..
ميثه تلحقه:اييه يالسه ارمسك؟
سعيد يصد صوبها:شو؟
ميثه:شوه اللى شوه ؟؟مب كيفك بنرد شرات كل مره ..
سعيد:انتي كيفج ..بس اختي اباها ترد ابسرعه ..
ميثه بصوت عالي:فقدتك ..اشتغلت وتتحسب عمرك عوود ..
بس سعيد وخليفه كملو دربهم ولاردوا عليها ..
مزنه:ميثه ماتحسين انه كبرنا عاللعب ..
ميثه:تصدقين انا من شفت شنب اخوج ..حسيت اني كبرت ..
مزنه:هههههههههههههههههههههههههههههههههههه..
وعند العشى ..يلست ميثه تلاعب شمه ...وتسمع حد يدق الباب ..
ميثه:سلامه روحي افتحي الباب..؟
سلامه:روحي انتي انا مشغوله انظف حجره بويه ؟؟
ميثه:انا عندي شمووه ..
سلامه من عند الباب:روحي افتحي ..وانا بشل شمامي ..
وسارت ميثه وبطلت الباب وشافت سعيد يبيع خضره ..
سعيد منزل راسه وع طرف:السلام عليج ..
ميثه:وعليكم السلام ..امايه امايه هذا سعيد يايب وياه الخضره ..
وظهرن له يدوه ظبيه وام حمد .. وميثه كانت وياهم ..وتتنقى ليدوتها الفاكهه الطيبه ..
يدوه ظبيه:بنتي هالتفاح زين تشوفينه ..
ميثه وهي تتنقى الخضره...وبعفويه:هيه يدتيه بلاها مب زينه يسد انها من مزرعه بوسعيد ..ولا شو الراي امايه ..؟
ام حمد:الخير كله من مزرعه بوسعيد ..وخضرتهم ماعليها جلام ..الحمدلله والشكر ..
وسعيد مستحي ويطالعها يوم تتنقى وتعلق ع يدوتها ..
ومر من عندهم قايد ولد عم ميثه .. وشافهم ..وماعيبه المنظر ..
قايد:السلام عليكم ..اشحالج يدتيه وحبها عراسها ..
يدوه:الحمدلله وسهاله ..ومن صوبك ولديه ..
قايد يطالع ميثه بنظرات:ابخير مانشكي باس الله يطولي بعمرج .. (وبتردد)عمتيه انا اشوف ميثه مالها لزمه واقفه خاري جيه والناس طايفه وراده ..(ورد يطالع سعيد ..اللى فهم قصده )
يدوه:هيه والله صدقه ..ميثه مالها لزمه .. دشي داخل ..
ميثه حولت نظراتها مابين امها ويدتها وقايد ..ودخلت ..ورضخت الباب وراها ..
وسعيد كان مع قايد بكل جلمه نطق ابها ..لكن طريقه رمسته قهرت به ..بس ساكت لانه ولد عمها وله الحق ..وحاشم الحرمات اللى يتشرن عنده ..
ام حمد:حليلها يالسه تفازعنا بالخضره ولديه ..
قايد:لا عمتيه انا اقول يعني مب حلوه واقفه احذاه واحد غريب..يبيع خضره ..
سعيد بنظره شموخ:اللى تشوفه يدامك يبيع الخضره .. حاشم عمره وحاشم هل الدار اكثر عنك ..ومب غريب تراه واحد من هلهم ..
قايد اطالعه بنظره ..وسعيد رد له النظره ..
ام حمد:ولديه قايد عيب هالرمسه وسعيد حسبت اخوها ..ورابي وياها هو ..
قايد:عمتيه رمستج ماعليها زوود .. الا وقفتها هني وياه عيب بحقنا نحن عيال عمها وانا اترخص اللحين ..
وميثه داخل تصيح بحرقه .. واللى ذابحنها اكثر انه قال ذيج الرمسه بوجود سعيد ..
وسلامه مستغربه من اختها ..عمرها ماصاحت لمثل هالسوالف طول عمرها ميثه تتناجر ويه عيال عمها وماصاحت هالصياح ..
سلامه:ماعليج منه الا هو قايد ..ياهل..
ميثه:اشو ياهل ..انتي لو تشوفينه كيف يرمس رافع خشمه يتحرا الكل تحت وهو فوق ..
سلامه:اللحين انا اريد افهم انتي ليش تصحين هالكثر ؟
ميثه:انا مب ساكته عنه بخبر عليه عمي ..
سلامه ..حست انه ميثه بدت تتغير ماعادت ميثه ذيج الياهله ..بدت تكبر وتعقل وتحس .. .. بدت تتاثر بكل شي حوليها ..
ميثه تمسح دموعها بظهر كفها ..وهي طالعه من الحجره :مب ميثه اللى تصيح بسبة واحد مايسوا الثرى اللى تمشي عليه ..
ومرت الايام و الشهور والسنين والكل يالس يبني فخياله ويرسم احلام مالها حد وحدود ..
خص سعيد ..كان يرسم فمخيلته الف والف رسمه يلونها بالوان الحب والشوق والحنين ..بدى يخطط لمستقبله بجديه ..
من الصبح الكل ناش ينظف البيت من فوق لتحت .. لان جريب بيكون عرس سلامه .. وحريم الشعبيه ماقصرن .. ساعدن ام حمد ويدوتها .. والمغرب يدوه ظبيه يلست تعين حنه ..و يت وحده من الحريم اللى تعرف تحني ويلست تحني العروس .. واليهال عيال عفره ومريم يالسين حول سلامه ويشوفن الحنه ..خص البنات ..
مريم توها داشه عليهم: غريبه ..بلاها الشيخه الهنوف صاخه ويالسه مكانها اليوم ..؟
عفره:مريووم يوزي عنها ..روحنا ماصدقنا ..
سلامه تضحك وتتطالع النقشات ع ايدها : مريامي اشرايج بحنايه ؟
مريم تيلس جداها: غاااوي ..خص ع ايدج طالع رهييب .. الله يوفقج ان شاء الله ..
ودخلن ميثه ومزنه مربوشات .. ويتظاحكن ..
مزنه:ياربيه عالعروس مانروم عليها نحن.. ولا شو رايج ميثاني؟
وسلامه مستحيه .. وميثه تتطالعهم ..
ميثه:اييييه متى بتخلصون ابا اتحنى ..اريد بويه يوم ايي يشوفني بحنايه .. يعد بي قصيد .. وضحكت بصوت عالي . ..
عفره:خلاص انتي عقب سلامه ..
ميثه:لا اول شي مزنوه عقب انا ..
مزنه:لا فديتج انتي خت العروس ..انتي قبليه ..عقبج انا ..
سلامه:اختلفت الاراء ..اختلفت الاراء ..
ميثه تاشر بايدها:لالالا ماشي لاتحاولين مزنوه .. لانج اربيعتيه بجدمج .. ولا تناقشيني زوود لاني مابغير رايه ..
واشوي ويسمعون بوحمد مرتبش ف الحوي .. يامر ع الشبيبه وين يحطون الخضره والقشار والفراشات وهالسوالف .. وكان من بين هالشبيبه سعيد وخليفه وقايد ..ويتهم حرمه وقالت لهم لايظهرون برى لان رياييل هناك .. وتمت ميثه تتطالع من الدريشه .. بس ماكانت تناظره بوضوح لان الحريم سايرين ورادين والربشه المستويه في الحوي ..لكنها شافته يوم ينزل يونيه الطحين ورد يرمس ابوها ويضحك .. ضحكته كانت غير ..شفايفه ترد ع طرف من يضحك ..كانت غير .. أحلى ابتسامه شافتها ..وهي تتنهد بصوت مسموع ..
عفره مستغربه وسمعت تنهيدتها اللى من الخاطر .. وتتطالع الشبيبه من الدريشه:منوه تتطالعين؟
ميثه مرتبكه:هاه .. وردت تتطالع وتاشر بصبعها برى .. أأأأ بويه ..
عفره اطالعتها بنظره جنها تقول لها "تقصين على منو انتي" .. وادز ميثه عشان تسكر الدريشه ..
ميثه ترد ع ورا :لا تسكرينها ..
عفره: مااباج تتطالعين الساير والراد ..شو بيقولون عنج الحريم .. وخزتها بنظره ..
ومن النظره .. عصبت الميث وسارت تيلس جدا مزنوه اللى مندمجه سوالف ويه سلامه ومريم .. ولاحسن بالرمسه اللى استوت بينها وبين عفره ..
وبعد صلاه العشى خلا بيت بوحمد من العرب .. وخوات ميثه وعيالهن سارن وماتم غير مزنه ..
مزنه تسحب ايد اربيعتها: ميثووه عن الخبال ..روحي بسير .. بيتنا جدا بيتكم .. لاتحطيني فهالموقف ..
ميثه:لا والله !! وان شاء الله تبيني اخليج تظهرين روحج انصاص الليالي ..مااشي استريحي .. دقيقه وبييج ..بسير حق حمد ..
وتدخل عليهم يدوه ظبيه وتبتسم :عرايس عرايس مزنه والميث .. وهي تتطالع حناهم ..
ومزنه مستحيه ..وميثه تتطالعها وتسويلها حركات ..
ميثه:يدووه ..اسمعي المزون شو تقول ..
يدوه ظبيه تعدل فراشها:شو تقول المزوون ..؟
ومزنه تسويلها حركات "صخي .. بذبحج "
ميثه تضحك بغنج انثوي:هههههههههههههههه يدوه ..ماتبا حمد يوصلها بيتهم ..اونه روحها بتروح البيت ..تستحي منه حليلها ..وترد تضحك ..
يدوه:جيه اميه مزنه .. مافيها شي يابنتي .. انتي من هلنا وبوج يستويلي من بويه الله يرحمه.....
ويقاطعهم حمد .. ويندفع بالحجره: يدتيه فديتج .. ظهريه انكسر من اليواني اللى شليتهم .. أقولج اليوم خدمت من الزين ..وانسدح عند اريولها ..
يدوه ظبيه تهمز ع جتفه: فديت روحك يالغالي علني مااخلا منكم ..
ومزنه مستحيه ومنزله راسها وميثه مستغربه كيف دخل وماشاف مزنه ..
ميثه:ماشاء الله اشوفكم خذيتوها سوالف .. ايييه حمد داش جيه ولا جنه بنيه يالسه امبينا ..
يدوه ..توها انتبهت:ولديه سر ويه اختك وصلو بنت راشد .. حليلها ..
حمد مب مستوعب.. ويناظر صوب الميث .. وفز وبعده مب مستوعب الموقف ..
حمد وهو طالع:السموحه ..
يدوه:بلاج انتي ..!!الا هو اخوها .. حسبة اخوها .. طفرتي الولد ..
ميثه:يدوه وين تبين!! اونه اخوها ..يالله مزنوه ..
يدوه:لاتظهرن ارواحكن ..حمد بيوصلكن ..
وسارت ميثه لحمد اللى يالس يفرش فراشه بيرقد ..
ميثه:حمد يالله بنوصل مزنه ..
حمد يتلحف:مااروم ..برقد انا اللحين ..
ميثه محطيه ايدها عخصرها:خلاص روحنا بنظهر بهالظلام ..
حمد صد صوبها:ايييه تعالي ..
ميثه بنظره شموخ:شوه؟
حمد:عن هالنظرات اللى مالها داعي .. يالله جدامي ..
وظهرن .. حمد يتجدمهم ..ومزنه والميث وراه ..وطول الدرب والميث تحاول تراضي مزنه الا هي مب طايعه ..ومن دخلوها باب البيت .. ردو وعند الليوان ..
ميثه:حمد ..
حمد يفصخ نعاله ..وبتعب: شوه؟
ميثه بجديه:شقايل ماريت مزنه من دخلت !
حمد بدون لايطالعها داش حجرته:جب جب ..يالله حجرتج ..
ميثه:اطاع .. جفاني والله !! ..
وهناك فبيت مزنه .. من دشت بيتهم سارت حجره خوها .. واخوها من شافها ..
سعيد:توج يايه ..كنت بيي اخذج الا امايه قالت اخليج ويه ميثه ..
مزنه تيلس عالزوليه:ووف وليتها ماوصلتني ..
سعيديالس يرسم عالصخام عيون وقلب..ومن قالت جيه:ليش شو استوا امبينكم؟
مزنه:مااريد ارمس بالسالفه ..برايها .. انته شو تسوي ..؟بسك خربت الييدار كله صخام ..
سعيد بحنين :شو اسوي .. مالي غير الييدار اشكي له شوقي ومصابي ..
مزنه تتطالعه:سعيد اخطبها اللحين .. خلاص اختها بتعرس ..؟
سعيد: آاااه.. يالله يامزنه ..أتمنى هاليوم ايي ابسرعه .. خلاص نفذ صبريه ..
مزنه تفكر: سعيد .. ابسرعه اخطبها لاتنسى انه عندها ولد عم وعيال خوال ..
سعيد :ايهبي .. ايهبي حد يقدر ياخذها عني ..
مزنه:عيل كلم بويه وشوف رايه ..
سعيد يالس يكتب "الروح الغراميه ": بكلمه .. وماعليه لا من ولد عمها ولاعيال خوالها .. بس ادعيلي ربج يكتبها لي من نصيبي ..
مزنه بفرح:يااااااارب ان شاء الله يحقق لك مرادك وتكون الميث من نصيبك يارب ..
وباجرها .. تمت الميث تحاتي اربيعتها .. وربع ساعه وهي ادق ييدارها وهي ماترد عليها و اخر شي سارت السطح .. وهي تفتر فوق السطح ..بس مانتبهت لسعيد .. هو اللى انتبه لها .. ومن شافها تم يطالعها والشوق اللي بصدره ذابحنه مووت ..بذيج اللحظه هي شافته وميود طيره بايده وحست بنظراته صوبها .. من شافته يطالعها جيه نزلت راسها وافترت عنه وهيه ميوده غشوتها ..وسعيد يشوفها متردده جنه فخاطرها شي .. وراح صوبها .. وهي توها بتنزل ..
سعيد بشوق فظيع في قلبه :ميثه..؟ونزل راسه ..
صدت له ميثه بس كانت منزله راسها:لبيه ..
سعيد وعيونه تلمع :ازقرلج مزنه ؟
ميثه متردده وتتطالع الدري: هيه اريدها بسالفه ..
سعيد :دقايق وعندج ..
وطول فتره سعيد من راح ينادي اخته ..وميثه تحس بقلبها يخفق بقوه .. كلما تشوف او ترمس وياه يجيسها هالاحساس .. عمرها يوم من الايام تخيلت انه ممكن بتنعجب فسعيد لانها كانت تعتبره شرات اخوها .. اما اللحين تحس باتجاهه احساس اكبر عن اخو .. ولمحت مزنه يايه صوبها ..
ميثه:فديت رووحج .. شلي الغشوه اريد اشوف ويهج الزعلان ..
مزنه مفتره عنها وبجفى واضح:مااريد ..
ميثه تيود ايدها:اووووه مزنووه .. والله مالي ذنب البارحه بسالفه حمد .. هو روحه ماشافج من دخل..وبعدين يدتيه عزرت عليه انه حمد يوصلج .. والله مالي ذنب ..وانتي سمعتيه رمسه يدتيه ..
مزنه:ميثووه البارحه انا تفشلت من الخاطر .. انتي ماتدرين شو استوا بي من دخله حمد ..
ميثه تضحك بغنج:هههههههههههه حتى هو والله تغير ويهه وكلما اييب طاريج يستحي حليله..
مزنه مستحيه :البارحه مارمت ارقد من الموقف ..
ميثه حاسه بمزنه :حتى انا مارمت ع زعلج تمييت احاتيج ..
مزنه وعيونها تلمع :فديت روحج صدق ؟؟
ميثه:والله ؟؟؟انتي ماتدرين شكثر انا احبج ..
مزنه فرحانه بصداقتها:شلي غشوتج اريد اشوف ويهج اشتقت له صراحه ..
ميثه:جب ماريد ..
..ويا يوم المنتظر لعبدالله وسلامه .. الكل كان مرتبش ..بيت بوحمد متروس حريم حتى انهم فرشو فراشات في الحوي لان البيت ضاج ابهم .. والرياييل روحهم مسويين لهم خيمه وقوم آل علي سّو كل شي بيزاته تقدير واحترام لبوحمد واخوه بو حميد ..والمعروف فالفريج انه علي العود وشيخهم وهو اللى يساعدهم بكل شي ..سلامه يالسه فحجره امها وخواتها هن اللى يعدلونها مريم وعفره..
ظهرت ميثه من الحجره .. وهي دون لاتفتر صوب الحرمات الا حست بنظراتهم .. كانت كل عيون تناظرها تتمناها لولدها .. الميث كبرت .. وغدت من احلى بنات العرب .. وهالشي اللى شافته بنظرات الكل حولها ..
ميثه تسلم ع وحده من البنات:اشحالج عليا؟
عليا تتطالع ثوبها:غاويه صكيتي علينا ..
ميثه بضحكتها الطفوليه مع مزيج من الغنج الانثوي:أدري ..ودخلت حجره سلامه ..
سلامه:ميثووه شهالزين والله انج انتي العروس هب انا ..
ميثه تضحك:هههههههههههههه بسكم توني مطيحه بنت الييران ..
مريم:وجيه فاله شعرج..تعالي باجر قولي شعري كلنه الحريم .. وسيرو هاتولي دوى من الهند ..
ميثه تيود خصلات منه:حرام عليكن ..ماتبوني استانس به بعرس اختي..
ودخلت عليا ..وهي شاله المداخن ..
عليا:ميثه يدوه تزقرج ..
صدت صوبها ..ميثه:دقايق ..وسارت لها ميثه ومن شافتها يدتها طاحت ابها .. وسحبتها من ايدها وربطت لها شعرها..
ميثه:الله يسامحج يدوه ..
ام حمد:روحي فازعي عليا روحها شاله المداخن ..يالله انقفضي ..
ميثه:ان شاء الله اميه ..
ويلسن ميثه وعليا يدخنن الحرمات ..ويرشن عليهم ماي الورد ..ووحده من الحرمات يودت ايد ميثه ..
ام خليفه:اشحالج فديتج؟
ميثه:ابخير خالتيه يسرج حالي ..اندوج خاله ادخني ..
ام خليفه:بنتي جم عمرج انتي ؟
ميثه مستغربه:خالتيه داشه خمستعش ..
ام خليفه تتطالع شعرها:دخليه شعرج بنتي الحريم بياكلنه لج ..(ويلست ادخله تحت الثوب) ..وافترت ميثه صوب تراحيب امها ويدوتها .. كانت لحرمه علي شيخ الفريج .. وحطن لها الحريم عيش ولحم وخضره بصوب . ..
سلامه تتطالع عيونها اللى خطت بها جحال هندي يايبنه ابوها لها صوغه .. وتفكر بحياتها اليديده دون هلها ..وطاحت دمعه من عينها ..
مريم:كلنا صحنا ..بس عقب تعودنا ..
عفره:على الاقل انتي وعبدالله ماخذين بعض عن حب ..مب شراتنا نحن ماعرفناهم الا اول ليله ..
مريم:وصدقيني والله بتستانسين ويه عبدالله ..
ميثه داشه بالمدخن وريحه العود شاله البقعه شل:احلى شي انكم خوات تسكنون ويه بعض وتشوفون بعض كل يوم ..مب شراتي انا روحي ..الله يعيني صراحه .. بيلس اجابل حمد ..وع .. اسميه بتلوع جبدي ..
مريم تتطالع مقفى ميثه:ليش مدخله شعرج جيه ...؟
ميثه توها تذكرت:اووه ..هذي وحده من الحرمات ..ويلست اتظهر شعرها ..واشوي ولا باب الحجره يندق ..
ميثه:قربوا الشيوخ ..
ودخلت مزنه والكل مفتر صوبها من حلاتها .. حتى ميثه سارت حظنتها بقوه ..
ميثه:فدييييت روحج بطيتي وايد ..هب حلاه عليج يالمزون ..
مزنه:توه اخويه سعيد موصلني وسار صوب العرب يفازعهم ..
ومن انذكر اسم سعيد تمت ميثه خدودها حمره ..وتحاول تخفي ملامحها ..وخواتها ماحسن بشي ..وهذا اللى حسته ميثه ..وارتاحت ..
مزنه تسلم على سلامه: أووه نسينا العروس ...مبرووك عليج سلامي...
سلامه تبتسم:الله يبارج فحياتج ..
ميثه:تعالي يلسي احذاي ..غاويه الصراحه .. اللحين منو بيناظرني يوم بتمشين جداي ..
مزنه:والله انج انتي الاحلى ..حتى اني انبهرت من شفتج تسلمين عالحرمه الشيخ علي .. لج هيبه بوقفتج ..ماشاء الله عليج ..يسد انه الحرمات كلهن يطرينج ..والله العظيم ..
ميثه بحيا:ليش ؟؟انتي من متى يايه؟
مزنه:سلمت عالحريم وييت عندج ..يعني تبني ادخل جيه بدون لااسلم ..
ودخلت وحده من الحرمات ..وزقرت ميثه ..وظهرن ميثه ومزنه ..وعند ظهرتهن شافن حمد يشل الخضره ع راسه ..وطاحت عينه بعين مزنه .. ومزنه افترت وراحت صوب الليوان ..وحمد نزل راسه ع طول .. وميثه متفشله من الموقف ..وعليا تراقبهم من بعيد ..وميته غيض من حمد ..
حمد:حطي شي عراسج عيال عمج يدشون ويطلعون ..وانتي تتمشين بالحوي عراحتج..
ميثه افترت عنه وهي رافعه خشمها..
حمد:ماعليه دواج عقب ..
وحطن البنات ميثه ومزنه وعليا البثيث والحلوى العمانيه والخضره عالحريم ..واخر شي بعد العشى .. ظهرن صوب اليلسه اللى مسوينها للحريم عشان يطالعون الرزيف ..وظهرن العروس ولفوها بعباتها السودى ويلسوها وياهم .. كان هاليوم من الايام المميزه عند ميثه .. عشان هاليوم اللى عرفت بمشاعرها واحاسيسها تجاه سعيد .. هاليوم اللى حدد اللى بقلبها ..
مزنه:ميثه ..سعيد ماكان يقصد يطالعج ..
ميثه بجديه:مزنه ..انا اعرف سعيد زين ..ادريبه هو مايقصد شي ..(وتمت ميثه تتذكر الموقف اللى استوالها قبل اشوي)
البيت كان خالي من الحريم ..الكل راح يطالع الرزيف ..وتمن ميثه ومزنه يرتبن المكان .. وقبل لايطلعن من البيت ..ميثه كانت يالسه ع طرف الدجه اللى فبيتهم ..وتعدل شغابها العود ..اللى تشابك بخصلات شعرها..
ميثه تتنهد:يعلني بلاه .. خبلبي .. لو لا من الغالي بويه جان فريته بالكشره.. ماريده
مزنه:هاتيه بشوفه لج ..
سعيد واقف عند الباب لانه كان مفتوح .. وجدامه منظر حلو .. وعذب .. ويلس يتلذذ به ..
وثواني والتقت عيونهم ببعض ..ميثه من شافته تمت تناظره .. ثواني .. مانزلت عينها .. وسعيد من شافها مانزل راسه .. مايدري ليش .. يمكن عشان اول مره يشوف غرشوبه جدامه من عقب اسنين .. بس عقب تدارك الامر ..ونزل راسه ..
وميثه من استوعبت ربعت داخل الليوان ..ومزنه تتطالعهم وسعيد ماشل عينه من ميثه ..من بعد ماربعت عنه ..
مزنه متفشله:سعيد !!!جيه ماتهود ..
سعيد مستغرب هذي ميثه !!! حبيبتي .. سبحان الله ..
مزنه :حووووه .. سعيد بلاك مصطن جذيه؟ جيه مادقيت الباب ..
سعيد مستحي ومب مصدقه انه شاف حوره : بوحمد مطرشني اشل كراتين الخضره .. الحرمات كلهن خاري ولا دريت انكن في البيت ..وانتي ليش ماسرتي ويه الحرمات؟
مزنه: فديت روحك اللحين بننهي ..
سعيد متلخبط ومستحي وهالشي اللى حسته اخته ..
سعيد : ..يالله بوصلكن بدربي .. انقفضي . ..
مزنه:مااعتقد بطيع ..
سعيد:ليش !!(وسكت ).. استسمحي منها عيل ..
وميثه كانت تتطالع كل شي من الدريشه ..وقلبها يدق بقوه .. ماتعرف ليش ؟؟احساس اول مره تحس به ..احساس قوي ..وحلو .. له طعم لذيذ ..مب جالكسي لا غير بوايد ..
مزنه تبتسم:شو بلاج؟
ميثه تلهي عمرها بالشغاب:الله يغربله ماطاع يفج ..
مزنه:ههههههه فديت اللى يستحون ..مشكلتهم مايعرفون يدسون مشاعرهم ..
ميثه بحيا:اووه متفيجه تعالي شوفي مشكلتي ..
مزنه:شكلنا مابنشوف الرزيف ..تدرين !!
ميثه:ليش ..سعيد وين سار؟؟(وتتراجع برمستها) اقصد ليش مابنسير ..بروح لازم هذا عرس اختي ..
مزنه:ارتاحي .. خبرته انج مابتروحين لاني تحسبتج بتعارضين؟
ميثه:وليش اعارض .. (وبصوت واطي)انتي نسيتي انه هذا سعيد ..
مزنه تبتسم:فديت روحج ..مانسيت .. يالله نخلص سالفتج ونظهر صوبهم ..
وميثه سرحانه وطايحه ع جتف مزنه ..يلست جداها يدتها بصعوبه ..وميثه افترت صوبها مستغربه ..
ميثه:يدووه فديتج .. رويلاتج تعورج ؟
يدوه ظبيه:هيه ياميثه ..اباج ترديني البيت .. اشوفها زادت عليه ارجبي ..
ميثه تساعد يدوتها:لازم يدوه ..اليوم خدمتي وايد ..الله يخليج لنا ..
وسارن ابها ميثه ومزنه ..واشوي والعروس في البيت يودعونها ..والكل كان يصيح خص ام حمد .. وخواتها كلهن تمن يصيحن ع طرف ..حتى يدوه ظبيه وميثه ومزنه صاحن ..وسلامه اللى ما طاعت تفج يدوه ..تمت تصيح وايد ..وبوحمد طاحت دمعاته لكنه كان يمسحهم ابسرعه عشان يحسسهم انهم بعدهم تحت رعايته وهو سندهم الاول والاخير ..ومن غيرهم مايسوى شي .. ميثه الوحيده اللى شافت دمعه بوها وهو يطالع سلامه كيف تسلم ع امها وتصيح .. سارت صوبه وولوت عليه بطريقه حنونه وهو لمها بايده الكبيره .. ومزنه كانت بصوب تصيح ومن عقب راحت البيت روحها حتى بدون لاتخبر ميثه .. الجو ماكان يسمح .. كان هاليوم غير بالنسبه للكل ..
وبحجره العرسان .. الهدوء كان مخيم المكان .. وخيوط القمر راسمه ضوءها على يدران الحجره .. وعبدالله بهاليوم مستانس حيل .. بعكس سلامه اللى كانت مستانسه على ضيجه بسبه مفارجتها لهلها ..وهيه يالسه تحط كل شي في مكانه وترتبه .. وعبدالله يالس ع الشبريه ويطالعها ..فجاه حد يدق الباب ..افترت سلامه اول شي صوب عبدالله وعقب الباب ..اما عبدالله فكان يطالعها وبس ..
سلامه:بطل الباب ..
عبدالله:تامرين امر حرمتيه..وابتسم لها ..
سلامه:حرمتيه !!!
عبدالله قبل لايفتح الباب:هب عايبنج !!!
وافترت عنه سلامه وما رمست.. انا خلاص غديت حرمه عبدالله !!!! ..
مريم مستحيه:السموحه ..بس عمتيه عزرت عليه ادخل لكم هالفواكه والماي ..تقول يمكن العروس يوعانه ولا عطشانه ..
عبدالله:مشكوره ..يالله اللحين توكلي درب السلامه ان شاء الله ..
مريم: السموحه ..
عبدالله:مسموحه بنت عمي ..
وحط عبدالله الفواكه عالسماط ع طرف الحجره مكان اليلسه ..
عبدالله:غناتيه .. تعالي اهبشيه ..
ويت سلامه ويلست ابعيد عنه اشوي .. ولاحظ عبدالله هالشي .. لكنه عذرها ..
وباجرها .. قامت ميثه الغبشه .. وشافت كل شي ع راسها من بعد ماكانت سلامه هي اللى تفازع امها ويدوتها بشغلات البيت ..
ميثه بتذمر:امايه مااروم ..حرام عليج ..جنكم موعيني من الغبشه عشان انظف هالزوليه العوده ..
ام حمد يلست ع طرف وتدمع عيونها:عيل من بيفازعني ؟ ..سلامه اختج سارت بيت ريلها وباجر انتي بتروحين .. وبتخلوني روحي ..
ميثه ربعت صوب امها ولوت عليها .. وحبتها عراسها ..
ميثه بحنان:ومنوه خبرج وقال اني بروح وبودرج ..؟
وابوها يشوف هالمنظر ..ابتسم بخاطره ..
بوحمد:صبحكم الله بالخير ..
ام حمد:صبحك الله بالخير يالغالي .. بعده مااذن ..
بوحمد:لا أنا بروح المسيد اليوم من وقت ..
ميثه:بويه فديتك .. بصخن لك الماي عشان تتيدد به ..
بوحمد يتنهد:آاه ..فديت بنتي سلامه هي كانت تصخن الماي وتقوم بالواجب وزوود ..عسى ربي يوفقها للخير ..
وظهرت يدوه ظبيه وهي شاله الصفريه:مايحتاي ياميثه .. انا صخنت الماي ..انتي روحي وعي اخوج ..
ميثه:يالله ياسلامي الكل مفتقدنج ..وسارت توعي حمد ..
حمد:اووووه سيري ..سلامه
ميثه بضحكتها العاليه:هههههههههههه انا ميثه هب سلامه .. سلامه بيت ريلها اليوم ..
حمد:اوووه ميثووه مب متفيج لج ..اريد ارقد ..
ميثه:كيفك بويه بيحرج عليك ان مانشيت ..
وظهرت ميثه وسارت تفازع امها ويدوتها .. من بعد ماصلت ..قرت قرآن الكريم وحطته في مكانه بطرف الحجره وسارت تسوي الريوق لبوها واخوها .. ومن عقب فرشت الزوليه وبدت تغسل فيها ويدتها تعاونها ..
بوحمد:يالله يالغاليه انا اترخص ..تامروني بحايه ؟
يدوه ظبيه:الرب لك حافظ ولديه ..
ميثه تصارخ:بويه ..هات لنا اسمجه هامور .. اباها عوده .. بسويلكم عيش ابيض وسمج اليوم .. وبنطرشه صوب عميه وسلامه ..
ام حمد تضحك:يالله عليج يالميث ..عيل اليوم بناكل من طبيخج الزين ..
حمد يلبس نعاله:عيل اميه ..مااوصيج انا سويلي عيش بصحن روحه ..
الكل يضحك ..
بوحمد يضحك:ودك انته الا تحط ايدك من طباخ الميث ..
ميثه:ماعليه بويه عيشه بنطرشه صوب الييران ..وردت تغسل الزوليه ..
والضحى ..سارن الحرمات كلهن يباركون لسلامه .. الا ميثه ماراحت ماتفيجت ..تسبحت ويلست فحجرتها اشوي تراجع دروسها ..واشوي وتسمع حد يدق ييدار حجرتها .. لبست شيلتها وربعت ع السطح ..
ميثه تفتر حولها:وينج؟
مزنه توها بينت:اشحالج؟
ميثه تتنهد:ابخير الحمدلله .. الصراحه مزنوه اللحين حسيت بجيمه اختي سلامه ..صدق البيت بلياها هب شي ..الكل ضايج .. حتى بويه .. كل شي على راسي ..
مزنه:الله يوفقها ..انزين جيه ماسرتيلها ..؟
ميثه:العصر بروحلها .. اللحين تحصلينها مستحيه لان حريم الفريج كلهم عندها ..وانتي جيه ماسرتي؟
مزنه:اترياج..بس امايه وخالتيه سارن؟
واشوي وسعيد يظهر من حجرته .. ويطالع مزنه فوق السطح ..
مزنه ادز ميثه ع ورا:ردي ..سعيد ظهر عن يشوفج ..
ميثه:وينه ابا اشوفه ..
مزنه تبتسم:صباح الخير ..جان رقدت بعدك اشوي ..خليفه يأ وقلت له انك راقد ..
سعيد:ترمسين منوه؟
مزنه:منوه يعني غير ميثه ..
سعيد اتفاءل هاليوم من سمع اسم ميثه:انزين ..بسج هذربه يالله نزلي حطيلي الريوق ..
مزنه:الميث يالله بنزل ..
ميثه:فقدته ..حتى مانشد عن احوالي ..بطران اخوج ..
مزنه:ماعليج منه حركات ..
ونزلت ميثه وردت ترتب البيت وتنظفه .. ومن عقب ين هلها ..ويلست ميثه وامها يسون الغدى ..
ميثه:امايه بويه بعده ما ياب السمج ..العيش زهب ..
يدوه ظبيه شاله شمه:امايه ميثه روحي جوفي من عند الباب ..؟
ميثه:ان شاء الله يدوه ..
ومشت ميثه بتفتح الباب ..بس فجاها ولد عمها قايد بانه داخل قبلها وشال بايده سمجه عوده ..
ميثه تفتر عنه وتتغشى بطريقه سريعه:انته ماتخيل ..حادر البيت جيه ..
قايد يطالعها من فوق لتحت:كبرتي وغديتي حرمه ياميثه ..
ميثه منقهره:شوه ؟
قايد:أقول هذا بيت عمي .. محد بيمنعني منه ..ولا شرايج يالميث ..
ميثه مفتره عنه ع طرف:نعم ..تريد شي ..؟
قايد يطالع بياض ايدها:تعالي خذي السمجه ..
ميثه مرتبكه ماتعرف تركب جمله ع بعضها:جب .. الظاهر انه ماينفع وياك اسلوب الاحترام ياقايد .. انته اللى اتي وتحطها في المطبخ ..
قايد يضحك:انا اباج انتي اتين وتشلينها من ايدي ..
ميثه منصدمه:مستحيل انته تكون واحد من عيال عمي .. وسارت عنه ..محتشره ويه هلها ..
ام حمد:بلاج تصرخين ؟
ميثه:روحوا شوفوا ولد العم ..اللى تمدحينه انتي و يدتيه .. عالفاظي .. روحن اطمشن .. شوفو سواته ..
يدوه ظبيه:اوصص قطعيها الرمسه ..اشو هالرمسه بعد ..ها ولد عمج ..وحسبه اخوج ..
ميثه:ايخسي ..مايشرفني يكون هذا ولد عمي ..
يدوه ظبيه:ظهريه ظهريه منا ..
وسارت ميثه حجرتها ..ويدوه ظبيه وام حمد سارن لقايد اللى سمع كل شي ..ولا تاثر باي جلمه بالعكس تم يضحك ومستانس لانه قهر بها ..
قايد منزل راسه:السلام عليكم..
يدوه ظبيه:وعليك السلام يالغالي ..
ام حمد:اسمحلنا ولديه لهيناك عن شغلك ..
يدوه ظبيه:فديتك جيه ماتقرب داخل واقف عند الباب ..بيت عمك هذا مب غريب ..
قايد:لا الغاليه مشغول اشوي ..الا هذي اسمجه عمي موصيني اطرشها لكم ..
ام حمد:مشكور فديتك ..ربي يحفظك ..
وقايد ظهر من بيت عمه وهو يفكر ب ميثه ..يالله عليها رحامه ماشفتها فبنت من قبل .. هذي احلى عن خواتها مريم وعفره وحتى سلامه . ..والله انهن خسفات جدامها مايسونها موليه ..شكلي بغلب اخوانيه بغرشوبتيه ..
والعصر بعد ما سارت ميثه لسلامه راحن هي ومزنه يغسلون الثياب عند البحر .. في مكان عند البحر يغسلون فيه الحريم الثياب و صخور عوده كانت تغطي هذي المنطقه ..فعشان جيه البنات ياخذن راحتهن ..
ميثه:بنات اشرايكن نسبح في البحر ..؟
لطيفه:تخبلتي .. تبين يفرونج في البزره ..
مزنه:اييه ميثووه عن الخبال كبرنا عن هالسوالف ..يالله ردي ..خلينا نخلص شغلنا من وقت .. ونرد بيوتنا ..امهاتنا روحهن في البيت ..
ميثه ترش عليهن ماي:انتن كبرتن ..انا بعدني .. وتضحك ضحكتها العاليه الانثويه ..اللى ماتغيرت وايد بس استوا ابها نوع من النضوج ..
حصه:لا انا متاكده هاليوم مابيعدي عخير ..ميثووه ردي لايشوفج حد ..بنات لحقنها ..تخبلت بنت بوحمد ..
ميثه تضحك بصوت عالي ..وتنساب هذي الجمله بين شفاتها ببراءه:لطفووه ..اذا تحبين خليفه ..خاطري بحيايج وتعالي ...
لطيفه ويها غادي احمر:جب يالزفته ..اصلن من قال اني احــ .. جب انزين والله اروايج ..(وردت تغسل الثياب)
البنات يضحكن ..
حصه:لطيفه حرام عليج اشوي اشوي عالثياب بتقطعينهن ..
مزنه:حطت حرتها بالثياب .. مشكله هههههههههه
لطيفه تفتر صوبهن:اييييه بصفعكن ..يالله خلصن ..امايه بتهزبني ان بطيت ..
وفجاه يت ميثه تربع وتاشر عليهم بايدها.. والبنات يسالنها شو السالفه ..؟؟
ميثه:حسبيه الله عليكن لبسن عبيتكن ..ريال ياي صوبنا..
مزنه زايغه:هاه ريال ..شو يبا ؟؟
وهدن البنات الثياب اللى بايدهن وترابعن يلبسن عبيتهن .. ومن الربشه ميثه ماحصلت عبيتها فنخشت ويه مزنه ..
لطيفه تبتسم:بنات دخيلكن اطالعن مزنه والميث ..
واشوي ويسمعون ...
.........:بنات لبسن عبيتكن ...اريدكن بسالفه ..
مزنه:ردوا عليه ..
لطيفه:شو اقول ..استحي ..
ميثه:الله يغربلكن ردن عليه ..
........:خلصتن الشيخات ..
مزنه:وحده فيها خير ترد عليه ..حرام جنه من ساعه يتريا الرد ..
ميثه:عيل يوم انج مستهمه منه ردي عليه ..
لطيفه:هيه خلصنا خويه ..
خليفه:الشيخات مطرشني معزبي بو حمد .. يقول شاف وحده داشه البحر .. ويتخبرنيه بنت منو ..يبي يرمسها وامر عليه ازقرها له ..
والبنات زايغات ..والميث ماتت من الخوف ..وعيونها تلمع ..
لطيفه:ياويل حالي هذا خليفه ..ميثووه لحقي ..
حصه:متفيجه !!!
خليفه:الشيخات سمعتن شو قلت..؟
ميثه:اخويه الا هنيه ماسرنا بعيد اشتقنا للبحر وبغينا نتذكر ايامنا مافيها شي ..
خليفه:الشيخه هالرمسه ..ارمسيها جدا المعزب ..
حصه:الميث يالله شكله مابيتفجج الريال..
لطيفه:الميث لاتروحين بعدني ابا اناظره ماشبعت منه ..
مزنه:اخويه روح انته ..و البنيه بترمس بوها وخلاف يستوي خير ..
خليفه:يالله عيل بوصله هالرمسه ..
ومن بعد ماراح .. كلهن لامن ميثه ..
حصه:الله يهداج قلنا لج ..يبتيلنا الرمسه اللحين ..
ميثه:يافضيحتي..اللحين شو بقول لبويه .. اعرفه زين مابيودر السالفه بويه ..
مزنه:ان فات الفوت ماينفع الصوت ..واتحملي اللي بييج ..
ميثه تفتر عنهن:جب .. بدال لاتواسوني جلبتوها عليه .. اووووه وين سارت عباتيه ..
وردن البنات بيوتهن ..وعند العشى بعد ماتعشو قوم ميثه .. سار بوحمد يغسل ايده وميثه كانت تصب الماي ع ايده ..
بوحمد:يزاج الله خير يابنتي ..
ميثه متردده:بويه ..
بوحمد:فخاطرج رمسه ..رمسيها لاتحطين شي فقلبج ..رمسي ..
ميثه:بويه ..أنا اليوم كنت اغسل الثياب ..وربيعاتي وياي ..
قاطعها بوحمد:يعني انتي تعرفين البنيه اللى زقرتها؟
ميثه منزله راسها وتمت ساكته ..ثواني
بوحمد:انتي هيه البنيه ..
ميثه وعيونها تلمع:بويه تولهت عليه ..وبعدين هذي اول مره اظهر صوب البحر ..
بوحمد:الله يهديج .. اللحين لو البحر هاج عليج وشلج مره وحده .. مابيرحمج ..هذا عذب خلق الله .. يدودج ماتوا فيه ..رحمت الله عليهم ..
ميثه وعيونها تلمع:بويه البحر شو ذنبه ؟اذا الله خلقه جيه؟
بوحمد:هييي يالميث ..البحر شو ذنبه..!! البحر خذ منا اعز ناس يابنتي .. يالله نشي هاتي لي سيده بصلي ركعتين ..
ميثه:ان شاء الله ..
وهيه سايره ركيض دقت بحمد ..
حمد:علج السل ..زين ماطاحت من ايدي ..
ميثه:الله .. شوه صدفه ..راويني اياها ..
حمد رافع الصدفه فوق:اول حبيني ع راسي ..
ميثه رفعت ريولها ..:حمد مااروم اوصل لك ..نزل راسك العود ..
حمد:لا لازم انتي توصلين له بدون ما انزل انا ..
ميثه ادزه:عن الغلاسه ..يالله بخبر عليك بويه ..اوووه بويه ...
وسارت ميثه ركيض اتييب السيده لبوها ..ومن عقب ردت لحمد اللى كان يراوي يدوته الصدفه الغريبه اللى شافها اليوم الصبح فسمجه الصافي وهم يصيدونه ..
يدوه ظبيه:غاويه ..سبحان الله ..
حمد:يدوه من صوبج ..تفداج يالغاليه ..
يدوه ظبيه:ماريدها ولديه ..عطها لميثه اخير لك ..
حمد:لا ميثه لا ..ميمعه هالكثر بحجرتها ..مالها حايه ابها ..
ميثه تدخل:عيل عطها للخطيبه ..وافترت عنه صوب يدوتها ..
حمد مستحي:يدوه سمعتيها شو قالت ..!!ماعليه العلوم بتوصل لامج ..ماعليه يالميث ..
يدوه ظبيه:ميثه السانها متبري منها .. الله يهديها ..
وتدخل امها:يالله امايه ميثه ..فرشي الفراش يالله بترقدون ..
حمد: امايه حبيبتي هذي الصدفه مهدايه لج من صوبي فديت روحج ..
ام حمد:شو ها بعد لعبان !!فره عند اخوانه ..
ميثه:هههههههههههههههههههه قويه ..امايه الهديه ماتنرد ..
حمد:امايه حطيها بحجرتج عشان يوم تشوفينها تتذكريني دووم ..
ام حمد ابتسامه حنونه:فديتك امبونك بفوادي مايحتاي هذي الكسله ..بس باخذها عشان خاطرك ..
حمد يطالع الميث بنظرات:يالله ...تصبحون على خير ..
وفي اليوم التالي .. الصباح .. ارتوت جلفار بالغيث اللى صّب عالارض بغزاره .. وميثه كانت ويه يدوتها .. ودخل عليهم حمد مستانس بهالغيث ..
حمد:ميثوووه المطر صبيب وانتي تخورطين ويه يدوه .. يدتيه تراها تقص عليج كله اللى تقوله خريط ف خريط ..
ميثه تظهر برى ..تربع:الله !! حمد فديتك يالله نلعب في الحوي ..وربعت ميثه في الحوي .. وحمد جاسه حفوز مب طبيعي .. مسك عقص ميثه وسحبه صوبه..
ميثه تيود عقصها :آاااااااي ..يعورنيه .. يدووه جوفي حمد ..
حمد: بتمرضين عقب ..ردي ..
يدوه ظبيه مستانسه بالمطر ..وهي ناشه بصعوبه: حمد ولديه يوز عن ختك ..
وميثه واقفه بنص الحوي .. ولحقها حمد ..
ميثه:فديت مزنه .. والله ياليت اللحين اتي بيتنا ..ونلعب سوا تحت المطر ..رووعه بيكون..
حمد بعفويه:انزين شو المانع خلها اتي ..
ميثه ترفع راسها لسما وهي مغمضه عيونها: يعني ماتعرف انها مااتي يوم انته تكون في البيت ..
حمد مستغرب:ليش؟؟ تستحي يعني ؟؟
ميثه:لا تتخبر ..واااااايد تستحي .. مب بس منك ..من كل حد ..
وتم حمد يفكر .. والميث مب منتبه له يالسه تلعب بالمطر ..وتتطالع هلها ظاهرين في الليوان ..وتشوف هلها يسبحون ويدعون ربهم ..
ميثه:امايه فديتج ادعيلي ..
وعند العصر كانت بعدها الدنيا نفاف .. والجو حلو ..و بعد ماخلصو العرب صلاه العصر ..
ام سعيد:ولديه وين ساير .. المزرعه ؟
سعيد:لا الغاليه ..اليوم بنصيد انا و اربيعي خليفه ويه بوسالم ..
ام سعيد:عيل اتحمل فعمرك .. وعن الخبال انته وولد محمد ..
وتظهر مزنه ..
سعيد يطالعها:ههههههههههههههههه مزنووه تذكرين طيحتنا انا وخليفه في البحر ..
مزنه تلم الثياب وحطها بالبقشه:هيه ..اتحملو هالمره ولا بوحمد مابيسكت عنكم ..
سعيد:انتي وين سايره بعد ..؟
ام سعيد :وين بعد ..حليلها تغسل الثياب .. مزنه اتحملي ولا تبطين اميه ..
مزنه:فديتج امايه ..ان شاء الله ..
ومشت مزنه .. ولحقها اخوها ..وفي الممر..وظهرو ارباعه ..
سعيد:اشحالها؟
مزنه تتطالع البريق فعيونه :يسرك حالها ..الا بالها مشغول ع مزيونها ..
سعيد مستحي: مزنوه من وين لج هالعلوم ..بذبحج ..
مزنه: شو اسوي اذا كنت اخت المغرم واربيعه المغرمه ..
سعيد يلوي ع جتفها:آخ منج ..
وسار كل واحد منهم دربه ومزنه سارت بيت ميثه .. وهيه ماشيه شافت حمد طالع من الباب ..
مزنه منزله راسها:السلام عليك ..
حمد منزل راسه:وعليج السلام .. حياج الله.. وطلع ..
ومن عقبها سارن الميث والمزون .. واتيمعن البنات كلهن عند البحر ..
ميثه تتطالع البنات:بسير بسبح ..
مزنه:والله بقصابه .. مافينا عالمشاكل ميثووه ..يسد ان بوج درابج ذيج المره ..
ميثه:خوافات عفان الله ..والبنات يغسلن .. وميثه يالسه تفل شعرها ..اللى من طوله ماشاء الله نصه طاح في الماي وهيه يالسه تلعب بخصلات شعرها اللى في الماي ..
لطيفه:ميثووه شو تسوين؟؟ ..عنبو !!! يالله غسلي ثيابج .. بنروح نحن ..
حصه:هههههههههههههه مسويه حقها جو رومنسي الحبيبه..
لطيفه:أي جو رومنسي .. اطاعو كشتها ..كنها ليفه مواعين ..
والبنات يتظاحكن ..
ميثه ..هايمه بحبيبها ..وببرود على ابتسامه جذابه :جب .. شكلج نسيتي من اللى كان يزقرج ليفه الفريج ..
وهنيه البنات نقعن من الضحك ..وتذكرن طفولتهن ..
لطيفه مستحيه:هذاك اول ..اللحين شعريه ينعد فيه الشعر والقصيد يابنت بوحمد ..
مزنه:تذكرون ..كانت تربع البيت تصيح عند امها ..وامها حليلها تروح تتشكى عند ام خليفه ..هههههههه ايام والله ..
حصه:هذا غير الضرابه اللى تسوي عند المطوع ..هههههههههههههههههههه ..
الكل يضحك على ذكرياتهم ..
لطيفه بهمس:فديته ياربي ..
ومن عقب ردن البنات بيوتهن .. وهن ردات .. مر قايد واربيعه غيث من جداهم ..والبنات صخن من طافو الشبيبه ..
قايد :اشحالكن ؟
البنات صخات ..
قايد :وين امبينكن بنت عمي؟
طبعا البنات لابسات عبيهن ومايبين منهن شي غير الكف ..
ميثه تتجدمهن:شوه ؟
قايد يطالع ايدها:ابسرعه ردي البيت ..
ميثه:لا والله !!!وانته من تكون عشان تتامر ..
والبنات بذيج اللحظه تحركن ..وتمت مزنه ويه الميث ..وغيث امبونه سار ويلس تحت سدره الغاف الجريبه منهم ..
مزنه تيود طرف ميثه:الميث يالله ..امهاتنا يتريونا ..
ميثه:لحظه بسكت هذا عن حده ..
وقايد يطالع قوة بنت عمه .. بس جذبه صوت رنه مزنه ..
قايد:انتي مزنه خت سعيد ؟
ومزنه صاخه ومنزله راسها .. والميث منقهره وتشوف هالمزله المستويه ..
ميثه:قايد مايخصك في البنات .. انا بنت عمك ولك الحق ترمسني لكن البنات ..منقود ..شو بيقولون عنا العرب .. تبا ادوس على جبيلتنا بسوياك اللى تشرف العايله ..
قايد:حلو .. وسواتج انتي وسعيد بن راشد .. شو تسمينها ؟؟
ميثه..منصدمه:انته شو تخورط !!
قايد:ماعلينا ..(وصد لمزنه ..اللى نزلت راسها) .. تدرين يعيبني فيج انج مب ملسونه وماتردين عالشبيبه شرات اربيعتج ..
ميثه تقاطعه:شو قصدك ..ارد عالشبيبه؟؟
قايد طاف لميثه:مزنوه ترا بياضج ذابحنيه مووت .. الله يعين شقايل الليله برقد ..وسار
وميثه منصعقه ..كيف عرف بحبها .. وشو يقصد برمسته ؟؟ وليش جيه يعاملني ؟؟ وليش يكره سعيد هالكثر ؟؟
ومزنه .. نزلن دموعها من قال قايد رمسته الاخيره ..وماقدرت تستحمل مشت سريع والميث روحها في عالم ..وهن يمشن في السكه ..
ميثه:مزنووه ..والله دموعج ماتروح جيه ..اليوم بخبر به بويه خل يتفاهم وياه؟
مزنه تصيح بحرقه:بخبر به خويه سعيد ..
وتوهن بيدخلن السكه الثانيه .. شافن سعيد .. وسعيد من شافهن حس في شي مب طبيعي ..ومزنه من شافته طاحت بصدره تصيح .. والميث واقفه ع طرف منزله راسها ..
سعيد بخوف:مزنه ..مزنه بلاج؟
ومزنه تصيح مب رايمه تطلع حرف واحد ..
سعيد صد لميثه وبصوت عالي:ميثه ..بلاها مزنه ..دخيلج ارمسي بلاها اختي؟؟؟
ميثه بخوف:قايد ولد عمي ..
ويقاطعها سعيد ..وبخوف شديد:قايد ؟؟؟؟(ورفع ويه مزنه صوبه )...شو سوابج ..ارمسي شو سوا ؟؟؟
ومزنه تصيح ..بصوت عالي
ميثه تحاول تهدي الوضع:ما سوا شي ..بس يلس يتحرش بالبنات ..
وسعيد يقاطعها ويرمس اخته وماسك ويها وحطه صوب ويهه مباشره ويسالها والشرار يتطاير من عيونه:اتحرش بج ..؟؟
ومزنه تهز راسها ..
وسعيد بذيج اللحظه ..حالته ماحد يعلم ابها غير اللى يغار ع عرضه .. وخوز مزنه عن صدره وراح بدون لايقول شي ..وميثه خذت مزنه وودتها البيت وراحت هيه الثانيه تذرف دمعاتها ..تخاف لايستوي شي بسعيد ..بسبه ولد عمها ..وسعيد ماخل مكان مادور به ..راح دكان بو حميد ..وبوحمد .. والدكاكين الحوليهم ..والمزرعه ...والبحر ..ومكان مايتيمعون الشبيبه ..
وهناك بطرف الفريج ..في اقهوت بوحارب ..قايد يالس ويه ربعه ..
قايد:حارب فديتك ..استكانه شاهي . ..
وحارب باغض هالانسان .. شافه بس مارد عليه ..
قايد يرمس غيث:بلاه هو !!كني اطر منه ولا من عريش بوه ..
بهاللحظه يفتر سعيد في القهوه .. ويلمح قايد يضحك بصوت عالي ويه ربعه ..
هنيه سعيد رفع اكمام كندورته بطريقه سريعه واندفع لقايد ..اللى كان مب مستعد لهاي المسكه القويه اللى عورت له صدره بلحظه وحده ..مسكه من طرف كندورته ..
سعيد بقهر :يالنذل .. يالحقيييييييير .. وهو يصلبه بويهه ..
يالله أريد رايكم ؟؟ حلوه ولا مب حلوه ...
أول مشاركه لي فهالمنتدى :mf_rudolp ..
أحاسيس ومشاعر .. وطفوله وبراءه .. معاكم قصتيه "الروح الغراميه "..
الجزء الاول
عاصفه قويه هبت على فريج جلفار .. والمطر يطيح بقوه ويضرب على الارض بكل قوته.. أمواج البحر تتلاطم ببعضها بقوه وتصدر أصوات تروع القلوب ..بعضهم يحاولون انقاذ القوارب اللى بعدها ماشلتها الامواج .. والشبيبه يترابعون بكل صوب لفزعه الشياب .. والرياح تحرك اغصان الشير وتحاول تقتلعها بقوه .. ومزارع آل علي اللى الكل يدعي ربه انها ماتتضرر لانها الرزق اللى يعتمدون عليه بدت تقتلع الشير اللى خارقت قواها بسبب مرور السنين عليها.. حتى بيوت الفريج المصنوعه من الطين واللب واسقفها الضعيفه بدى يتسرب منها ماي المطر.. وكل حد يترابع في الفريج ويحتمي ببيته ..يهال اللى كانو يلعبون ع رمل البحر الابيض ..والبنات يايات من عند المطوع ..والحرمه اللى تقضي حاجتها عند خويتها ..كلهن ردن لبيوتهن مفزوعات ..كان الظهر .. واللى يشوف سما جلفار بلونها الرمادي على سواد حالك يقول اللحين فليل مب الظهر .. بهالوقت ميثه اللى عمرها ماتعدى العشر .. كانت فبيت ييرانهم اللى ملاصق بيتهم.. كانت تلعب ويه اربيعتها مزنه وناسيه وراها امها ويدتها وهلها اللى يحاتونها ..وكانن يالسات عند الدريشه اللى استوا لونها بني غامج بسبه الماي اللى تسرب بين حوافها..
ميثه تاشر عالبحر:شوفي البحر يخوف .. تسمعين صراخه ؟
مزنه تحط أصابعها الصغار ع ذونها وتغمض عيونها:ماريد ..أخاف من صوته ..
ميثه تضحك وتخوز ايد مزنه عن ذونها:لالالالا لازم تسمعين .. بخليج تسمعين صوته .. وباجر يوم بترقدين بتحلمين فيه ..
مزنه تصارخ:لالاااااا امايه ..امايه .. مااريد احلم فيه مااريد ..أخاف اخاف ميثووه .. الله يغربلج بخبر عليج بويه ..
ميثه تسكر الدريشه وبضحكتها الطفوليه:ههههههههههههه خوافه وايد ..أنا مااخاف من هالاشيا ..بس اخاف من الله ..
مزنه تتطالعها بانبهار:ميثه قولي الصدق ..انتي ماتخافين من صوت البحر ..قولي الصدق وماتجذبين عليه؟
ميثه تلبس شيلتها اللي محطوطه عالجتف:هيه مااخاف .. تصدقين اقدر اطلع اليبل اللحين بروحي .. حتى تخبري سلامه .. في مره فليل ظهرت برى روحي صوب مزرعه آل علي .. روحي والله فليل بعد كان ..
مزنه تحط ايدها ع صدر ميثه مكان دقات القلب: ميثه انتي قويه ..
ميثه تفتر في الحجره:والله ماشي يخوف ..
وبهاللحظه اهتزت الارض بصوت الرعوود والمطر صبيب اللى بدى يتزايد وزخاته تضرب بالدرايش الخشبيه بقوه ...هنيه ميثه ربعت ولمت مزنه بحظنها بقوه وهيه تتنافض ..
ميثه:أخاف من الرعد .. وين بويه !!
مزنه:يالله نظهر صوب امايه ..نحن نخاف ارواحنا ..
وهن ظاهرات جافت ميثه اختها سلامه ع السطح وهيه ترمس ام مزنه ..
ام مزنه:ان شاء الله فديتج اللحين بطرشها صوبكم ..( وتفتر ام مزنه صوب ما الباب الخشبي الضعيف انفتح وتتطالعهم ).. هالميث لهيتي ويه مزنوه ونسيتي هلج ..حليلهم يحاتونج ..!!
سلامه بصوت عالي :الميث ردي البيت اللحين ..ابسرعه ..ابويه يتنازع ..
ميثه عيونها تلمع:وحمد يدري اني برى البيت ..
بس سلامه ماسمعتها نزلت ابسرعه بسبه الهوا والبرد والمطر ..اللى زادت زخاته ...
ام مزنه:اتريي فديتج بوصلج .. وتروح اتييب عباتها الا انه بومزنه وواخوها سعيد داخلين من الباب وكانو شالين قواقير .. وحمد كان واقف ع طرف ويرمس وياهم ..
ميثه تلمع عيونها وتتطلع ام مزنه:خالتيه .. حمد اللحين بيهزبني وبيضربني..وترد تتطالعه بنظرات خوف ..
ام مزنه:اشو يضربج ! لاهب ضاربنج ..!!وحطت ايدها ع جتف الميث جنها تقولها لاتخافين ..
مزنه:ميثووه اخوج اخوج ..
ميثه تتطالع اربيعتها:توا الناس ..
بومزنه يطالع حرمته:السلام عليكم .. هالميث اخوج برى يترياج ..
ميثه تلف شيلتها عراسها وتروح صوبه ..
وسعيد يدخل القواقير ويطالع ميثه وهيه طالعه من بيتهم ..
حمد:ماشاء الله عليج .. مقيله عندهم ..جان بتي عندهم بعد .. ومسكها من جتفها ودزها جدامه ...
ميثه:بخبر عليك بويه ..
حمد:لو تدرين ان ابوج محمق في البيت روحه بيكسرج تكسير ..
ميثه:اووه هد ايدك ..يعورنيه .. ووالله اخبر عليك ..
حمد ميود ايدها بقوه ويسحبها وراه:جب يالله ..امشي عدل ..
ودخلها حمد الحجره اللى متعودين يتيمعون فيها .. ودفرها بقوه .. وطاحت عند ريول يدتها وميثه من الزيغه راحت صوب يدتها وحظنتها ..
حمد:جوفوا بنتكم ..فضحتنا.. 24ساعه فبيت راشد ..جنه ماعندها بيت ..فقيره .. روحي اخير لج اسكني هناك ..(وياشر بايده) صوب المزارع روحج ..تراج 24 ساعه برى البيت .. ماعندج هل ..
يدوه ظبيه:جب اقطعها امره الرمسه .. ياللي ماتخيل ولا تستحي ..
وميثه بعدها محطيه راسها بحظن يدوتها..وماقالت شي ..
ام حمد:حمد بويه استهدي بالله ..شولها هالرمسه ..
بهاللحظه دخل بوحمد الحجره ..وهو يطالع حمد ولده اللى منزل راسه ويهه احمر .. وحرمته اللى تهدي به ..وامه ظبيه اللى تطالعه بنظرات جنها تلومه تقوله ماشاء الله ع تربيه ولدك ..
بوحمد يرطب الجو:ها حمد شو مستوي ..صوتك واصل لين اخر الفريج .. مكان دكانا ..تعرفه اللى نبيع فيه سمج ..
سلامه ضحكت بصوت خفيف بسبه الجو المكهرب في الحجره..وطالعت بوها اللى صد لها وضحك ..
حمد بعده منزل راسه:السموحه منج يدوه وامايه ..وافتر صوب الباب ..السموحه منك بويه .. وظهر ..
سلامه ترمس ميثه:بس هذا اللى ناخذه منج ضرابه وهزاب ..
ميثه تصد لها:مايخصج ..وسارت صوب بوها ..
ميثه:بويه ..حمد محتشر ومعصب وشال البقعه شل ..تدري ليش ؟؟؟ لاني كنت فبيت راشد ..وقالت له السالفه كلها ..
ام حمد:وانتي يوم تشوفين الدنيا الصقيع جيه ماتردين البيت ..صدقه حمد ..24ساعه هياته ..والله ماجذب ولديه ..
سلامه:ماعليكم منها يوم بتغدي حرمه ..قبضه الباب ماتيوده ..
بوحمد لاوي عليها:العصر تلعبين ويه مزنه ومن عقب المغرب تردين البيت ..ولا ماشي بعلقج فوق النخل ..وياشر بايده ..
ميثه بضحكتها الساحره:هههههههههههههههههههههههه لا ادري اني مااهون عليك ..
بوحمد يلوي عليها بقوه:غناتيه ..
يدوه ظبيه: هاه ولديه .. بشر عسى ماتضررتوا..
بوحمد:آأأه ..البحر شل نص المراكب .. وبعضهن كسرهن ..زين منا تلاحقنا على جم واحد مال قوم بن يتاح ..
ميثه:بويه ومراكبنا ..؟
بوحمد:لا مراجبنا ..حمد ولديه من قبل مدخلنهم .. الحمد لله ماتضرر من عندي شي ..ياغير بو سلطان حليله مزرعته الصغيره حول بيته شلها السيل كله ..
يدوه ظبيه:لا حول ولا قوه الا بالله ..ومزارع آل علي ..ياخوفي استوا بها شي ..
بوحمد:لا الحمد لله مااستوابها شي ..الا يمكن شي بسيط ..
سلامه:بويه اليازيه اربيعتي خبرتني انه بوها يبات في المزرعه يوم المطر يصب ..هههههههه
والكل يضحك ..
ميثه تتراكض صوب الدريشه:بويه شكله المطر خف ..اقدر اظهر برى صوب اليبل ..أكيد غدى لونه بني غامج..
يدوه ظبيه تصد لها:بكسر رويلاتج..
سلامه:واابويه ماتووب هالياهل ..
واشوي ويسمعون صوت شمه اللى بعدها ماتعدت خمس شهور .. راقده في المنز .. والكل يفتر صوبها .. وبوحمد ماخلص من التراحيب والسلام الا يوم شلها .. وميثه تتطالعه بنص عين ..
ميثه تلف صوب بوها:من الغاويه بويه ؟أنا ولا شموه الضعيفه..
وبوحمد يلاعب شمه وهب سامع ميثه ..
ميثه جنها تترجاه:بويه من الغاويه فينا؟
سلامه:يالله عليج ..جنج تقارنين عمرج بالشيخه شمه ..!!أكيد هيه احلى عنج بمليوون الف مره مايحتاي مقارنه ..
ميثه تتفحص شمه:بس هيه عيونها صغار وأنا كبار ..بويه يسميني الدعج الناعساتي ..جوفي حتى ماتروم تبطلهن من كثر ماهيه صغار..
سلامه تضحك بويه شمه ..وماردت لميثه ..
ميثه:بويه من الاحلى انا ولا شمه ..
بعد مارد عليها ابوها ..
فجاه حست ان الكل مشغول عنها .. افترت صوب امها ولقتها ترمس يدوتها عن سوالف شمه ويضحكون .. وبوها وسلامه يلاعبون شمه الطفسه .. خذت مني بويه واميه .. من بعد ماكنت انا أخر العنقود يت شمه .. واشوي وسارت ابعيد عنهم وع الزاويه يلست تصيح بصوت واطي لين ما ارتفع حسها وبدت تصيح بصوت عالي .. الكل استغرب ..اشفيها ..خص بوها ..يمووت في عياله ومايريد يشوف دمعه وحده بعيونهم ..
بوحمد:بلاج ؟؟
سارت لها امها ولوت عليها:ميثه غناتيه بلاج اميه؟
يدوه ظبيه:هاتوها ..هاتوها عندي ..تعالي امايه ميثه ..
وميثه ماشي تصارخ وترافس ..انتوا ماتحبوني كله تحبون شمه وبس ..
سلامه:فديتج ميثاني .. اذا نحن مانحبج من يحبج ..؟
ميثه حاظنه عمرها بركبها:خوزو عني .. ماريد حد يرمسنيه..
واشوي ودخل حمد ..وهو فرحان ومستانس ..
حمد:بويه اميه يدوه..السيل وقف ..يالله اظهروا ..
سلامه امفتره صوبه:والله ..الحمد لله ..بسير بطالع الجمبل مالي اكيد اتخرس ماي ..
يدوه ظبيه تقوم ببطئ وحمد يساعدها:الشمس ظهرت ولا بعدها..
حمد ياشر عالحوي من برى:الغاليه شوفيه هذي اشعتها..بدت تظهر..
الكل راح يشوف حاجته حتى ام حمد يلست ترضع شمه حليب .. اما بوحمد يلس يراضي ميثه ..اللى ماطاعت تشل راسها من ركبها الا يوم حبها بوها ع راسها وايدها وجتفها..
بوحمد:اذا بوج ما يحبج من يحبج ...(تريا الاجابه) هاه الميث خبرينيه؟
ميثه تمسح دموعها بظهر كفها وتبتسم ابتسامه عريضه:عيل ليش مارديت عليه يوم قلت لك من احلى فينا انا ولا شمه؟
بوحمد:فديت روحج ..أكيد انتي الغاويه ..
ميثه ضحكت بصوت عالي ..:فديتك بويه ..ولوت ع رقبته ..
وسلامه تتطالع وتتاكد من كل شي ..عطور عبدالله اللى يبهن لها من الهند .. صوغات بوها وعمها ..المندوس مالها واغراضها .. اصدافها وقواقعها اللى يمعتهن وهي ياهله ويه بنات الفريج ..
سلامه تسير صوب امها ويدتها:يدوه .. امايه جوفو الثوب تخرس ماي .. وكله ع اطرف الحجره ماي ..
يدوه ظبيه:جيه مادخلتيه في المندوس ..سيري انشريه ع السطح ..بيجف ..
ام حمد:عيل روحي انشريهن وتعالي فازعيني السيل دخل الليوان .. انقفضي ..
وميثه واقفه عند الباب وتطالع الكل مشغول حمد يرمس بويه وامايه ويدوه وسلامه مشغولين .. لبست شيلتها وركضت برى البيت ..
وع السطح سلامه تحط ثوبها مكان الشمس .. وفجاه تحس بحد يلمس طرف شيلتها .. وهيه تفتر الا تشوف عبدالله ..وتفتر عنه مره ثانيه ابسرعه ..ودقات قلبها تزيد وتزيد ..
عبدالله يسحب شيلتها صوبه..وسلامه تمسكها من صوبها بقوه ..
سلامه:عن الخبال !!
عبدالله:بتخبل ..كيفي دام اني يالس هنيه اترياج من نص ساعه ..وانتي ولا مفتكره فيني .. ولا جني ولد عمج و خطيبج !!
سلامه بعدها عاطتنه ظهرها وماسكه شيلتها بقوه:قلتها خطيبج ..يعني بعدك ماستويت .. ريـــ ... وصخت ..
عبدالله:هاه قوليها حتى من هالجلمه حارمتني .. ولا جني بشر ..يحس ويشعر تراني بشر لي احاسيس ومشاعر شراتج ..يمكن بعد اكثر عنج ..
سلامه:بس هذا.. كلما ريتك اسمع شرا هالرمسه ..
عبدالله منقهر وير شيلتها صوبه حتى انها افترت ونص شيلتها طاحت وبكلتها ظهرت ع ويها وويوهم في بعض واللى بعدهم عن بعض مسافه خشم سليل عبدالله ..
سلامه تفتر عن ويهه:أكرهك ..خوز عني ..
عبدالله منصعق ..شو سويت .. هد شيلتها وسلامه نزلت ابسرعه ونص شيلتها تسحب وراها ..يالله شو سويت انا .. انا احبها ماابيها ترفضني بسبه خبالي ..يالله ترحمني برحمتك ..يالله ..
وسلامه من نزلت سارت حجرتها تصيح ..مب عشان شي بس عبدالله وخباله وحركاته اللى ماتخلص ..
وميثه كانت ويه مزنه وبنات فريجهم الى من سنها .. يلعبن ع البحر.. وعالرمل الابيض .. كان واحد من الماره هناك محذرنهم من البحر ..لا يتعمقون فيه وايد ..
بو احمد: عيالي تعالن لاتلعبن ..عن البحر يشلكن..! تعالن!!
مزنه:بو احمد ..لا تخاف نحن الا هنيه عند الرمله ..
ومن بعيد وع الشيره اللوز بالتحديد .. سعيد وخليفه بعدهم فتيه على طور النمو عمرهم ثلتعش سنه .. يالسين تحت شيره اللوز .. سعيد كان يراقب وحده بس ...وحده محد غيرها .. ميثه .."غنات عمره "
خليفه يفر عليه رمل:اييه منوه تتطالع اهناك ..ماتستحي تراقب البنيات ..عفان الله جنك من وعيت عالدنيا وريت شله هالبنيات وانته ماتشل عيونك عنهم..
سعيد يضحك:ههههههههههههههه ياخي وانته شلك ..انا احب وحده منهن..ويبتسم بحيا..
خليفه:من ..بنت آل علي ؟
سعيد يسوي روحه يكح: ايخسي ..أنا ..لا بويه ..( ويلس يطالعها من بعيد وهيه تربع ورى اخته مزنه ..ووراهم البنيات) .. انا حبيبتي مالها مثيل ولا شبيه ..تشوف هالبحر (وياشر عليه )يذكرني ابها يوم اسمع موجه ..
خليفه:واشو اللى يخليك تتذكرها يوم تشوف البحر..
سعيد يعدل يلسته عالرمل:ياخي غير .. ضحكتها جي ابها نبره حلوه ترن بذوني وانا اسمع موج البحر ..
خليفه:ياسلام ..انزين كمل ..
سعيد: والله احبها ..يارب ربي يكتبلي اياها من نصيبي ..خلووف ادعيلي !!
خليفه يحاول ايمع رمل بايده دون ماينتبه سعيد: وايد تحبها يعني ..؟
سعيد يطالعهم: بخبر ابويه يخطبها لي قبل لاطير عني ..
بهاللحظه فز خليفه من يلسته .. وسعيد رفع راسه صوبه مستغرب من طريقه وقوفه ..
سعيد:بلاك؟
خليفه بخبث:ماشي ..تبي الشور؟
سعيد بعده مستغرب من اربيعه ويتفحص ويهه جنه ناوي ع شي: ارمس ..!!!
خليفه:تبا تعرس ابها صح ..
سعيد هني نسى خليفه ورد لعالمه:آآااه ..اليوم قبل باجر ..(وحط ايده الثنتين ورى راسه واتكا على جذع الشيره ..)
خليفه بخبث وضحكه تطايرت في السما:فقدتك تبا تعرس ...ورش عليه الرمل فويهه..
وسعيد من الصدمه تم يكح ويتفل الرمل اللى دخل حلجه..تم ينظف ويهه ولحقه ..
سعيد يربع وراه:تعال ..تعاااااااااااااااال اقولك ..والله ان ماييت لا اسوي شي تحرم اتسوي حركاتك هذي ..
خليفه:اذا تحبها صدق .. زخني ..
وخفف سعيد من ربعانه يوم شاف عمره بين البنات .. ولمح ميثه تشل الماي بايدها وتوديه صوب القلعه اللى مسوينها ..
مزنه:سعيد تعال شوف شو سوينا..!!والله بيعيبك ..بس لاتحاول مابعطيك اياه..
ميثه تصرخ:ليش خبرتيه ..هاه سر امبينا ..
وسعيد يضحك عليهم ..
ميثه محطيه ايدها ع خصرها:هاه عيبك ليكون بعد تبا تاخذه؟
سعيد:رووعه منو مسوي هالقلعه؟
ميثه تفتر بخوف:لا تيود شي بتكسره..
لطيفه:ميثه بنسوي سفينه عوده شرات سفينه يدي..هنيه بنسويها..
مزنه:لا ورا القلعه احسن عشان مايي البحر ويكسرهم باجر ..شرات ذيج المره ..كسرهم كلهم ..
وباجي البنات التفن صوب لطيفه ومزنه يشاورن بعض .. اما ميثه يلست تتطالع سعيد .. غمضها يوم ماخلته ايود القلعه ..
خليفه يصاصر سعيد:اشرايك انكسره حقهم ..
سعيد:حرام عليك ..من يومين يسوون فيه ..
ميثه:سعيد يود هذي القلعه ..عادي مابتنكسر .. وتبتسم ..
سعيد:مااريد ..عقب ان تكسرو بتقولين هذا سعيد ولد راشد اللى كسرهم..
ميثه تترجاه بصوتها:لا هب قايله ..يودهم عادي انته ..بس اربيعك خليفه مابخليه ايودهم ..
خليفه يطالعها بنظرات:من زين اللى سوتنه كله خرابه باجر بتحصلون البحر شالنه كله ..
لطيفه:وانته شلك روح العب ابعيد هب ويانا..
سعيد يطالعها:ههههههههه دواك..
خليفه يحطي ايده ع جتف سعيد:جب انتي ام العقص اليابس ..طلع لج السان بعد ..
ولطيفه اشوي وبتصيح:بخبر عليك اميه ...
خليفه:يالله يالله مناك ..صياحه وحده ..
لطيفه حابسه دموعها:انته شعرك يابس ليفه ..
سعيد:ههههههههههههههههههههههههههههههه
خليفه:اسكتو اسكتو لطيفه بتصيح بتصيح ..
لطيفه مستحمله:جب
خليفه:اسكتو بتصيح اللحين ..
لطيفه ترش عليه رمل:بخبر عليك اميه ..
خليفه يفتر عنها:بس خلاص لاتصحين ..
وهنيه مارامت لطيفه تستحمل زوود وراحت تصيح بصوت عالي ..لحقنها البنات ..
خليفه وسعيد:ههههههههههههههههههههههههههههههه
ميثه:ووووف بس خلاص سيروا..
مزنه تطالع خليفه باحتقار..وخليفه يسويلها حركات بعيونه..
ميثه:قوموا من هنيه خربتوا علينا ..
خليفه:اطالع اختك ..يبالها كف يسنعها..
سعيد:خلووف زودتها عاد..
خليفه:اطالع شقايل تطالعني..
سعيد يسحب خليفه:برايهم برايهم لعوزنا بهم ..
وعند المغرب ردن ميثه ومزنه البيت .. وع طول الدرب وهن يرمسن بسوالف بريئه وايد تخص عالمهم روحهم ..وهن ماشيات في السكيك ..زقرهن عبدالله ولد عم ميثه ..
عبدالله يربع صوبهن:ميثه .. هذي الورده عطيها لسلامه .. لاتتعبثين ابها بتموت عقب ..
ميثه: ان شافني حمد بيذبحنيه..!
عبدالله:اووووه اشو حمد هذا بعد .. ابويه انا ريلها كلها سنتين ثلاث وبستوي ريلها ..
ميثه تتخطاه:انزين يالله فارج ..
عبدالله:ان شاء الله بفارج ..بس عقب بتخبرينيه شو صار وشو قالت عني .. وحطي الشيله عراسج ..وربع صوب المسيد ..
مزنه:ميثووه سلامه بتعرس خلاص ..شرات خواتج عفره ومريم ..
ميثه ترد شعرها ع ورى:ماادري خبال اكباريه ..
ومن وصلن بيوتهن دخلن ع طول وسعيد كان توا بيظهر من الباب ..وشاف ميثه وهيه داخله البيت ..
يدوه ظبيه:خلصتي هياته..؟
ميثه تفصخ شيلتها وتعقها بالليوان..وتيلس ع الارض وطبعا نست الورده:يدوه شو ماسمعتج..؟
يدوه :اقولج خلصتي ربعان في الفريج؟
ميثه تضحك بصوت عالي:هههههههههههههههههههه ماربعت بس سويت بيت كبير احذاه البحر .. يدوه ادعيلنا مايكسره البحر ..
ام حمد:ميثه نشي تيددي ماتسمعين الاذان ياذن ..يالله نشي فديتج..
نشت وراها ميثه..وبكل جديه:امايه ماخبرتج اليوم انا ومزنوه شو سوينا ..؟
سلامه:لا اله الا الله ..يعني شو مابخشع بصلاتي انا ..روحي يالله صلي ..
ميثه:انزين بخبرج شو سوينا انا والبنات ..
وتدخل يدوه تبتسم:الميث ماتخلص سوالفها ..بتم لين ويه الفير بترمس ..(وصدت صوب سلامه)وين السيده بصلي ابها ..
وقامت سلامه ويابت وفرشت لها السيده ..
ميثه:انا بسير بتيدد وعقب بخبركن ..
وهناك بمزرعه آل علي رياييل الفريج كلهم يعدلون في المزرعه اللى خربها المطر اليوم الظهر ..من العصر وهم يعدلون فيها ..
ميثه يالسه احذاه منز شمه وتلاعبها:سلامه ابويه وحمد من صلاه المغرب وهم ماردو البيت؟وين راحو؟
سلامه تعدل التكيات واليلسه:يعني ماتعرفين انهم يفازعون قوم آل علي بالمزرعه ..اللى اختربت من المطر ..هيه صح ذكرتيني اخواتي عفره ومريم ين عقب ماشردتي من البيت ..ويسلمون عليج..
ميثه:حراام ..ليش مازقرتينيه ..تدرين اني متولهه عليهن مووت ..
سلامه:لا والله ان شاء الله تبيني اظهر بالفريج وازقرج ..عيوني انا هب ياهله شراتج تراكض مني ومناك ..وبعدين انا خبرتهن انج دووم تتخبرين عنهن ..
ميثه:يالله فديتهن من متى ماسرت لهن .. باجر بروح ..
سلامه:ايييه عن الفضايح .. بيت راشد قلنا ماعليه ..لكن تترابعين لهن ببيوتهن عيب عليج ..عرب يايين طالعين ميالسهم ..
ميثه:كيفي بخبر ابويه وبروح ..
سلامه توها بتظهر من الحجره:عيل اتحملي اللى بييج من حمد
ميثه:كله منج شمه صاحت ..امايه ..امايه شمووه تصيح تريد حليب ..
وعقب صلاه العشى يلسو كلهم حول سفره العشى ..يتعشون ..
وباجرها الفير قامت ميثه ع صوت يدوتها توعي سلامه لصلاه ..
يدوه:حي ..وانتي منو موعينج ..ردي ارقدي ..
ميثه: بصلي شرات سلامه ..ولا هيه غير عني ..ونشت سريع ..
وتمت ميثه واعيه لين الصبح وشلت كراسها وقلمها ومرت على مزنه ومن عقب بنات الفريج..وهيه بالدرب لمحت عبدالله ماشي في السكه .. ووياه اخوه قايد ..
ميثه تفتر بخوف حول ربعها:ابا انخش ..يالله ابسرعه ابسرعه بيذبحنيه ..!!
لطيفه:منوه ؟منوه بيذبح؟
مزنه:شو مسويه بعد؟
عبدالله:ميثه تعالي اشوي..
ميثه تعدل شيلتها اللى ما غطت ربع شعرها هيه بصوب وشيلتها بصوب:هاه عبدالله ..!!
عبدالله:بلاج زايغه مني ..ماباكلج .. بغيتج بسالفه ويغمز لها ..
ومن الغمزه ارتبشت ميثه زوود:هاه ماعرف لاماعرف ..اتاخرت عن المطوع بيضربني بالعصا اليوم ..
قايد:اكيد ماحفظتي السوره ..كله برى البيت ..وين ماتبينه يضربج..
عبدالله:قايد اسكت عنها .. تعالي ميثاني ..وخذها من ايدها ..
وسعيد كان توا ظاهر من الباب ..ومن شاف عبدالله وميثه وبينهم قايد..تم يناظرهم دقايق وعقب روح ..
عبدالله منصعق:شووووه؟؟قالت ماتباها ..لحظه لحظه ..انتي متاكده انها قالت ماتباها ..
ميثه تتطالع مزنه:اوووه ماادري انا تاخرت المطوع بيكسر راسي ..وسارت ...
عبدالله محطي ايده الثنتين ع خصره:شكلي انا اللى بكسر راسج مب هو ..انا لازم اتاكد .. وسار ..
قايد:ع فكره ترا ميثه معروفه بالجذب ..ماعليك من رمستها كلها خريط ..جلام ميمع ..
مزنه:شو السالفه؟
ميثه تصاصر مزنه:الورده ماعطيتها لسلامه ...نسييت .. بيذبحنيه ..
وعند المطوع يلسن البنات بصوب والاولاد بصوب .. وسعيد وخليفه يتفقون اليوم شو بيسون في معسكرهم اللى مسويينه في اليبل ..
سعيد:انا بييب السح والخبز..
خليفه:وانا عليه الماي .. بس هاه اتحمل عن تشوفك مزنه ..
سعيد: لاتخاف انا مسوي احتياطاتي عدل ..
المطوع: سعيد وخليفه عن ماذا تتحدثا ونحن نتلو آيات الله ؟؟
خليفه مرتبك:هاه لا مطوع كنا نرمس......
ويقاطعه المطوع:تكلم باللغه الفصحى ..تحدث ياسعيد ؟
سعيد:مطوع انته تقول الذي يكذب سوف يدخل الى النار..
المطوع:نعم..هذا وعد الله ..
سعيد:كنا انا وخليفه نتحدث عن معسكرنا الذي بنيناه في الجبل ..
وهنيه الكل يضحك .. حتى ميثه ومزنه ويوم شافهم سعيد نزل راسه اكثر ..
المطوع:وهل تظن ان مثل هذا الحديث ينفعك عند قراءه القران الكريم ..
سعيد وخليفه منزلين راسهم ..ومن عقب ضربهم المطوع بايدهم ..ومزنه مستهمه ع خوها وميثه ولا عليها من حد ..
مزنه:سعيد وايد ضربك..
سعيد يفتر صوب اربيعه:خلووف الحق مزنووه اختي بتسويلي مناحه اللحين ..
خليفه يطالع ايده ويعصرها :حظك عندك اخت تفتكر بك ..اما انا حليلي ..
ميثه:أي معسكر اللى بتسوونه ..ممكن تاخذونا له ..ههههههههههههههههههه وضحكت ضحكتها العاليه ..غير كانت ضحكتها ..
سعيد من سمعها تم يطالعها ويبتسم بويها اما خليفه كل نظرات الكراهيه يطالع ابها ..
خليفه:ايخسي ناخذج ويانا .. يالله ردي البيت ولاتبين اخوج يسحبج من كشتج لين بيتكم ..شرات كل مره ..
سعيد:خلووف حرام عليك ..لاتحط راسك براس ياهل ..
خليفه:رووح انزين .. وسار
وتمت ميثه تطالع خليفه وهيه تفكر ..
سعيد:ميثه ماعليج منه هو معصب من المطوع ..
ميثه تفتر عنهم:يولي ..ماتهمني رمسته ..
وفي الدرب ميثه كانت تخطط تروح ورا خليفه وسعيد وتحاول تقنع مزنه بهالشي الا ان مزنه مب طايعه وتخاف ..
ميثه:صدقيني يمكن خاشين عنا الكنز هناك..
مزنه مستغربه:كنز .. معقوله اخويه سعيد عنده كنز ..وماخبرني!!!
ميثه:انا متاكده انه عندهم كنز .. ولا مابيسون معسكرهم في اليبل ..
مزنه:وبعدين نحن بنستوي شرات قوم آل علي عندهم فلوس وايد ..
ميثه:خلج من هذا يالله نلحقهم قبل لا يندسون .. وياخذون الكنر روحهم ..
ومن سارت ميثه البيت تسبحت وتغدت ومن عقب الغدى ..
حمد:ميثه وين سايره؟
ميثه مرتبكه:أأأأأ هيه ..بسير بيت عمي راشد ..مزنوه اليوم ماسارت المدرسه راسها يعورها ..
حمد يعرف انها تكذب ..بس :لاتبطين ..يالكذابه ..ودخل الحجره ..
ميثه تظهر ابسرعه:اميه عرف اني اكذب ..ابسرعه قبل لايغير رايه ..
ودخلت ميثه بيت مزنه وشافت بوسعيد يعدل في شيره صغيره .. وكان وياه سعيد ..
بو سعيد:اشحالج ابويه؟
ميثه مستحيه:ابخير وخطفت من عندهم .. وخذت مزنه وظهروا برى .. وطول الدرب وهن يمشن في الشمس .. ومزنه تعبت ويلست عالرمل ..
ميثه:مزنووه لازم نوصل اليبل قبلهم .. ولا مابنشوف الكنز ..
مزنه:مااريد الكنز ..اريد ماي ..بموت ..عطشانه ..
ميثه تصارخ:من وين اييب لج الماي ..يالله نشي ورانا درب ..
مزنه:ابا ماي ..
ميثه:مزنه لاترقدين في الشمس ..نشي ..
وهن يمشن شافن لمه شبيبه .. احذاه البحر ..
ميثه:حد منكم عنده ماي .. اربيعتي تبا ماي ..؟
وقام عبدالله من بين هالشباب .. وسار وراه عقاب ..
عبدالله:انتي شو اللى يايبنج هنيه ..ماتعرفين انه هالمنطقه خطر عليكم ..يالله ابسرعه ردي الفريج ..
ميثه:انزين مزنه تبا ماي ..(وتاشر عليها) شوفها ..تعبانه ..
ويركضون صوبها ..وعقاب يتم يبحلج بميثه صار له فتره ماشافها بدت تكبر وتحلو هالبنت .. يحس انها غير عن بنات الفريج ..فيها شي مميز ..
عبدالله:عقاب الحق البنيه بتموت ريجها نشف شوف شفايفها بيضت ..سر هات يغمه ماي نبلي ريجها ..
وربع عقاب صوب البحر وياب بايده ماي وحاول يشربونه لمزنه ..اللى بدت تتعب من المشي الطويل ..
عقاب:شو اللى خلاج اتين هنيه؟
ميثه:نبا ندور الكنز ..
عبدالله: اقولك هاي بنت عمي خبله ..انته لو تسمع سوالفها بتموت ضحك عليها ..
ميثه تتطالعه بنظرات ..وصرخت بويهه :سلامه اختي ماتبا وردتك ..
عبدالله احمر ويهه جدام عقاب ويرها من طرف ثوبها:جب ..انتي شو تقولين ... أي ورده ..!!يالله جدامي البيت ..وشل مزنه ..(وتم يطالع عقاب اذا لاحظ شي ولا لا.. بس عقاب كان سرحان غير عادته)
ميثه:والكنز!!!
عقاب:هههههههههههههههههههههههههه فديتج ماشي كنز هنيه ..
عبدالله:أي كنز !!!يالله جدامي لاخبر عليج ابوج ..يالله جدامي ناقص خبال يهال انا ..
ومن درو هل الفريج بسالفه ميثه ومزنه .. طاحو هل ميثه فيها ..
بو حمد:بتخبرج انتي ؟؟؟ شو مودنج هناك؟
ميثه تصيح وتناهي بصوت عالي ..وماترد عليهم ..
بوحمد:الحمدلله ولد عمج تلاحق عالبنت ولا جان راحت فيها ..حليلها بنت راشد..
وام حمد غامضتنها بنتها ..بس لازم تتادب ..
بوحمد: اربيعتج كانت بتروح ؟؟
وهنيه ميثه صاحت بصوت عالي .. وام حمد مارامت قامت ولوت عليها ..
يدوه ظبيه:برايها برايها لوماتت البنيه ابوج اللى بيبتلش فيها ..
حمد:يوم اقولكم احبسوها في البيت ماطعتوا الشور ..
سلامه:يا جماعه استهدوا بالله ..الحمدلله السالفه عدت على خير ..
بوحمد:الحمدلله ..ربج رفق بحالنا وحال الياهل اللى كانت بتضيع من ايدج ..
ام حمد: بسك بوحمد ماتشوفها شقايل تناهي ..
بوحمد يقوم:يالله ام حمد انابروح ميالس قوم آل علي ..ولا تخلينها تمسك قبضه الباب ..ولا دواها المره ثانيه اكثر عن الهزاب ..
حمد:بويه بخاويك ..
وميثه من يوم ظهر ابوها وهيه تصيح مب عشان الهزاب اللى حصلته من الكل .. لا .. تخاف على اربيعتها لايستوي ابها شي .. وهيه تكون السبب ..ومن بعد ماهدت اشوي سارت صوب يدوتها ..
ميثه:يدووه ..بسير بيت مزنوه بشوف حالها ..
يدوه:لا سلامتج .. يلسي مكانج البنيه ابخير بدون لاتشوفج ..
ميثه تمشي وراها:الله يخليج بس بسالها عن حالها وبيي ابسرعه ..
ام حمد تدخل الحجره وشاله شمه:ميثووه بسج عن الحنه الزايده ..روحها يدوتج راسها يعورها ..لاتزدينها برمستج ..
ميثه تتطالعهم ..ووقفت عند الباب .. ومن عقب سارت فوق السطح تركض ..وفي الممر شافتها سلامه ..
سلامه تتطالع خطواتها:وين سايره؟
ميثه:فوق السطح ..وركبت الدري المصنوع من الطين الابيض ..وعند السطح تمت تراقب بيتهم من تحت تتريا حد يظهر .. وشافت بو سعيد وزقرته ..
ميثه بفرح:عمي بوسعيد ..
بوسعيد يتلفت يمين يسار ..وميثه تضحك ضحكتها اللى الكل ينبهر ابها ..
ميثه:عميه انا هنيه ..وتاشر عليه ..وتضحك ضحكتها العاليه ببراءه ..
بوسعيد يرفع راسه ويحطي ايده الثنتين ع يبهته ويضحك ..: بنتي ماريتج ..بلاج ابويه ؟
ميثه:عمي ...اشحال مزنه ؟
بوسعيد:ابخير علج الخير ابويه ..جيه ماتقربين عندنا ..
ميثه بفرح:اقدر يعني عادي ..
بوسعيد مستغرب:بنتي هذا بيت هلج قبل ليكون بيتي ..حياج الله باي وقت ..
وعند هالرمسه يظهر سعيد ويشوفهم ويركب هو الثاني فوق السطح ..ليستفسر من ميثه اشويه شغلات ..وبوسعيد يظهر من البيت ..
سعيد:بلاها عيونج وارمات..ليش كنتي تصحين؟
ميثه تنزل راسها: مابلانيه شي ....أأأأ مزنه ابخير..
سعيد:هيه ابخير ..مافيها شي .. تعرفين حريم الفريج يحبون يزودون من عندهم ..
ميثه:يعني ابخير ..وهيه تحبني ونروم باجر نروح ندرس..سوا..
سعيد يضحك:هيه حتى اذا بغيتي بزقرها لج...
ميثه:لالالا خلها ترتاح ..
ثواني ..
سعيد يطالعها:الميث...
ميثه تتطالعه:اول مره تقولي الميث ..(وتبتسم ..)انا اكثر شي استانس يوم ابويه يزقرنيه الميث ولا الباجي عادي ..
سعيد يطالعها ويبتسم ..
ميثه:شو كنت تبا؟
سعيد:هيه ..ليش انتي ومزنه سايرين صوب اليبل؟ماتعرفون انه اليبل مب زين؟
ميثه تفكر:اممم مابقول سر بيني وبين مزنه ..
سعيد:يعني مابتخبرنيه..
ميثه:لا ..اوووه انا بروح يدتيه تزقرنيه ..
سعيد:لحظه ميثووه ..بخبرج ......
ونزلت ميثه سريع وعند الدري لقت يدوتها .. وسلامه ..لابسات عبيهن ..
ميثه:وين سايرات؟
يدوه:تمي ويه امج ..نحن بعد اشوي ردات وعن الشيطنه ..
ميثه تمشي وراهم:يدوه شليني وياج ..
سلامه:ميثه امايه روحها ..تمي وياها ..
ميثه:انزين ..وسارت ميثه تيلس ويه امها اللى يالسه ترضع شمه ..
ام حمد:ميثه فديتج روحي هاتيه ثياب شمه من الحبل .. وثياب ابوج واخوج حطيهن بصوب ..
وميثه وهيه تلم الثياب دخلت اختها عفره وريلها .. اللى هو ولد عمهم ..
حميد:هووود هوود ..
عفره:حميد روح انته الميلس؟
ام حمد:هدا هدا ..قربوا
ميثه:اقرب اقرب ..
حميد:قريب قريب عمتيه ..
وميثه تلحف شعرها بقطعه من الثياب اللى يمعتهم ...
حميد:ميثاني شفتج؟
ميثه:ادخل ابسرعه لاني مب ملحفه شعريه...
حميد:هههههههههههههههههههههههههههههه عادي ياهل ..
عفره:ميثوووه ..فديت روووحج ..
وربعت ميثه صوبها ..ودخلو صوب امهن ..وتقهوي حميد وعقب ظهر ..وتمت ميثه وعفره سوالف ..
وبعد اشوي ين سلامه ويدوه وعقبها يت مريم واكتملن بنات بوحمد ..
مريم:الميث ..شو مسويه فربيعتج مزنووه؟
سلامه:زين ماراحت فيها حليلها روحها ضعيفونه؟
ميثه:الحريم يبالغن ..وسعيد يقول مافيها شي عادي تروم تروح المدرسه ..الا الحريم عفان الله مايصدقن يسمعن شي ..ويرمسون فيه ..
عفره:شو ادورون كنز ع قولت بنت راشد ..
ميثه منصدمه:هااه ...كنز شدراج؟
سلامه:ههههههههههههههههههههههههههه أي كنز في جلفار كنز ..عيل نحن من اغنى المناطق ..وماعندنا خبر ..الا ميثوه ومزنوه ..!!
ميثه تتطالعهم:لحظه لحظه أي كنز؟
عفره:اشدرانيه عمتيه تقولي اونج انتي مخبرتنها في كنز في اليبل ..الحريم كلهن يرمسن بهالسالفه ..
الكل يضحك
ميثه:ماعليه مزنووه خبرتيهم .. انا اراويج ..
ومرت الشهور ..
العصر ميثه يالسه تلعب في الرمل البحر ..ومزنه وياها يشخطون ويرسمون ..وسعيد وخليفه كانو مارين من هناك ..
وميثه محطيه الشيله ع جتفها ..ومن شافها سعيد ..
سعيد:ميثه حطي الشيله ع راسج..
ميثه:انته شو لك؟
خليفه:شو تباها برايها ..يالله عمي علي يتريانا ..نحن هب متفيجين لطوله السانها..
سعيد:اقولج حطي الشيله عراسج ..ترانيه بخبر عليج اخوج؟
ميثه تتطالعه:حتى انته تهدد..تحسبتك غير عنهم..طلعتوا نفس الشي ..(وتحط الشيله ع راسها)
سعيد يطالع اخته:مزنووه قبل المغرب ردي البيت؟
مزنه:ان شاء الله ..
ميثه تتقرب صوبه:مب كيفك .. يالس تتامر جنك عوود ..
سعيد يضحك ..وبصوت واطي:يالله خليفه نروح ..
ميثه تلحقه:اييه يالسه ارمسك؟
سعيد يصد صوبها:شو؟
ميثه:شوه اللى شوه ؟؟مب كيفك بنرد شرات كل مره ..
سعيد:انتي كيفج ..بس اختي اباها ترد ابسرعه ..
ميثه بصوت عالي:فقدتك ..اشتغلت وتتحسب عمرك عوود ..
بس سعيد وخليفه كملو دربهم ولاردوا عليها ..
مزنه:ميثه ماتحسين انه كبرنا عاللعب ..
ميثه:تصدقين انا من شفت شنب اخوج ..حسيت اني كبرت ..
مزنه:هههههههههههههههههههههههههههههههههههه..
وعند العشى ..يلست ميثه تلاعب شمه ...وتسمع حد يدق الباب ..
ميثه:سلامه روحي افتحي الباب..؟
سلامه:روحي انتي انا مشغوله انظف حجره بويه ؟؟
ميثه:انا عندي شمووه ..
سلامه من عند الباب:روحي افتحي ..وانا بشل شمامي ..
وسارت ميثه وبطلت الباب وشافت سعيد يبيع خضره ..
سعيد منزل راسه وع طرف:السلام عليج ..
ميثه:وعليكم السلام ..امايه امايه هذا سعيد يايب وياه الخضره ..
وظهرن له يدوه ظبيه وام حمد .. وميثه كانت وياهم ..وتتنقى ليدوتها الفاكهه الطيبه ..
يدوه ظبيه:بنتي هالتفاح زين تشوفينه ..
ميثه وهي تتنقى الخضره...وبعفويه:هيه يدتيه بلاها مب زينه يسد انها من مزرعه بوسعيد ..ولا شو الراي امايه ..؟
ام حمد:الخير كله من مزرعه بوسعيد ..وخضرتهم ماعليها جلام ..الحمدلله والشكر ..
وسعيد مستحي ويطالعها يوم تتنقى وتعلق ع يدوتها ..
ومر من عندهم قايد ولد عم ميثه .. وشافهم ..وماعيبه المنظر ..
قايد:السلام عليكم ..اشحالج يدتيه وحبها عراسها ..
يدوه:الحمدلله وسهاله ..ومن صوبك ولديه ..
قايد يطالع ميثه بنظرات:ابخير مانشكي باس الله يطولي بعمرج .. (وبتردد)عمتيه انا اشوف ميثه مالها لزمه واقفه خاري جيه والناس طايفه وراده ..(ورد يطالع سعيد ..اللى فهم قصده )
يدوه:هيه والله صدقه ..ميثه مالها لزمه .. دشي داخل ..
ميثه حولت نظراتها مابين امها ويدتها وقايد ..ودخلت ..ورضخت الباب وراها ..
وسعيد كان مع قايد بكل جلمه نطق ابها ..لكن طريقه رمسته قهرت به ..بس ساكت لانه ولد عمها وله الحق ..وحاشم الحرمات اللى يتشرن عنده ..
ام حمد:حليلها يالسه تفازعنا بالخضره ولديه ..
قايد:لا عمتيه انا اقول يعني مب حلوه واقفه احذاه واحد غريب..يبيع خضره ..
سعيد بنظره شموخ:اللى تشوفه يدامك يبيع الخضره .. حاشم عمره وحاشم هل الدار اكثر عنك ..ومب غريب تراه واحد من هلهم ..
قايد اطالعه بنظره ..وسعيد رد له النظره ..
ام حمد:ولديه قايد عيب هالرمسه وسعيد حسبت اخوها ..ورابي وياها هو ..
قايد:عمتيه رمستج ماعليها زوود .. الا وقفتها هني وياه عيب بحقنا نحن عيال عمها وانا اترخص اللحين ..
وميثه داخل تصيح بحرقه .. واللى ذابحنها اكثر انه قال ذيج الرمسه بوجود سعيد ..
وسلامه مستغربه من اختها ..عمرها ماصاحت لمثل هالسوالف طول عمرها ميثه تتناجر ويه عيال عمها وماصاحت هالصياح ..
سلامه:ماعليج منه الا هو قايد ..ياهل..
ميثه:اشو ياهل ..انتي لو تشوفينه كيف يرمس رافع خشمه يتحرا الكل تحت وهو فوق ..
سلامه:اللحين انا اريد افهم انتي ليش تصحين هالكثر ؟
ميثه:انا مب ساكته عنه بخبر عليه عمي ..
سلامه ..حست انه ميثه بدت تتغير ماعادت ميثه ذيج الياهله ..بدت تكبر وتعقل وتحس .. .. بدت تتاثر بكل شي حوليها ..
ميثه تمسح دموعها بظهر كفها ..وهي طالعه من الحجره :مب ميثه اللى تصيح بسبة واحد مايسوا الثرى اللى تمشي عليه ..
ومرت الايام و الشهور والسنين والكل يالس يبني فخياله ويرسم احلام مالها حد وحدود ..
خص سعيد ..كان يرسم فمخيلته الف والف رسمه يلونها بالوان الحب والشوق والحنين ..بدى يخطط لمستقبله بجديه ..
من الصبح الكل ناش ينظف البيت من فوق لتحت .. لان جريب بيكون عرس سلامه .. وحريم الشعبيه ماقصرن .. ساعدن ام حمد ويدوتها .. والمغرب يدوه ظبيه يلست تعين حنه ..و يت وحده من الحريم اللى تعرف تحني ويلست تحني العروس .. واليهال عيال عفره ومريم يالسين حول سلامه ويشوفن الحنه ..خص البنات ..
مريم توها داشه عليهم: غريبه ..بلاها الشيخه الهنوف صاخه ويالسه مكانها اليوم ..؟
عفره:مريووم يوزي عنها ..روحنا ماصدقنا ..
سلامه تضحك وتتطالع النقشات ع ايدها : مريامي اشرايج بحنايه ؟
مريم تيلس جداها: غاااوي ..خص ع ايدج طالع رهييب .. الله يوفقج ان شاء الله ..
ودخلن ميثه ومزنه مربوشات .. ويتظاحكن ..
مزنه:ياربيه عالعروس مانروم عليها نحن.. ولا شو رايج ميثاني؟
وسلامه مستحيه .. وميثه تتطالعهم ..
ميثه:اييييه متى بتخلصون ابا اتحنى ..اريد بويه يوم ايي يشوفني بحنايه .. يعد بي قصيد .. وضحكت بصوت عالي . ..
عفره:خلاص انتي عقب سلامه ..
ميثه:لا اول شي مزنوه عقب انا ..
مزنه:لا فديتج انتي خت العروس ..انتي قبليه ..عقبج انا ..
سلامه:اختلفت الاراء ..اختلفت الاراء ..
ميثه تاشر بايدها:لالالا ماشي لاتحاولين مزنوه .. لانج اربيعتيه بجدمج .. ولا تناقشيني زوود لاني مابغير رايه ..
واشوي ويسمعون بوحمد مرتبش ف الحوي .. يامر ع الشبيبه وين يحطون الخضره والقشار والفراشات وهالسوالف .. وكان من بين هالشبيبه سعيد وخليفه وقايد ..ويتهم حرمه وقالت لهم لايظهرون برى لان رياييل هناك .. وتمت ميثه تتطالع من الدريشه .. بس ماكانت تناظره بوضوح لان الحريم سايرين ورادين والربشه المستويه في الحوي ..لكنها شافته يوم ينزل يونيه الطحين ورد يرمس ابوها ويضحك .. ضحكته كانت غير ..شفايفه ترد ع طرف من يضحك ..كانت غير .. أحلى ابتسامه شافتها ..وهي تتنهد بصوت مسموع ..
عفره مستغربه وسمعت تنهيدتها اللى من الخاطر .. وتتطالع الشبيبه من الدريشه:منوه تتطالعين؟
ميثه مرتبكه:هاه .. وردت تتطالع وتاشر بصبعها برى .. أأأأ بويه ..
عفره اطالعتها بنظره جنها تقول لها "تقصين على منو انتي" .. وادز ميثه عشان تسكر الدريشه ..
ميثه ترد ع ورا :لا تسكرينها ..
عفره: مااباج تتطالعين الساير والراد ..شو بيقولون عنج الحريم .. وخزتها بنظره ..
ومن النظره .. عصبت الميث وسارت تيلس جدا مزنوه اللى مندمجه سوالف ويه سلامه ومريم .. ولاحسن بالرمسه اللى استوت بينها وبين عفره ..
وبعد صلاه العشى خلا بيت بوحمد من العرب .. وخوات ميثه وعيالهن سارن وماتم غير مزنه ..
مزنه تسحب ايد اربيعتها: ميثووه عن الخبال ..روحي بسير .. بيتنا جدا بيتكم .. لاتحطيني فهالموقف ..
ميثه:لا والله !! وان شاء الله تبيني اخليج تظهرين روحج انصاص الليالي ..مااشي استريحي .. دقيقه وبييج ..بسير حق حمد ..
وتدخل عليهم يدوه ظبيه وتبتسم :عرايس عرايس مزنه والميث .. وهي تتطالع حناهم ..
ومزنه مستحيه ..وميثه تتطالعها وتسويلها حركات ..
ميثه:يدووه ..اسمعي المزون شو تقول ..
يدوه ظبيه تعدل فراشها:شو تقول المزوون ..؟
ومزنه تسويلها حركات "صخي .. بذبحج "
ميثه تضحك بغنج انثوي:هههههههههههههههه يدوه ..ماتبا حمد يوصلها بيتهم ..اونه روحها بتروح البيت ..تستحي منه حليلها ..وترد تضحك ..
يدوه:جيه اميه مزنه .. مافيها شي يابنتي .. انتي من هلنا وبوج يستويلي من بويه الله يرحمه.....
ويقاطعهم حمد .. ويندفع بالحجره: يدتيه فديتج .. ظهريه انكسر من اليواني اللى شليتهم .. أقولج اليوم خدمت من الزين ..وانسدح عند اريولها ..
يدوه ظبيه تهمز ع جتفه: فديت روحك يالغالي علني مااخلا منكم ..
ومزنه مستحيه ومنزله راسها وميثه مستغربه كيف دخل وماشاف مزنه ..
ميثه:ماشاء الله اشوفكم خذيتوها سوالف .. ايييه حمد داش جيه ولا جنه بنيه يالسه امبينا ..
يدوه ..توها انتبهت:ولديه سر ويه اختك وصلو بنت راشد .. حليلها ..
حمد مب مستوعب.. ويناظر صوب الميث .. وفز وبعده مب مستوعب الموقف ..
حمد وهو طالع:السموحه ..
يدوه:بلاج انتي ..!!الا هو اخوها .. حسبة اخوها .. طفرتي الولد ..
ميثه:يدوه وين تبين!! اونه اخوها ..يالله مزنوه ..
يدوه:لاتظهرن ارواحكن ..حمد بيوصلكن ..
وسارت ميثه لحمد اللى يالس يفرش فراشه بيرقد ..
ميثه:حمد يالله بنوصل مزنه ..
حمد يتلحف:مااروم ..برقد انا اللحين ..
ميثه محطيه ايدها عخصرها:خلاص روحنا بنظهر بهالظلام ..
حمد صد صوبها:ايييه تعالي ..
ميثه بنظره شموخ:شوه؟
حمد:عن هالنظرات اللى مالها داعي .. يالله جدامي ..
وظهرن .. حمد يتجدمهم ..ومزنه والميث وراه ..وطول الدرب والميث تحاول تراضي مزنه الا هي مب طايعه ..ومن دخلوها باب البيت .. ردو وعند الليوان ..
ميثه:حمد ..
حمد يفصخ نعاله ..وبتعب: شوه؟
ميثه بجديه:شقايل ماريت مزنه من دخلت !
حمد بدون لايطالعها داش حجرته:جب جب ..يالله حجرتج ..
ميثه:اطاع .. جفاني والله !! ..
وهناك فبيت مزنه .. من دشت بيتهم سارت حجره خوها .. واخوها من شافها ..
سعيد:توج يايه ..كنت بيي اخذج الا امايه قالت اخليج ويه ميثه ..
مزنه تيلس عالزوليه:ووف وليتها ماوصلتني ..
سعيديالس يرسم عالصخام عيون وقلب..ومن قالت جيه:ليش شو استوا امبينكم؟
مزنه:مااريد ارمس بالسالفه ..برايها .. انته شو تسوي ..؟بسك خربت الييدار كله صخام ..
سعيد بحنين :شو اسوي .. مالي غير الييدار اشكي له شوقي ومصابي ..
مزنه تتطالعه:سعيد اخطبها اللحين .. خلاص اختها بتعرس ..؟
سعيد: آاااه.. يالله يامزنه ..أتمنى هاليوم ايي ابسرعه .. خلاص نفذ صبريه ..
مزنه تفكر: سعيد .. ابسرعه اخطبها لاتنسى انه عندها ولد عم وعيال خوال ..
سعيد :ايهبي .. ايهبي حد يقدر ياخذها عني ..
مزنه:عيل كلم بويه وشوف رايه ..
سعيد يالس يكتب "الروح الغراميه ": بكلمه .. وماعليه لا من ولد عمها ولاعيال خوالها .. بس ادعيلي ربج يكتبها لي من نصيبي ..
مزنه بفرح:يااااااارب ان شاء الله يحقق لك مرادك وتكون الميث من نصيبك يارب ..
وباجرها .. تمت الميث تحاتي اربيعتها .. وربع ساعه وهي ادق ييدارها وهي ماترد عليها و اخر شي سارت السطح .. وهي تفتر فوق السطح ..بس مانتبهت لسعيد .. هو اللى انتبه لها .. ومن شافها تم يطالعها والشوق اللي بصدره ذابحنه مووت ..بذيج اللحظه هي شافته وميود طيره بايده وحست بنظراته صوبها .. من شافته يطالعها جيه نزلت راسها وافترت عنه وهيه ميوده غشوتها ..وسعيد يشوفها متردده جنه فخاطرها شي .. وراح صوبها .. وهي توها بتنزل ..
سعيد بشوق فظيع في قلبه :ميثه..؟ونزل راسه ..
صدت له ميثه بس كانت منزله راسها:لبيه ..
سعيد وعيونه تلمع :ازقرلج مزنه ؟
ميثه متردده وتتطالع الدري: هيه اريدها بسالفه ..
سعيد :دقايق وعندج ..
وطول فتره سعيد من راح ينادي اخته ..وميثه تحس بقلبها يخفق بقوه .. كلما تشوف او ترمس وياه يجيسها هالاحساس .. عمرها يوم من الايام تخيلت انه ممكن بتنعجب فسعيد لانها كانت تعتبره شرات اخوها .. اما اللحين تحس باتجاهه احساس اكبر عن اخو .. ولمحت مزنه يايه صوبها ..
ميثه:فديت رووحج .. شلي الغشوه اريد اشوف ويهج الزعلان ..
مزنه مفتره عنها وبجفى واضح:مااريد ..
ميثه تيود ايدها:اووووه مزنووه .. والله مالي ذنب البارحه بسالفه حمد .. هو روحه ماشافج من دخل..وبعدين يدتيه عزرت عليه انه حمد يوصلج .. والله مالي ذنب ..وانتي سمعتيه رمسه يدتيه ..
مزنه:ميثووه البارحه انا تفشلت من الخاطر .. انتي ماتدرين شو استوا بي من دخله حمد ..
ميثه تضحك بغنج:هههههههههههه حتى هو والله تغير ويهه وكلما اييب طاريج يستحي حليله..
مزنه مستحيه :البارحه مارمت ارقد من الموقف ..
ميثه حاسه بمزنه :حتى انا مارمت ع زعلج تمييت احاتيج ..
مزنه وعيونها تلمع :فديت روحج صدق ؟؟
ميثه:والله ؟؟؟انتي ماتدرين شكثر انا احبج ..
مزنه فرحانه بصداقتها:شلي غشوتج اريد اشوف ويهج اشتقت له صراحه ..
ميثه:جب ماريد ..
..ويا يوم المنتظر لعبدالله وسلامه .. الكل كان مرتبش ..بيت بوحمد متروس حريم حتى انهم فرشو فراشات في الحوي لان البيت ضاج ابهم .. والرياييل روحهم مسويين لهم خيمه وقوم آل علي سّو كل شي بيزاته تقدير واحترام لبوحمد واخوه بو حميد ..والمعروف فالفريج انه علي العود وشيخهم وهو اللى يساعدهم بكل شي ..سلامه يالسه فحجره امها وخواتها هن اللى يعدلونها مريم وعفره..
ظهرت ميثه من الحجره .. وهي دون لاتفتر صوب الحرمات الا حست بنظراتهم .. كانت كل عيون تناظرها تتمناها لولدها .. الميث كبرت .. وغدت من احلى بنات العرب .. وهالشي اللى شافته بنظرات الكل حولها ..
ميثه تسلم ع وحده من البنات:اشحالج عليا؟
عليا تتطالع ثوبها:غاويه صكيتي علينا ..
ميثه بضحكتها الطفوليه مع مزيج من الغنج الانثوي:أدري ..ودخلت حجره سلامه ..
سلامه:ميثووه شهالزين والله انج انتي العروس هب انا ..
ميثه تضحك:هههههههههههههه بسكم توني مطيحه بنت الييران ..
مريم:وجيه فاله شعرج..تعالي باجر قولي شعري كلنه الحريم .. وسيرو هاتولي دوى من الهند ..
ميثه تيود خصلات منه:حرام عليكن ..ماتبوني استانس به بعرس اختي..
ودخلت عليا ..وهي شاله المداخن ..
عليا:ميثه يدوه تزقرج ..
صدت صوبها ..ميثه:دقايق ..وسارت لها ميثه ومن شافتها يدتها طاحت ابها .. وسحبتها من ايدها وربطت لها شعرها..
ميثه:الله يسامحج يدوه ..
ام حمد:روحي فازعي عليا روحها شاله المداخن ..يالله انقفضي ..
ميثه:ان شاء الله اميه ..
ويلسن ميثه وعليا يدخنن الحرمات ..ويرشن عليهم ماي الورد ..ووحده من الحرمات يودت ايد ميثه ..
ام خليفه:اشحالج فديتج؟
ميثه:ابخير خالتيه يسرج حالي ..اندوج خاله ادخني ..
ام خليفه:بنتي جم عمرج انتي ؟
ميثه مستغربه:خالتيه داشه خمستعش ..
ام خليفه تتطالع شعرها:دخليه شعرج بنتي الحريم بياكلنه لج ..(ويلست ادخله تحت الثوب) ..وافترت ميثه صوب تراحيب امها ويدوتها .. كانت لحرمه علي شيخ الفريج .. وحطن لها الحريم عيش ولحم وخضره بصوب . ..
سلامه تتطالع عيونها اللى خطت بها جحال هندي يايبنه ابوها لها صوغه .. وتفكر بحياتها اليديده دون هلها ..وطاحت دمعه من عينها ..
مريم:كلنا صحنا ..بس عقب تعودنا ..
عفره:على الاقل انتي وعبدالله ماخذين بعض عن حب ..مب شراتنا نحن ماعرفناهم الا اول ليله ..
مريم:وصدقيني والله بتستانسين ويه عبدالله ..
ميثه داشه بالمدخن وريحه العود شاله البقعه شل:احلى شي انكم خوات تسكنون ويه بعض وتشوفون بعض كل يوم ..مب شراتي انا روحي ..الله يعيني صراحه .. بيلس اجابل حمد ..وع .. اسميه بتلوع جبدي ..
مريم تتطالع مقفى ميثه:ليش مدخله شعرج جيه ...؟
ميثه توها تذكرت:اووه ..هذي وحده من الحرمات ..ويلست اتظهر شعرها ..واشوي ولا باب الحجره يندق ..
ميثه:قربوا الشيوخ ..
ودخلت مزنه والكل مفتر صوبها من حلاتها .. حتى ميثه سارت حظنتها بقوه ..
ميثه:فدييييت روحج بطيتي وايد ..هب حلاه عليج يالمزون ..
مزنه:توه اخويه سعيد موصلني وسار صوب العرب يفازعهم ..
ومن انذكر اسم سعيد تمت ميثه خدودها حمره ..وتحاول تخفي ملامحها ..وخواتها ماحسن بشي ..وهذا اللى حسته ميثه ..وارتاحت ..
مزنه تسلم على سلامه: أووه نسينا العروس ...مبرووك عليج سلامي...
سلامه تبتسم:الله يبارج فحياتج ..
ميثه:تعالي يلسي احذاي ..غاويه الصراحه .. اللحين منو بيناظرني يوم بتمشين جداي ..
مزنه:والله انج انتي الاحلى ..حتى اني انبهرت من شفتج تسلمين عالحرمه الشيخ علي .. لج هيبه بوقفتج ..ماشاء الله عليج ..يسد انه الحرمات كلهن يطرينج ..والله العظيم ..
ميثه بحيا:ليش ؟؟انتي من متى يايه؟
مزنه:سلمت عالحريم وييت عندج ..يعني تبني ادخل جيه بدون لااسلم ..
ودخلت وحده من الحرمات ..وزقرت ميثه ..وظهرن ميثه ومزنه ..وعند ظهرتهن شافن حمد يشل الخضره ع راسه ..وطاحت عينه بعين مزنه .. ومزنه افترت وراحت صوب الليوان ..وحمد نزل راسه ع طول .. وميثه متفشله من الموقف ..وعليا تراقبهم من بعيد ..وميته غيض من حمد ..
حمد:حطي شي عراسج عيال عمج يدشون ويطلعون ..وانتي تتمشين بالحوي عراحتج..
ميثه افترت عنه وهي رافعه خشمها..
حمد:ماعليه دواج عقب ..
وحطن البنات ميثه ومزنه وعليا البثيث والحلوى العمانيه والخضره عالحريم ..واخر شي بعد العشى .. ظهرن صوب اليلسه اللى مسوينها للحريم عشان يطالعون الرزيف ..وظهرن العروس ولفوها بعباتها السودى ويلسوها وياهم .. كان هاليوم من الايام المميزه عند ميثه .. عشان هاليوم اللى عرفت بمشاعرها واحاسيسها تجاه سعيد .. هاليوم اللى حدد اللى بقلبها ..
مزنه:ميثه ..سعيد ماكان يقصد يطالعج ..
ميثه بجديه:مزنه ..انا اعرف سعيد زين ..ادريبه هو مايقصد شي ..(وتمت ميثه تتذكر الموقف اللى استوالها قبل اشوي)
البيت كان خالي من الحريم ..الكل راح يطالع الرزيف ..وتمن ميثه ومزنه يرتبن المكان .. وقبل لايطلعن من البيت ..ميثه كانت يالسه ع طرف الدجه اللى فبيتهم ..وتعدل شغابها العود ..اللى تشابك بخصلات شعرها..
ميثه تتنهد:يعلني بلاه .. خبلبي .. لو لا من الغالي بويه جان فريته بالكشره.. ماريده
مزنه:هاتيه بشوفه لج ..
سعيد واقف عند الباب لانه كان مفتوح .. وجدامه منظر حلو .. وعذب .. ويلس يتلذذ به ..
وثواني والتقت عيونهم ببعض ..ميثه من شافته تمت تناظره .. ثواني .. مانزلت عينها .. وسعيد من شافها مانزل راسه .. مايدري ليش .. يمكن عشان اول مره يشوف غرشوبه جدامه من عقب اسنين .. بس عقب تدارك الامر ..ونزل راسه ..
وميثه من استوعبت ربعت داخل الليوان ..ومزنه تتطالعهم وسعيد ماشل عينه من ميثه ..من بعد ماربعت عنه ..
مزنه متفشله:سعيد !!!جيه ماتهود ..
سعيد مستغرب هذي ميثه !!! حبيبتي .. سبحان الله ..
مزنه :حووووه .. سعيد بلاك مصطن جذيه؟ جيه مادقيت الباب ..
سعيد مستحي ومب مصدقه انه شاف حوره : بوحمد مطرشني اشل كراتين الخضره .. الحرمات كلهن خاري ولا دريت انكن في البيت ..وانتي ليش ماسرتي ويه الحرمات؟
مزنه: فديت روحك اللحين بننهي ..
سعيد متلخبط ومستحي وهالشي اللى حسته اخته ..
سعيد : ..يالله بوصلكن بدربي .. انقفضي . ..
مزنه:مااعتقد بطيع ..
سعيد:ليش !!(وسكت ).. استسمحي منها عيل ..
وميثه كانت تتطالع كل شي من الدريشه ..وقلبها يدق بقوه .. ماتعرف ليش ؟؟احساس اول مره تحس به ..احساس قوي ..وحلو .. له طعم لذيذ ..مب جالكسي لا غير بوايد ..
مزنه تبتسم:شو بلاج؟
ميثه تلهي عمرها بالشغاب:الله يغربله ماطاع يفج ..
مزنه:ههههههه فديت اللى يستحون ..مشكلتهم مايعرفون يدسون مشاعرهم ..
ميثه بحيا:اووه متفيجه تعالي شوفي مشكلتي ..
مزنه:شكلنا مابنشوف الرزيف ..تدرين !!
ميثه:ليش ..سعيد وين سار؟؟(وتتراجع برمستها) اقصد ليش مابنسير ..بروح لازم هذا عرس اختي ..
مزنه:ارتاحي .. خبرته انج مابتروحين لاني تحسبتج بتعارضين؟
ميثه:وليش اعارض .. (وبصوت واطي)انتي نسيتي انه هذا سعيد ..
مزنه تبتسم:فديت روحج ..مانسيت .. يالله نخلص سالفتج ونظهر صوبهم ..
وميثه سرحانه وطايحه ع جتف مزنه ..يلست جداها يدتها بصعوبه ..وميثه افترت صوبها مستغربه ..
ميثه:يدووه فديتج .. رويلاتج تعورج ؟
يدوه ظبيه:هيه ياميثه ..اباج ترديني البيت .. اشوفها زادت عليه ارجبي ..
ميثه تساعد يدوتها:لازم يدوه ..اليوم خدمتي وايد ..الله يخليج لنا ..
وسارن ابها ميثه ومزنه ..واشوي والعروس في البيت يودعونها ..والكل كان يصيح خص ام حمد .. وخواتها كلهن تمن يصيحن ع طرف ..حتى يدوه ظبيه وميثه ومزنه صاحن ..وسلامه اللى ما طاعت تفج يدوه ..تمت تصيح وايد ..وبوحمد طاحت دمعاته لكنه كان يمسحهم ابسرعه عشان يحسسهم انهم بعدهم تحت رعايته وهو سندهم الاول والاخير ..ومن غيرهم مايسوى شي .. ميثه الوحيده اللى شافت دمعه بوها وهو يطالع سلامه كيف تسلم ع امها وتصيح .. سارت صوبه وولوت عليه بطريقه حنونه وهو لمها بايده الكبيره .. ومزنه كانت بصوب تصيح ومن عقب راحت البيت روحها حتى بدون لاتخبر ميثه .. الجو ماكان يسمح .. كان هاليوم غير بالنسبه للكل ..
وبحجره العرسان .. الهدوء كان مخيم المكان .. وخيوط القمر راسمه ضوءها على يدران الحجره .. وعبدالله بهاليوم مستانس حيل .. بعكس سلامه اللى كانت مستانسه على ضيجه بسبه مفارجتها لهلها ..وهيه يالسه تحط كل شي في مكانه وترتبه .. وعبدالله يالس ع الشبريه ويطالعها ..فجاه حد يدق الباب ..افترت سلامه اول شي صوب عبدالله وعقب الباب ..اما عبدالله فكان يطالعها وبس ..
سلامه:بطل الباب ..
عبدالله:تامرين امر حرمتيه..وابتسم لها ..
سلامه:حرمتيه !!!
عبدالله قبل لايفتح الباب:هب عايبنج !!!
وافترت عنه سلامه وما رمست.. انا خلاص غديت حرمه عبدالله !!!! ..
مريم مستحيه:السموحه ..بس عمتيه عزرت عليه ادخل لكم هالفواكه والماي ..تقول يمكن العروس يوعانه ولا عطشانه ..
عبدالله:مشكوره ..يالله اللحين توكلي درب السلامه ان شاء الله ..
مريم: السموحه ..
عبدالله:مسموحه بنت عمي ..
وحط عبدالله الفواكه عالسماط ع طرف الحجره مكان اليلسه ..
عبدالله:غناتيه .. تعالي اهبشيه ..
ويت سلامه ويلست ابعيد عنه اشوي .. ولاحظ عبدالله هالشي .. لكنه عذرها ..
وباجرها .. قامت ميثه الغبشه .. وشافت كل شي ع راسها من بعد ماكانت سلامه هي اللى تفازع امها ويدوتها بشغلات البيت ..
ميثه بتذمر:امايه مااروم ..حرام عليج ..جنكم موعيني من الغبشه عشان انظف هالزوليه العوده ..
ام حمد يلست ع طرف وتدمع عيونها:عيل من بيفازعني ؟ ..سلامه اختج سارت بيت ريلها وباجر انتي بتروحين .. وبتخلوني روحي ..
ميثه ربعت صوب امها ولوت عليها .. وحبتها عراسها ..
ميثه بحنان:ومنوه خبرج وقال اني بروح وبودرج ..؟
وابوها يشوف هالمنظر ..ابتسم بخاطره ..
بوحمد:صبحكم الله بالخير ..
ام حمد:صبحك الله بالخير يالغالي .. بعده مااذن ..
بوحمد:لا أنا بروح المسيد اليوم من وقت ..
ميثه:بويه فديتك .. بصخن لك الماي عشان تتيدد به ..
بوحمد يتنهد:آاه ..فديت بنتي سلامه هي كانت تصخن الماي وتقوم بالواجب وزوود ..عسى ربي يوفقها للخير ..
وظهرت يدوه ظبيه وهي شاله الصفريه:مايحتاي ياميثه .. انا صخنت الماي ..انتي روحي وعي اخوج ..
ميثه:يالله ياسلامي الكل مفتقدنج ..وسارت توعي حمد ..
حمد:اووووه سيري ..سلامه
ميثه بضحكتها العاليه:هههههههههههه انا ميثه هب سلامه .. سلامه بيت ريلها اليوم ..
حمد:اوووه ميثووه مب متفيج لج ..اريد ارقد ..
ميثه:كيفك بويه بيحرج عليك ان مانشيت ..
وظهرت ميثه وسارت تفازع امها ويدوتها .. من بعد ماصلت ..قرت قرآن الكريم وحطته في مكانه بطرف الحجره وسارت تسوي الريوق لبوها واخوها .. ومن عقب فرشت الزوليه وبدت تغسل فيها ويدتها تعاونها ..
بوحمد:يالله يالغاليه انا اترخص ..تامروني بحايه ؟
يدوه ظبيه:الرب لك حافظ ولديه ..
ميثه تصارخ:بويه ..هات لنا اسمجه هامور .. اباها عوده .. بسويلكم عيش ابيض وسمج اليوم .. وبنطرشه صوب عميه وسلامه ..
ام حمد تضحك:يالله عليج يالميث ..عيل اليوم بناكل من طبيخج الزين ..
حمد يلبس نعاله:عيل اميه ..مااوصيج انا سويلي عيش بصحن روحه ..
الكل يضحك ..
بوحمد يضحك:ودك انته الا تحط ايدك من طباخ الميث ..
ميثه:ماعليه بويه عيشه بنطرشه صوب الييران ..وردت تغسل الزوليه ..
والضحى ..سارن الحرمات كلهن يباركون لسلامه .. الا ميثه ماراحت ماتفيجت ..تسبحت ويلست فحجرتها اشوي تراجع دروسها ..واشوي وتسمع حد يدق ييدار حجرتها .. لبست شيلتها وربعت ع السطح ..
ميثه تفتر حولها:وينج؟
مزنه توها بينت:اشحالج؟
ميثه تتنهد:ابخير الحمدلله .. الصراحه مزنوه اللحين حسيت بجيمه اختي سلامه ..صدق البيت بلياها هب شي ..الكل ضايج .. حتى بويه .. كل شي على راسي ..
مزنه:الله يوفقها ..انزين جيه ماسرتيلها ..؟
ميثه:العصر بروحلها .. اللحين تحصلينها مستحيه لان حريم الفريج كلهم عندها ..وانتي جيه ماسرتي؟
مزنه:اترياج..بس امايه وخالتيه سارن؟
واشوي وسعيد يظهر من حجرته .. ويطالع مزنه فوق السطح ..
مزنه ادز ميثه ع ورا:ردي ..سعيد ظهر عن يشوفج ..
ميثه:وينه ابا اشوفه ..
مزنه تبتسم:صباح الخير ..جان رقدت بعدك اشوي ..خليفه يأ وقلت له انك راقد ..
سعيد:ترمسين منوه؟
مزنه:منوه يعني غير ميثه ..
سعيد اتفاءل هاليوم من سمع اسم ميثه:انزين ..بسج هذربه يالله نزلي حطيلي الريوق ..
مزنه:الميث يالله بنزل ..
ميثه:فقدته ..حتى مانشد عن احوالي ..بطران اخوج ..
مزنه:ماعليج منه حركات ..
ونزلت ميثه وردت ترتب البيت وتنظفه .. ومن عقب ين هلها ..ويلست ميثه وامها يسون الغدى ..
ميثه:امايه بويه بعده ما ياب السمج ..العيش زهب ..
يدوه ظبيه شاله شمه:امايه ميثه روحي جوفي من عند الباب ..؟
ميثه:ان شاء الله يدوه ..
ومشت ميثه بتفتح الباب ..بس فجاها ولد عمها قايد بانه داخل قبلها وشال بايده سمجه عوده ..
ميثه تفتر عنه وتتغشى بطريقه سريعه:انته ماتخيل ..حادر البيت جيه ..
قايد يطالعها من فوق لتحت:كبرتي وغديتي حرمه ياميثه ..
ميثه منقهره:شوه ؟
قايد:أقول هذا بيت عمي .. محد بيمنعني منه ..ولا شرايج يالميث ..
ميثه مفتره عنه ع طرف:نعم ..تريد شي ..؟
قايد يطالع بياض ايدها:تعالي خذي السمجه ..
ميثه مرتبكه ماتعرف تركب جمله ع بعضها:جب .. الظاهر انه ماينفع وياك اسلوب الاحترام ياقايد .. انته اللى اتي وتحطها في المطبخ ..
قايد يضحك:انا اباج انتي اتين وتشلينها من ايدي ..
ميثه منصدمه:مستحيل انته تكون واحد من عيال عمي .. وسارت عنه ..محتشره ويه هلها ..
ام حمد:بلاج تصرخين ؟
ميثه:روحوا شوفوا ولد العم ..اللى تمدحينه انتي و يدتيه .. عالفاظي .. روحن اطمشن .. شوفو سواته ..
يدوه ظبيه:اوصص قطعيها الرمسه ..اشو هالرمسه بعد ..ها ولد عمج ..وحسبه اخوج ..
ميثه:ايخسي ..مايشرفني يكون هذا ولد عمي ..
يدوه ظبيه:ظهريه ظهريه منا ..
وسارت ميثه حجرتها ..ويدوه ظبيه وام حمد سارن لقايد اللى سمع كل شي ..ولا تاثر باي جلمه بالعكس تم يضحك ومستانس لانه قهر بها ..
قايد منزل راسه:السلام عليكم..
يدوه ظبيه:وعليك السلام يالغالي ..
ام حمد:اسمحلنا ولديه لهيناك عن شغلك ..
يدوه ظبيه:فديتك جيه ماتقرب داخل واقف عند الباب ..بيت عمك هذا مب غريب ..
قايد:لا الغاليه مشغول اشوي ..الا هذي اسمجه عمي موصيني اطرشها لكم ..
ام حمد:مشكور فديتك ..ربي يحفظك ..
وقايد ظهر من بيت عمه وهو يفكر ب ميثه ..يالله عليها رحامه ماشفتها فبنت من قبل .. هذي احلى عن خواتها مريم وعفره وحتى سلامه . ..والله انهن خسفات جدامها مايسونها موليه ..شكلي بغلب اخوانيه بغرشوبتيه ..
والعصر بعد ما سارت ميثه لسلامه راحن هي ومزنه يغسلون الثياب عند البحر .. في مكان عند البحر يغسلون فيه الحريم الثياب و صخور عوده كانت تغطي هذي المنطقه ..فعشان جيه البنات ياخذن راحتهن ..
ميثه:بنات اشرايكن نسبح في البحر ..؟
لطيفه:تخبلتي .. تبين يفرونج في البزره ..
مزنه:اييه ميثووه عن الخبال كبرنا عن هالسوالف ..يالله ردي ..خلينا نخلص شغلنا من وقت .. ونرد بيوتنا ..امهاتنا روحهن في البيت ..
ميثه ترش عليهن ماي:انتن كبرتن ..انا بعدني .. وتضحك ضحكتها العاليه الانثويه ..اللى ماتغيرت وايد بس استوا ابها نوع من النضوج ..
حصه:لا انا متاكده هاليوم مابيعدي عخير ..ميثووه ردي لايشوفج حد ..بنات لحقنها ..تخبلت بنت بوحمد ..
ميثه تضحك بصوت عالي ..وتنساب هذي الجمله بين شفاتها ببراءه:لطفووه ..اذا تحبين خليفه ..خاطري بحيايج وتعالي ...
لطيفه ويها غادي احمر:جب يالزفته ..اصلن من قال اني احــ .. جب انزين والله اروايج ..(وردت تغسل الثياب)
البنات يضحكن ..
حصه:لطيفه حرام عليج اشوي اشوي عالثياب بتقطعينهن ..
مزنه:حطت حرتها بالثياب .. مشكله هههههههههه
لطيفه تفتر صوبهن:اييييه بصفعكن ..يالله خلصن ..امايه بتهزبني ان بطيت ..
وفجاه يت ميثه تربع وتاشر عليهم بايدها.. والبنات يسالنها شو السالفه ..؟؟
ميثه:حسبيه الله عليكن لبسن عبيتكن ..ريال ياي صوبنا..
مزنه زايغه:هاه ريال ..شو يبا ؟؟
وهدن البنات الثياب اللى بايدهن وترابعن يلبسن عبيتهن .. ومن الربشه ميثه ماحصلت عبيتها فنخشت ويه مزنه ..
لطيفه تبتسم:بنات دخيلكن اطالعن مزنه والميث ..
واشوي ويسمعون ...
.........:بنات لبسن عبيتكن ...اريدكن بسالفه ..
مزنه:ردوا عليه ..
لطيفه:شو اقول ..استحي ..
ميثه:الله يغربلكن ردن عليه ..
........:خلصتن الشيخات ..
مزنه:وحده فيها خير ترد عليه ..حرام جنه من ساعه يتريا الرد ..
ميثه:عيل يوم انج مستهمه منه ردي عليه ..
لطيفه:هيه خلصنا خويه ..
خليفه:الشيخات مطرشني معزبي بو حمد .. يقول شاف وحده داشه البحر .. ويتخبرنيه بنت منو ..يبي يرمسها وامر عليه ازقرها له ..
والبنات زايغات ..والميث ماتت من الخوف ..وعيونها تلمع ..
لطيفه:ياويل حالي هذا خليفه ..ميثووه لحقي ..
حصه:متفيجه !!!
خليفه:الشيخات سمعتن شو قلت..؟
ميثه:اخويه الا هنيه ماسرنا بعيد اشتقنا للبحر وبغينا نتذكر ايامنا مافيها شي ..
خليفه:الشيخه هالرمسه ..ارمسيها جدا المعزب ..
حصه:الميث يالله شكله مابيتفجج الريال..
لطيفه:الميث لاتروحين بعدني ابا اناظره ماشبعت منه ..
مزنه:اخويه روح انته ..و البنيه بترمس بوها وخلاف يستوي خير ..
خليفه:يالله عيل بوصله هالرمسه ..
ومن بعد ماراح .. كلهن لامن ميثه ..
حصه:الله يهداج قلنا لج ..يبتيلنا الرمسه اللحين ..
ميثه:يافضيحتي..اللحين شو بقول لبويه .. اعرفه زين مابيودر السالفه بويه ..
مزنه:ان فات الفوت ماينفع الصوت ..واتحملي اللي بييج ..
ميثه تفتر عنهن:جب .. بدال لاتواسوني جلبتوها عليه .. اووووه وين سارت عباتيه ..
وردن البنات بيوتهن ..وعند العشى بعد ماتعشو قوم ميثه .. سار بوحمد يغسل ايده وميثه كانت تصب الماي ع ايده ..
بوحمد:يزاج الله خير يابنتي ..
ميثه متردده:بويه ..
بوحمد:فخاطرج رمسه ..رمسيها لاتحطين شي فقلبج ..رمسي ..
ميثه:بويه ..أنا اليوم كنت اغسل الثياب ..وربيعاتي وياي ..
قاطعها بوحمد:يعني انتي تعرفين البنيه اللى زقرتها؟
ميثه منزله راسها وتمت ساكته ..ثواني
بوحمد:انتي هيه البنيه ..
ميثه وعيونها تلمع:بويه تولهت عليه ..وبعدين هذي اول مره اظهر صوب البحر ..
بوحمد:الله يهديج .. اللحين لو البحر هاج عليج وشلج مره وحده .. مابيرحمج ..هذا عذب خلق الله .. يدودج ماتوا فيه ..رحمت الله عليهم ..
ميثه وعيونها تلمع:بويه البحر شو ذنبه ؟اذا الله خلقه جيه؟
بوحمد:هييي يالميث ..البحر شو ذنبه..!! البحر خذ منا اعز ناس يابنتي .. يالله نشي هاتي لي سيده بصلي ركعتين ..
ميثه:ان شاء الله ..
وهيه سايره ركيض دقت بحمد ..
حمد:علج السل ..زين ماطاحت من ايدي ..
ميثه:الله .. شوه صدفه ..راويني اياها ..
حمد رافع الصدفه فوق:اول حبيني ع راسي ..
ميثه رفعت ريولها ..:حمد مااروم اوصل لك ..نزل راسك العود ..
حمد:لا لازم انتي توصلين له بدون ما انزل انا ..
ميثه ادزه:عن الغلاسه ..يالله بخبر عليك بويه ..اوووه بويه ...
وسارت ميثه ركيض اتييب السيده لبوها ..ومن عقب ردت لحمد اللى كان يراوي يدوته الصدفه الغريبه اللى شافها اليوم الصبح فسمجه الصافي وهم يصيدونه ..
يدوه ظبيه:غاويه ..سبحان الله ..
حمد:يدوه من صوبج ..تفداج يالغاليه ..
يدوه ظبيه:ماريدها ولديه ..عطها لميثه اخير لك ..
حمد:لا ميثه لا ..ميمعه هالكثر بحجرتها ..مالها حايه ابها ..
ميثه تدخل:عيل عطها للخطيبه ..وافترت عنه صوب يدوتها ..
حمد مستحي:يدوه سمعتيها شو قالت ..!!ماعليه العلوم بتوصل لامج ..ماعليه يالميث ..
يدوه ظبيه:ميثه السانها متبري منها .. الله يهديها ..
وتدخل امها:يالله امايه ميثه ..فرشي الفراش يالله بترقدون ..
حمد: امايه حبيبتي هذي الصدفه مهدايه لج من صوبي فديت روحج ..
ام حمد:شو ها بعد لعبان !!فره عند اخوانه ..
ميثه:هههههههههههههههههههه قويه ..امايه الهديه ماتنرد ..
حمد:امايه حطيها بحجرتج عشان يوم تشوفينها تتذكريني دووم ..
ام حمد ابتسامه حنونه:فديتك امبونك بفوادي مايحتاي هذي الكسله ..بس باخذها عشان خاطرك ..
حمد يطالع الميث بنظرات:يالله ...تصبحون على خير ..
وفي اليوم التالي .. الصباح .. ارتوت جلفار بالغيث اللى صّب عالارض بغزاره .. وميثه كانت ويه يدوتها .. ودخل عليهم حمد مستانس بهالغيث ..
حمد:ميثوووه المطر صبيب وانتي تخورطين ويه يدوه .. يدتيه تراها تقص عليج كله اللى تقوله خريط ف خريط ..
ميثه تظهر برى ..تربع:الله !! حمد فديتك يالله نلعب في الحوي ..وربعت ميثه في الحوي .. وحمد جاسه حفوز مب طبيعي .. مسك عقص ميثه وسحبه صوبه..
ميثه تيود عقصها :آاااااااي ..يعورنيه .. يدووه جوفي حمد ..
حمد: بتمرضين عقب ..ردي ..
يدوه ظبيه مستانسه بالمطر ..وهي ناشه بصعوبه: حمد ولديه يوز عن ختك ..
وميثه واقفه بنص الحوي .. ولحقها حمد ..
ميثه:فديت مزنه .. والله ياليت اللحين اتي بيتنا ..ونلعب سوا تحت المطر ..رووعه بيكون..
حمد بعفويه:انزين شو المانع خلها اتي ..
ميثه ترفع راسها لسما وهي مغمضه عيونها: يعني ماتعرف انها مااتي يوم انته تكون في البيت ..
حمد مستغرب:ليش؟؟ تستحي يعني ؟؟
ميثه:لا تتخبر ..واااااايد تستحي .. مب بس منك ..من كل حد ..
وتم حمد يفكر .. والميث مب منتبه له يالسه تلعب بالمطر ..وتتطالع هلها ظاهرين في الليوان ..وتشوف هلها يسبحون ويدعون ربهم ..
ميثه:امايه فديتج ادعيلي ..
وعند العصر كانت بعدها الدنيا نفاف .. والجو حلو ..و بعد ماخلصو العرب صلاه العصر ..
ام سعيد:ولديه وين ساير .. المزرعه ؟
سعيد:لا الغاليه ..اليوم بنصيد انا و اربيعي خليفه ويه بوسالم ..
ام سعيد:عيل اتحمل فعمرك .. وعن الخبال انته وولد محمد ..
وتظهر مزنه ..
سعيد يطالعها:ههههههههههههههههه مزنووه تذكرين طيحتنا انا وخليفه في البحر ..
مزنه تلم الثياب وحطها بالبقشه:هيه ..اتحملو هالمره ولا بوحمد مابيسكت عنكم ..
سعيد:انتي وين سايره بعد ..؟
ام سعيد :وين بعد ..حليلها تغسل الثياب .. مزنه اتحملي ولا تبطين اميه ..
مزنه:فديتج امايه ..ان شاء الله ..
ومشت مزنه .. ولحقها اخوها ..وفي الممر..وظهرو ارباعه ..
سعيد:اشحالها؟
مزنه تتطالع البريق فعيونه :يسرك حالها ..الا بالها مشغول ع مزيونها ..
سعيد مستحي: مزنوه من وين لج هالعلوم ..بذبحج ..
مزنه: شو اسوي اذا كنت اخت المغرم واربيعه المغرمه ..
سعيد يلوي ع جتفها:آخ منج ..
وسار كل واحد منهم دربه ومزنه سارت بيت ميثه .. وهيه ماشيه شافت حمد طالع من الباب ..
مزنه منزله راسها:السلام عليك ..
حمد منزل راسه:وعليج السلام .. حياج الله.. وطلع ..
ومن عقبها سارن الميث والمزون .. واتيمعن البنات كلهن عند البحر ..
ميثه تتطالع البنات:بسير بسبح ..
مزنه:والله بقصابه .. مافينا عالمشاكل ميثووه ..يسد ان بوج درابج ذيج المره ..
ميثه:خوافات عفان الله ..والبنات يغسلن .. وميثه يالسه تفل شعرها ..اللى من طوله ماشاء الله نصه طاح في الماي وهيه يالسه تلعب بخصلات شعرها اللى في الماي ..
لطيفه:ميثووه شو تسوين؟؟ ..عنبو !!! يالله غسلي ثيابج .. بنروح نحن ..
حصه:هههههههههههههه مسويه حقها جو رومنسي الحبيبه..
لطيفه:أي جو رومنسي .. اطاعو كشتها ..كنها ليفه مواعين ..
والبنات يتظاحكن ..
ميثه ..هايمه بحبيبها ..وببرود على ابتسامه جذابه :جب .. شكلج نسيتي من اللى كان يزقرج ليفه الفريج ..
وهنيه البنات نقعن من الضحك ..وتذكرن طفولتهن ..
لطيفه مستحيه:هذاك اول ..اللحين شعريه ينعد فيه الشعر والقصيد يابنت بوحمد ..
مزنه:تذكرون ..كانت تربع البيت تصيح عند امها ..وامها حليلها تروح تتشكى عند ام خليفه ..هههههههه ايام والله ..
حصه:هذا غير الضرابه اللى تسوي عند المطوع ..هههههههههههههههههههه ..
الكل يضحك على ذكرياتهم ..
لطيفه بهمس:فديته ياربي ..
ومن عقب ردن البنات بيوتهن .. وهن ردات .. مر قايد واربيعه غيث من جداهم ..والبنات صخن من طافو الشبيبه ..
قايد :اشحالكن ؟
البنات صخات ..
قايد :وين امبينكن بنت عمي؟
طبعا البنات لابسات عبيهن ومايبين منهن شي غير الكف ..
ميثه تتجدمهن:شوه ؟
قايد يطالع ايدها:ابسرعه ردي البيت ..
ميثه:لا والله !!!وانته من تكون عشان تتامر ..
والبنات بذيج اللحظه تحركن ..وتمت مزنه ويه الميث ..وغيث امبونه سار ويلس تحت سدره الغاف الجريبه منهم ..
مزنه تيود طرف ميثه:الميث يالله ..امهاتنا يتريونا ..
ميثه:لحظه بسكت هذا عن حده ..
وقايد يطالع قوة بنت عمه .. بس جذبه صوت رنه مزنه ..
قايد:انتي مزنه خت سعيد ؟
ومزنه صاخه ومنزله راسها .. والميث منقهره وتشوف هالمزله المستويه ..
ميثه:قايد مايخصك في البنات .. انا بنت عمك ولك الحق ترمسني لكن البنات ..منقود ..شو بيقولون عنا العرب .. تبا ادوس على جبيلتنا بسوياك اللى تشرف العايله ..
قايد:حلو .. وسواتج انتي وسعيد بن راشد .. شو تسمينها ؟؟
ميثه..منصدمه:انته شو تخورط !!
قايد:ماعلينا ..(وصد لمزنه ..اللى نزلت راسها) .. تدرين يعيبني فيج انج مب ملسونه وماتردين عالشبيبه شرات اربيعتج ..
ميثه تقاطعه:شو قصدك ..ارد عالشبيبه؟؟
قايد طاف لميثه:مزنوه ترا بياضج ذابحنيه مووت .. الله يعين شقايل الليله برقد ..وسار
وميثه منصعقه ..كيف عرف بحبها .. وشو يقصد برمسته ؟؟ وليش جيه يعاملني ؟؟ وليش يكره سعيد هالكثر ؟؟
ومزنه .. نزلن دموعها من قال قايد رمسته الاخيره ..وماقدرت تستحمل مشت سريع والميث روحها في عالم ..وهن يمشن في السكه ..
ميثه:مزنووه ..والله دموعج ماتروح جيه ..اليوم بخبر به بويه خل يتفاهم وياه؟
مزنه تصيح بحرقه:بخبر به خويه سعيد ..
وتوهن بيدخلن السكه الثانيه .. شافن سعيد .. وسعيد من شافهن حس في شي مب طبيعي ..ومزنه من شافته طاحت بصدره تصيح .. والميث واقفه ع طرف منزله راسها ..
سعيد بخوف:مزنه ..مزنه بلاج؟
ومزنه تصيح مب رايمه تطلع حرف واحد ..
سعيد صد لميثه وبصوت عالي:ميثه ..بلاها مزنه ..دخيلج ارمسي بلاها اختي؟؟؟
ميثه بخوف:قايد ولد عمي ..
ويقاطعها سعيد ..وبخوف شديد:قايد ؟؟؟؟(ورفع ويه مزنه صوبه )...شو سوابج ..ارمسي شو سوا ؟؟؟
ومزنه تصيح ..بصوت عالي
ميثه تحاول تهدي الوضع:ما سوا شي ..بس يلس يتحرش بالبنات ..
وسعيد يقاطعها ويرمس اخته وماسك ويها وحطه صوب ويهه مباشره ويسالها والشرار يتطاير من عيونه:اتحرش بج ..؟؟
ومزنه تهز راسها ..
وسعيد بذيج اللحظه ..حالته ماحد يعلم ابها غير اللى يغار ع عرضه .. وخوز مزنه عن صدره وراح بدون لايقول شي ..وميثه خذت مزنه وودتها البيت وراحت هيه الثانيه تذرف دمعاتها ..تخاف لايستوي شي بسعيد ..بسبه ولد عمها ..وسعيد ماخل مكان مادور به ..راح دكان بو حميد ..وبوحمد .. والدكاكين الحوليهم ..والمزرعه ...والبحر ..ومكان مايتيمعون الشبيبه ..
وهناك بطرف الفريج ..في اقهوت بوحارب ..قايد يالس ويه ربعه ..
قايد:حارب فديتك ..استكانه شاهي . ..
وحارب باغض هالانسان .. شافه بس مارد عليه ..
قايد يرمس غيث:بلاه هو !!كني اطر منه ولا من عريش بوه ..
بهاللحظه يفتر سعيد في القهوه .. ويلمح قايد يضحك بصوت عالي ويه ربعه ..
هنيه سعيد رفع اكمام كندورته بطريقه سريعه واندفع لقايد ..اللى كان مب مستعد لهاي المسكه القويه اللى عورت له صدره بلحظه وحده ..مسكه من طرف كندورته ..
سعيد بقهر :يالنذل .. يالحقيييييييير .. وهو يصلبه بويهه ..
يالله أريد رايكم ؟؟ حلوه ولا مب حلوه ...