/
\
/
]%[ الجزء الثاني]%[
سكر زياد التيلفون من سارة بعد ماتطمن عليها وسرح في حالها سارة حالها تغير ومشتاق لها موت
ولهبالها تذكر لما سافروا اخر مرة هو وخالد وهيا لعند الشباب في المانيا وماكان موجود غير
عبدالعزيز والويد وبعدين سافروا لديزني لاند عشان تغير جوء بعد ماكانت مريضة وارتاحت سارة
بهذي السفرة الي الكل استغرب منهم لان وقتها ماكان في الاجازة كان وقت دراسة "
وقطع سرحانه دق الباب .
زياد : مين ؟
شيماء : انا مين يعني افتح .
فتح الباب : ههههه الباب مفتوح يالخبلة .
شيماء: ايش كنت بتسوي اعترف !
زياد : أولا خلصتي مذاكرة ؟
شيماء: ايوة غير الموضوع بعدين اكيد خلصت يعني باجي عندك قبل ما أخلص وبعدين شوف
الساعة كم دخت .وارتمت على فراشة.
زياد : ههههههه شوي شوي من رشاقتش ترمين عمرش على الفراش.
شيماء: الحين انا مو رشيقة ايوة صدقت انا جسمي ولا جسم عارضات الازياء، وبعدين لاتغير
الموضوع ايش كنت بتسوي؟
زياد: ههههههههه ملقوفة وبعدين لو ما اريد ارد ببرد لو تموتين بس بارد لاني مقدرت للسانش كنت
بكلم سارة
وكنت بانام لكن انتي دخلتي عرفتي .
شيماء: والله ليش ماناديت علي كنت اريد اكلمها.
زياد: لا والله ليش تيلفونش وين وبعدين هي زعلانة منش كثير لانش ماتتصلين وماتردين عليها .
شيماء : والله عارفة بس انت شفت الامتحانات ماخلت فيني عقل بس والله كنت بتصل عليها بس
هذاني طلعت من عند الاستاذة متأخرة وراجعت والحين خلصت.
زياد : عارف وقلت لها بس انتي تدرين ان سارة نفسيتها تعبانة وانتي عارفه نحن سافرنا عشان
نفسيتها الي كانت في النازل وماصدقنا رجعت زي اول بس لازم نهتم فيها لانها للحين ماعدت
هذي المرحلة.
شيماء وعيونها متحجره فيها الدموع: والله اني عارفة بس والله غصب عني والله بكرة باكلمها
انشالله.
زياد يبتسم لها ويتمدد في الفراش: عارف بس حبيت اذكرش عشان تعذريها شوي وتنتبهي عليها
انتي عارفة نحن ايش بالنسبة لها تقول انها مشتاقة لنا واجد وملانة ولوحدها خالد الله يهديه
مخليها ورايح رحلات شافها تضحك تخيلها مرتاحة خليني بكرة بعلمه شغله .
شيماء: والله نحن مشتاقيلها اكثر زيود خبرتها برجعتنا متى وان نحن ببنرجع نسافر مرة ثانية.
زياد : لا اريدها مفاجئة وياويلش اذا خبرتيها.
شيماء: لاتخاف اريد اشوف شكلها اذا عرفت ، الا ماقلت لي الهيثم وصل ووين بينام؟
زياد : الحين وصلوا وبينام عند عمي احمد خالد حلف عليه .
شيماء وهي مغمضة عيونها : هممممم
زياد: الا ماقلتي متى تخلصين ؟ لف على اخته لما ماحصل جواب شافها نايمة بعمق في خاطرة"
مسكينة انهلكت من المذاكرة ههههههههه مو انا وسارة بكرة الامتحان ونحن نلعب بلستيشن
ههههه الله يوفقش " وغطاها وطلع برا الغرفة ونام في غرفتها .
" زياد شاب حليوة حبوب مزوحي ابيضاني عيونه سود مكحلة ورموشه كثاف وحواجبه مرسومات رسم خشمه مسلول حاد مناسب لوجهه طوله عادي مثل طول سارة وهو يغتبر اقصر من اخوه وعيال عمه بس جسمه رياضي شعره مايل للبني الغامق عمره 19 سنة يموت بسارة"
" شيماء جمالها حاد عيونها سود وساع خشمها حاد وبيضاء شعر اسود سواد الليل مافي احد شافها الاوقال عنها شايفة حالها مع انها حبوبة موت هادية وخجولة موت بس لما اتكون مع حبيبتها سارة تهبل فيها ويطلع كل هبالها معاها عمرها 17 سنة "
/
\
/
قام مفزوع : كح بسم كح كح بسم الله.
سارة: هههههههههههههههههه وركضت عند الباب وما حست الهبلة ان الصوت مختلف عليها من
كثر الضحك .
: انتي مجنونة .
سارة : ههههههههه لا مو مجنونة ويالله قوم عشان بتوديني السوق سي يو وركض برا الغرفة
كانت تكلمة بعيد عند الباب ومو شايفة ملامحة زين .
.
كان جالس مصدوم لا مستحيل تكون هذي سارة الا هي ليش عمي عنده غيرها والله معرفتها
اكيد ببعرفها
3سنين موشايفها ويوم شفتها شفتها بهذا الشكل " كانت سارة لابسة بيجامتها وردية برمودا عليه
تيشرت طويل شوي وعليه رسوم وشعرها من سايح" ههههه مالت عليها للحين ماتغيرت هبلة
ودلوعة لا وحلوة والله شكلها .
قاطع سرحانة خالد :هيييييي وين سارح لا ومسوي حرب في غرفتي والله حمود اخوي ماراح
يسوي الي انت مسويه .
: هاا خالد متى جيت.
خالد: لا والله الولد مو معانا ابد هيثم صار لي ساعة اكلمك وانت سارح في الحبيبة وسويت حرب
ماي في الفراش اذا عصبت ما ترمي حرتك في فراشي ولا كنت ماتريد تنام عندي وتنتقم مني
والله انك مو وجه احد يعبرك .
الهيثم : افأ اصلا انا مين قدي نايم عندك ومرتاح وفي نفس الوقت مقهر خواني لنومتي عندكم
هههههههه.
خالد : ههههههههه والله انك شرير صدق بعض الناس يوم يقولون عنك شرير وثقيل دم ههههههه
الهيثم : مين هذولا ؟ وفي خاطره مافي غيرها ههههههه للحين شايله علي .
خالد : اقول قوم خذلك شور واجهز ورانا اشغال كثير وخلينا نخلي الشعب ينظف الحرب الي سويته
مو كفاية عليهم سارة تجيلهم انت .
الهيثم في خاطره اصلا كل البلاوي هيا سببها : انشالله بس في احد تحت
خالد : لا ابوي في في الشغل وامي راحت واخذت حمود معاها مادري وين وسارا اكيد نايمة
للحين . ليش تسأل؟
الهيثم : اها لا ولا شيء بس حبيت اعرف . وراح للحمام " اكرمكم الله " وخالد نزل تحت يفطر
خالد وهو نازل الدرج شاف اخته طالعة : ها اشوف الحلوين اليوم صاحين بدري.
سارة : بسم الله بهذي السرعة قدك جاهز والله انك خارق هبس عليك .
خالد باستغراب : والله عليش كلام غريب وبعدين ليش السؤال في شيء.
سارة : اكيد في شيء بتوديني لمحل العدسات اشتري عدسات بدال الي .... وتناظره نظره يعني
ياويلك .
/
\
/
خالد : لا والله واثقة الاخت اني باوديها .
سارة: اكيد بتوديني ولا والله اخبر ابوي عنك .
خالد: هههههههههههههه تدرين والله اني اشتقت لهذي الكلمة اخبر ابوي عنك ههههههه.
سارة : ههههههههه اكيد لانها مني فأكيد حلوة يالله ثواني واكون جاهزة .
خالد : سارونة بس الحين ماشي محل فاتح وانا الحين مشغول شوي مع ا وتقاطعة
سارة : لاشغل ولاهم يحزنون خالد انت تدري اني ما ابصر زين موكفاية اني ما اطلع من البيت والله
حرام عليك وشوي وباتبكي ماكفاية اني مقابلة هالاربع الجدران وماتريدوني ابصرهم خالد والله
اني تعبانة .
خالد: حس انه مقصر معاها وهي الي يموت فيها ودلوعته وخاصة انها مرت بفترة صعبة الحمدلله
انها عدت منها وان كانت تغيرت شوي بسبتها قالها بأبتسامة : خلاص سارونة روحي لبسي
بفطرك برا وبعدين نروح نشتري الي تريديه ها ايش رايش .
سارة بأبتسامة من زمان ماطلعت معه : ان شالله دقايق وجاهزة يالغالي احبك موت اموووه
وباساته . ولما تحركت خطوة عشان تتطلع الدرج رجعت لها الدوخة مسكها خالد
خالد : سارة فيش شيء مريضة .
سارة لما حست الدوخة خفت ابتسمت لاخوها : ههههه لا مافيني الا العافية بس اشوف قلبك
معاي زي ما ألبي معاك يالطيب وركض لغرفتها .
خالد : هههههههههه والله هذي البنت غريبة .طلع خالد يجهز السيارة واكيد اخته بعد ماهبلت فيه
نسى الهيثم .
" خالد 22 سنه يدرس هندسة وسيم العيلة جاي شاذ شوي الاكثرية لما يشوفونه يعتقدوا انه اجنبي ابيض مرة عيونه ازرق فاتح بحر على حواجب رسم وخشم سيفاني مسلول شعره ناعم طويل شوي بني فاتح للاشقر حبوب بس عليه نذاله مرة غامض شوي مايندري ايش وراه وعليه هبال "
/
\
/
/
\
/
بعد ما اتجهز نزل تحت يدور خالد بس ماحصله جلس في الصالة في زاوية يقدر يشوف الداخل
والخارج والنازل والطالع من الدرج سمع صوت انثوي مو غريب عليه ابتسم هههههههه.
سارة وهي نازلة من الدرج: مـييييررررري جابي عباية بسرعة . ونزلت ولما شافت الهيثم حسبالها
خالد لان هيئتهم من بعيد زي بعض ولابس نفس الوان خالد فحبت تدلع عليه من فرحتهل وصارت
تغني وتدلع وترقص : اخصمك اه واسيبك لااااااااه وجوى الروح حتفظل حبيبي الي انا بهواااااااااااه
وكانت تتمايل بجسمها وكأنها تسوي فيديو كليب وكانت لابسة جينز وتيشرت ابيض عليه كتابات
بالاحمر .
الهيثم كان مصدوم منها : جنت هذي لا والله شكلها جنت بس والله انها تجنن الواحد بجنانها هذي
الهبلة مايعة هي ودلعها ياربي خليني انزل عيني لايدخل خالد ويشوفني اطالعها واخليه يأدبها
براحته . قاطع كلامه صرخة منها .
سارة : ااااااااااااااااااااااي " البنت من كثر الدلع والرقص ما انتبهت لدرج وطاحت "
هيء هيء يـــمة خــالـد هيء أي أي وكانت مغمضة عينها حست بأحد يمسك رجلها
بصراخ : اااااااااي خويلد يالثور توجع والله أي أي وفتحت عوينها الي كلها دموع وياريتها مافتحتهم
جت على عيونها على عيون وساع عسلية كانت مثل البحر غرقت في هذي العيون الغامظة
انصدمت وخافت
هو كان مصدوم لما فتحت عيونها حس برجفتها القوية وهو ماسك رجلها .
دخل خالد بسرعة : خير ايش صار سارة ايش فيش ؟
سارة ناظرت اخوها بعيونها المغروقة بالدموع وعلى طول داخت ماحست بشيء .
مسكها الهيثم على طول لا يرتطم راسها بالرخام وتروح فيها البنت .
خالد بخوف: شل سارة من عند الهيثم بسرعة . وينادي مييييررررري جابي عباية مال سارة
بسرعة هيثم ايش الي صار ؟
الهيثم مرتبك وخايف عليها اول مرة ينحط بمثل هذا الموقف : مادري طاحت وجلست تبكي ولما
جيت اشوف رجلها جيت انت وداخت .
جابت ميري العباية لفوها عليها وبسرعة للمستشفى.
******************************
فتحت عيونها بثقل
خالد: سلامات حبيبتي .
سارة بتعب وصوتها مبحوح : وين انا؟
خالد: في المستشفى.
سارة فتحت عيونها على وسع : ليش انا مافيني شيء يالله نطلع وكانت بتقوم بس ماقدرت لانها
للحين دايخة.
خالد متعود على ردة فعلها لانها في المستشفى قالها بعتاب : لو كنتي ماتريدي تجين المستشفى
مرة ثانية ليش ماتاكلي مثل الناس وتريحي اعصابش شوي سارونة ليش ماكنتي تاكلي عندش
هبوط حاد وفقر دم وهذا الشيء مو زين لصحتش وتفكرين كثير حبيبتي انسي والحمدلله على كل
شيء.
سارة : والله كنت اكل بس مالي نفس اكل أي شيء.
خالد: سارونة ايش كنت تاكلي شوكلاته وايس كريم وبعدين خلاص كلمة مالي نفس حذفيها من
القاموس سامعة انا عارف اني مقصر معاش في الفترة الاخيرة واعرف انش مفتقد زياد وشيماء
والبنات وانش للحين متأثرة بالي صار بس مو معناته انش تقتلين عمرش سارونة نحن من دونش
ولا شيء سامعة انتي لازم تنسين وترجعين سارونة دلوعة العيلة الي ماتعرف الا الضحك .
سارة وصارت تبكي وهزت راسها بمعنى ايوة . حظنها خالد وخلاها تبكي حس انه كان بعيد عنها
هاليومين وهي هذي الفترة محتاجاته جنبها وهو الي جنبها دايما.
خلاها خالد بعد ما هدأت شوي وخرج من عندها عشان ينادي الدكتورة .
/
\
/
كانوا في السيارة طايحين سوالف في كل الموضيع الشبابية وسارة اول ماركبت السيارة نامت من
التعب ولاحست بالدنياء ويقطع سوالفهم نغمة تيلفون خالد
خالد وهو يشوف الرقم : اف هذا من امتى يقوم من الصبح!
الهيثم : مين ؟
خالد : زيادووووه ويرد الوووو
زياد : صباح الخير ياخوي .
خالد : صباح النور ها من وين شارقة الشمس اليوم .
زياد : الناس تسلم وتسأل وبعدين تضحك على الناس .
خالد : لااااا بالله حقك علي كيف الحال ياخوي .
زياد: الحمدلله
الهيثم بصوت عالي عشان يسمعه : لا ما اقدر من متى اتقوم من الصبح
زياد : اوووهووووو علينا اقول تعدلوا بعدين خالد سارة زعلانة منك .
خالد : هههههههههههههه لحقت تشكيلك لاتخاف تراضينا.
زياد : اها اوكي خالد انتبه نحن ماصدقنا تتحسن
خالد : ان شالله .
زياد : عطيني الهيثم .
خالد يرمي تلفونه للهيثم : خذ يبيك .
الهيثم : ها يالحبيب ليكون حسيت فينا .
خالد : هههههههه شكله
زياد : هي انت تكلمني ولا تكلم خويلد سلم بالاول .
الهيثم : سوري السلام عليكم كيفك ياخوي الحبيب .
زياد : ههههههه وعليكم السلام الحمدلله طمني عنك كيفك وكيف الاجواء.
الهيثم : ادري فيك ملقوف من يوم يومك ما ادري على مين .
خالد : هههههههههه على الي وراء والله مادري ايش كانت امي تاكل هذك الفترة لدرجة ان الحليب
مأثر عليهم اكثر من جيناتنا ههههههههه كل شيء زي بعض والله حاله .
الهيثم : والله انك صادق ههههههه تدري رسالة الدكتوراة بتكون عنهم اخوة الرضاعة .
زياد : أيـــــــــــه انا اكلمك وانت تكلمه وبعدين انت وياه ايش بتقولوا عني وعن سارة ها النميمة
حرام .
الهيثم : وليــــــــــــه ابلشنا ذلحين مانقول عنكم شيء وبعدين نحن مانعرف النميمة وتراها تسمع
يعني لو قلنا شيء بتقولك لتخاف .
خالد : ها سارة نحن تكلمنا عنكم . لف عليها لما ماحصل جواب منها وشافها نايمة : هيمو تكلم
بشويش سارة نايمة .
الهيثم هز راسه بنعم وبصوت واطي : زيود اكلمك بعدين لما اوصل للبيت .
زياد : انتم وين وليش سارة معاكم .
الهيثم عارف حنت اخوه : زيود سارة تعبت شوي ووديناها المستشفى وهيا ذلحين معانا ونايمة.
زياد بخوف: ايش فيها لتكون حالتها انتكست انا امس كلمتها وكانت نفسيتها تعبانه كله من الدب
الي عندك نحن ماصدقنا انها تتحسن .
الهيثم كان مستغرب من كلام اخوه : حالتها تنتكس وانت امس كلمتها وقالت ان نفسيتها تعبانة .
زياد : ايوة بس قالت انها ارتاحت لما كلمتها هيثم الله يخليك كيفها ذلحين .
الهيثم : الحمدلله مافيها شيء بس تدلع شوي اقول اذا وصلنا للبيت باكلمك اوكي يالله باي .
زياد : باي.
الهيثم يناظر خالد : خالد سارة كانت مريضة قبل ؟
خالد : ها ايوة قبل كم من شهر مرضت ونامت في المستشفى .
الهيثم : اها وايش كان فيها.
خالد بارتباك : عادي درجة حرارتها مرتفعة كانت وشوية ارهاق بس .
الهيثم مومقتنع : اها
/
\
/
لما سكر من اخوه كان باله مشغول بسارة لانه كان حاس انها تعبانة من صوتها لما كلمها يحس
فيها من دون ماتتكلم من صوتها وعيونها وهيا حساسة زيادة عن اللزوم بس كتومة كل شيء
بقلبها ماتبين لاحد شيء قطع سرحانه جواله الي يرن لما شاف الاسم ابتسم ورد: هلا بالغلا .
شيماء بصراخ : خــــــــلصت خلصت خلصت والله العظيم اني خلصت .
زياد وهو يبعد التيلفون من اذنه هبلة : هههههههه صدق مجنونة الحمدلله والشكر وبعدين
هــــــي فجرتي اذوني والله اني مو مستغني عنهم .
شيماء : مالت هذا بدال ماتباركلي مالت عليك من اخو.
زياد : افأ اذا ماباركت لشيوم حبيبتي ابارك لمين ..
شيماء : هههههههههه صدقت لو كنت سارة كان صدقت .
زياد : ههههه يالغيورة يالله خمس دقايق وانا عندش تراني مسويلش مفاجئة .
شيماء : والله يااااااااااااي اموت فيك يالله انا من ذلحين انتظرك .
************************************
في بيت ابو جهاد علي الابن الثاني من العيله متزوج منى من العيلة وعندهم جهاد والريم 17
سنة وريماس 15 سنة ومازن 13 سنة "
فتحت الباب على مصراعية رمت عبايتها وشنطتها بعشوائية بالارض وهيا تصارخ: يمـــــــه يا أهل
البيت وينكم
: انتي متى راح تتعلمين ان الصراخ عيب وبعدين خفي اشوي على احبالش الصوتية .
: انت اصلا وانتبهت لصاحب الصوت بفرحة وصراخ : جهـــــــــــــــــــاد وعلى طول ركضت تسلم .
جهاد : كيف حالش ريامي .
الريم وهيا تبكي : الحمدلله اخيرا رجعت والله اني مشتاقة لك مـــوت.
جهاد : وانا مشتاق لكم اكثر والله ها بشري كيف الامتحانات ؟
الريم : تماااام .
جهاد : اموت بالواثقين .
الريم وهيا تغمز له : اعجبك هههههههههه الا مافلت لي متى وصلت ؟ وليش ماقلت لنا ؟
جهاد: الساعة 2 الفجر وحبيت اسويها مفاجئة .
الريم : احلى مفاجئة جهاد.
جهاد : هلا .
الريم : احد شافك غيري ؟
جهاد وهو يبتسم : الكل شافني .
الريم : افأ انا الحين اخر من يعلم بوجودك .
جهاد : ههههههه يـــــــــس.
الريم بتذكر : الا وين امي وريماس ومزون. امي بالعادة ماتكون الا بالبيت بهذا الوقت !
جهاد : ليش ماتدرين اكيد ماتدرين لاني انسيت ماقولش .
الريم : جهـــــاد عن الملاقة تكلم.
جهاد : امي عند عمي احمد والكل راح يتغدي عندهم وانا الحين رايح يالله روحي لبسي عشان
تروحين معاي .
الريم : غريبة ليش الجمعة هناك مو في بيت جدي .
جهاد : عشان الدلوعة سارة امي تقول انها مريضة .
الريم : يؤيؤ سلامتها فديتها صار لي مدة مو مكلماتها مسكينة هي مو حقت امراض أي شيء
بسيط يأثر عليها .
جهاد : أي مسكينة قولي دلوعة اكيد خافت الاضواء لاتروح عنها قالت خلوني امرض تفكير سطحي.
الريم بصدمة : جهاد ايش هالكلام الي انت بتقوله والله ماتوقعت تفكيرك في بنت عمنا بهذي
الطريقة شكل المانيا غيرتك . وقامت على طول لغرفتها زعلانة على بنت عمها .
جهاد : أف هذولا ماحد يقدر يتكلم كلمة الحق عندهم عن الدلوعة معرف ايش مسويه فيهم لاحسة
عقولهم وانا صادق الحين ماعرفت تمرض الا لما جينا والبنات خلصوا امتحانتهم .وقام عشان يجهز .
"اليريم 17 سنة هذي حلوة جمالها هادي كل شيء منها متوسط شعرها مموج اسود فيها غميزة على الجانب الايسر واضحه والايمن مو واضحة كثير طويلة وجسمها متوسط <<< هذي البنت شعارها خير الامور اوسطها هادية شوي بس اوقات عليها نذاله وتعصيب تحب تتهبل مع بنات عمها "
/
\
/